«Қазақстан Халық Банкі – сенімді қаржылық серіктес»

«Қазақстан Халық Банкі»– еліміздегі ең ірі және ең беделді қаржы ұйымдарының бірі. 1923 жылы құрылған банк бүгінде халықтың сеніміне ие болып, қаржы нарығында жетекші орынды иеленіп отыр.Халық банкі алғашында зейнетақы мен жалақы төлеу үшін құрылған мемлекеттік мекеме болатын. Уақыт өте келе банк жаңа даму кезеңіне аяқ басып, түрлі қызмет түрлерін ұсынатын әмбебап қаржы институтына айналды. 2001 жылдан бастап банк жекешелендіріліп, нарықтық талаптарға сай жұмыс істей бастады.Бүгінгі таңда Халық банкі:

Қазақстандағы ең ірі банк 10 млн-нан астам клиентке қызмет көрсетеді

Ел бойынша 1000-нан аса бөлімшелері мен банкоматтары бар цифрлық сервистері (Halyk Homebank, Halyk Business) арқылы онлайн қызмет көрсетуде көш бастап тұр.

Қызмет түрлеріне тоқталатын болсақ

Халық банкі Жеке және заңды тұлғаларға арналған несие беру салымдар мен депозиттерді қабылдау, банк карталарын шығару, Мобильді және интернет-банкинг қызметтерін ұсынады.Сонымен қатар, зейнетақы мен әлеуметтік төлемдер де осы банк арқылы жүргізіледі.

Цифрлық банкке айналу жолында

Halyk Bank заман талабына сай IT-технологияларды дамытып, клиенттерге жылдам, қауіпсіз және ыңғайлы қызмет көрсетуге ерекше мән береді. Мысалы, Homebank мобильді қосымшасы арқылы:

- шотты басқару,

- төлем жасау,

- карта ашу,

- кредит рәсімдеу – барлығы бірнеше минутта жүзеге асады.

Сонымен қатар Халық банкі — тек қаржы емес, әлеуметтік жауапкершілігі жоғары ұйым. Ол білім беру, медицина, спорт, мәдениет салаларын қаржылай қолдап келеді. Әсіресе, мұқтаж отбасылар мен жастарға арналған бағдарламаларға жиі демеушілік жасайды.

Халық банкі — атына заты сай, елдің мүддесі үшін қызмет ететін қаржы ұйымы. Сенімділік, тұрақтылық пен жаңашылдық – оның басты ұстанымдары. Бүгінде ол Қазақстан халқы үшін тек банк емес, нағыз қаржылық серіктеске айналған.