«Қазақстан-менің Отаным»

«Аққу» жекеменшік балабақшасы

«Қазақстан-менің Отаным»

(ұйымдастырылған ашық оқу іс-әрекеті)

Тәрбиеші: Сагиева Б.

2026ж

Мақсаты: Балаларға Қазақстан Республикасы туралы білім беру. Балалардың тіл байлығын, сөздерді байланыстырып сөйлеуін дамыту, Отанды, жерді, елді сүюге тәрбиелеу.

« Шаттық шеңбері»

Арайлап таң атты,

Алтын сәуле таратты

Жарқырайды күніміз

Жарқырайды даламыз

Біз бақытты баламыз,-дей отырып, « Менің Отаным- Қазақстан» атты ұйымдастырылған ашық оқу қызметімізді ашық деп жариялаймыз.

Қазақстан Республикасының мемлекеттік әнұраны орындалады.

«Әнұран»

Тәрбиеші: Балалар, біздің республикамыз Қазақстан деп аталады. Біздің еліміз-тәуелсіз мемлекет. Біздің еліміз тәуелсіз болғандықтан: өзіміздің мемлекеттік әнұранымыз, елтаңбамыз және өзіміздің мемлекеттік туымыз бар. Біздің ұлттық тіліміз-қазақ тілі. Республикамыздың президенті – Қасымжомарт Кемелұлы Тоқаев.

Тәрбиеші: Балалар, мынау біздің еліміз-Қазақстан Республикасының Мемлекеттік Туы-көгілдір түсті тіктөртбұрышты кездеме. Тудың ортасында 32 күн сәулесі, оның астында қалықтап ұшқан қыран бейнеленген. Сабына бекітілгкен тұста ұлттық оюлармен кестеленген тік жолақ өрнектелеген. Күн, арай, қыран және ою-өрнек-алтын түсті.

Тәрбиеші: Балалар тудан ненің бейнесін көріп тұрсыңдар?

Балалар: Күн, құс пен оюдың бейнесін көріп тұрмыз.

Тәрбиеші: Иә, өте жақсы, дұрыс айтасыңдар. Балалар, біздің мемлекетіміздің туының түсі қандай?

Балалар: Мемлекетіміздің туының түсі көк, көгілдір.

Тәрбиеші: Неге ұқсайды?

Балалар: Ашық аспанымызға ұқсайды.

Тәрбиеші: Мынау біздің - Қазақстан Республикасының Мемлекеттік Елтаңбасы. Рәміздік тұрғыдан Қазақстан Республикасының Мемлекеттік Елтаңбасының негізі- шаңырақ. Ол- Елтаңбаның жүрегі. Шаңырақ- мемлекеттің түп негізі- отбасының негізі. Шаңырақ- Күн шеңбері. Қанатты Тұлпар уақыт пен кеңістікті біріктіреді. Ол өлмес өмірдің бейнесі. Бес бұрышты жұлдыз- Елтаңбаның тәжі іспетті.

Тәрбиеші: Енді балалардың Отанымызға арналған тақпақтарына кезек берейік.

Ақжібек: Менің елім-Қазақстан,

Туым әдемі, көк аспан.

Отанымды сүйемін,

Қазына: Менің Отаным- Қазақстан,

Кең дала, әсем аспан.

Анам мен әкем қасымда

Бақыттымын мен онда.

Инаят: Кең жазық Отан мекенім,

Сен де өсіп келемін,

Сені қорғау парызым,

Мұны білу парызым.

Мариям: Қазақстан -кең дала,

Гүлдер өсер жан-жақта.

Бұл-менің Отаным,

Жақсы көрем мен оны.

Сұлтан: Қазақстан-туған жер,

Жасыл дала, көк өркен.

Күн күледі аспанда,

Мен ойнаймын шаттана.

Тәрбиеші: Жарайсыңдар балалар. Алі енді біз бір сергіп алайық.

«Сергіту сәті»

Тәрбиеші: Отаны жоқ адамдар бақытсыз адамдар екен. Ал, біз қазақ халқы бақ қонған халықпыз деп қуана айта аламыз. Өзіміздің Отанымыз, мемлекетіміз, тарихымыз, тіліміз, тәуелсіз еліміз бар.

Тәрбиеші: Олай болса ендігі кезекті патриот балаларымыздың биіне берейік.

Би « Жаса бер Қазақстан »

Тәрбиеші: Жарайсыңдар балалар. Ал, енді тапсырма орындайық. Аспанымыз ашық болсын, күніміз жарық болсын-деп, күніміздің сәулелерін толықтыратын боламыз.

«Күн сәулесін толтыру»

Тәрбиеші: Жарайсыңдар, балалар енді Отанымызға арнап ән айтамыз.

Ән «Менің елім- Қазақстан»

Тәрбиеші: Жарайсыңдар енді, бәріміз бірге туған жерімізге гүл егейік.

Ойын «Туған жерді гүлдендір»

Тәрбиеші: Балалар, Туған жерді гүлдендірер ұл-қызы міне, сендерсіздер. Еліміздің келешек тағдыры, Қазақстан ертеңі өз қолдарыңызда. Туған елдеріңді өркениетті мемлекеттермен терезесі тең, керегесі кең етететін сендер. Осымен «Қазақстан- менің Отаным» атты ұйымдастырылған ашық оқу іс-әрекетімізді аяқтаймыз. Қош сау болыңыздар.