Қазақстан –біздің ортақ үйіміз.

Қазақстан –біздің ортақ үйіміз.

Адаева Айганым Матмуратовна

Астана қаласы №58 мектеп-гимназиясы

Бастауыш сынып мұғалімі

Жоғары санатты

Бір халық-бір ел-бір тағдыр.

(Н.Ә.Назарбаев)

Біздің Тәуелсіз Қазақстан-көп ұлтты мемлекет.Бір шаңырақ астында 130-дан астам ұлт өкілдері өмір сүруде.Бейбітшілік пен достықта жұмыла отырып ,әр түрлі салада қызмет етіп еңбектенуде.Олардың әрқайсысы суверинетті және егеменді тәуелсіз мемлекетіміздің дамуына өздерінің үлесін қосып келеді. Қазақстанның әрбір азаматы айрықша күнді есте сақтап және онымен мақтанады.

1991 жылы 16 желтоқсанда Қазақстан Республикасының мемлекеттік саяси тәуелсіздігі туралы конституциялық заң қабылданды.Міне,осы тәуелсіздік туының еркін желбіреп тұрғанына 25 жыл толып отыр.Сөз жоқ.Бұл күн Қазақстан үшін ұлы күн.Дегенменде ,бұл күн оңайлықпен келмегені бәрімізге белгілі.Сонау қиын қыстау кезеңдер қазақ даласын айналып өтпеді.

Қазақ тарихынан белгілі «Қуғын-сүргін», «Жер аудару», «Ұлы Отан соғысы» сияқты оқиғалар ешкімді де бей-жай қалдырмаған.Зорбалаң саясаттың құрбаны болғандар қазақ даласына келгендері де аз емес .Қазақстан көптеген халықтың қоныс аударатын орнына айналды.Тек жергілікті халықтың мейірімділігінің арқасында қоныс аударып келгендер барлық азабынан аман-есен шыға алды.

Қазіргі уақытта елімізде көптеген этномәдени бірлестіктер,достық үйлер өз дәрежесінде өз жұмыстарын атқарып жатыр.Өзге ұлт өкілдері өздерінің салт-дәстүрлерін,мәдениетін,дінін,тілін еркін көрсету мүмкіншіліктері мол.

Елбасы жүргізіп отырған саясаттың бір тіні ұлтаралық татулық екені мәлім.Соның арқасында көп ұлтты Қазақстанда «ыдыс-аяқ сылдыры» естілген емес.Барлық ұлттар бір үйдің баласындай тату-тәтті өмір сүруде.

Ал татулық-болашақта еліміздің өркендеуі мен гүлденудің басты кепілі.Себебі,Қазақстан-біздің ортақ үйіміз,ортақ мекеніміз!