ҚАЗАҚСТАН РЕСПУБЛИКАСЫНДА ТУРИСТЕРГЕ ҚЫЗМЕТ КӨРСЕТУ ЖҮЙЕСІН ЖЕТІЛДІРУ ЖОЛДАРЫ

Қазақстан Республикасында туристерге қызмет көрсету жүйесін жетілдіру жолдары

Оспанов Мақсат Болатулы

Жамбыл экономика және ақпараттық технологиялар колледжі

Экономика пәні мұғалімі.

Туризм – экономика салаларының ішіндегі қарқынды дамып келе жатқан, ірі қызмет көрсету салаларының бірі. Оның дамуының жоғары қарқындары мен валюталық түсімдердің үлкен көлемдері жеке туристік индустрияның қалыптасуына септігін тигізетін түрлі экономика секторларына белсенді ықпалын тигізеді

Туристерге көрсетілетін қызметтерді ұйымдастырудың деңгейі және оның сапасы шетелдік туристерге сол елдегі қызмет көрсету деңгейі туралы мәлімет алуға мүмкіндік береді.

Туристің қонақ үйде немесе басқа бір орналасқан жерде болған кезіндегі көрсетілетін қызмет түрлері, қоғамдық тамақтану орындары, мәдени сауықтыру орындарында және т.с.с.. Осындай қызметтердің сапасы туристердің ойында ең күшті ойлар қалдырады. Себебі мұндай қызмет түрлері күнделікті қажеттіліктерді қанағаттандырып отырады.

Туристерге қызмет көрсету бұл- туристерге демалуға қолайлы жағдай жасау және сұраныстарды қанағаттандыру болып табылады. Туристерге көрсетілетін қызметтер жүйесіне келесілер жатады:

• тасымалдау қызметі (әуе, темір жол, автокөлікпен, су көліктерімен тасымалдау);

• орналастыру бойынша қызметтер (қонақ үйлер, кемпингтер, лагерлер, санаторлы курорттық орындар қызметі, пансионаттар, жалға берілетін үйлер, хостельдер,мотель, блотель, флайтель, ротельдер қызметі және т.б.)

• қоғамдық тамақтандыру кәсіпорындарының қызметтері

• туристтік агенттер, туроператорлар және экскурсоводар қызметі;

• мәдени демалыс орындарының қызметі

• көңіл көтеру және демалысты ұйымдастыру қызметтері;

• әр түрлі туристтік қызметтер.

Елімізде туризм саласын дамыту үшін аталып өткен қызметтердің жоғары сапалы түрде жүзеге асуын қамтамасыз ету қажет. Елімізде туризм саласының даму жағдайын сипаттау үшін елімізге келу және шығу туризмінің арақатынасын анықтауды жөн санадым. Ол үшін ең алдымен көрсетілетін қызметтің әр түрі бойынша даму жағдайын бағалап көрейік. ҚР –сы бойынша 2010-2013 жылдар аралығында шығу туризмі бойынша адамдар саны 194 157 адамға немесе 2 есеге артып, нақты саны 2013 жылы 388108 адамды құраған. Ал келу туризмі бойынша туристік қызметті пайдаланғандар саны ағымды жылы 186354 адамды құраған.

2013жылғы Халықаралық туристтік ұйымның жүргізілген зерттеулерінің нәтижесіндегі әлемдегі туристердің жиі баратын мемлекеттері анықталды. Ең бірінші орынды Франция жылына 77,1 млн. туристер келеді. Екінші орынды АҚШ-62,3млн.туристер және үшінші орынды Қытай елі иеленді жылына 57,6млн. туристер келеді екен. Одан кейінгі туристтердің жиі келетін елдеріне Испания, Италия, Турция, Ұлыбритания, Германия, Малайзия, Австрия елдері жатады екен. Туристік нарығы кеңінен тараған мемлекеттер қатарына шығу үшін қандай шаралар жүзеге асыру қажет? Саланы дамытуда қандай мәселелер кедергі келтіруде?

Аталған мәселлерді шешу үшін және туристерге қызмет көрсету жүйесін жетілдіру бойынша келесідей ұсыныстарды келтіремін:-Туристерге тасымалдау қызметін бойынша жоғары сапалылық пен төмен баға жүйесін қалыптастыру және мүмкін аймақтарда су көлігін көңіл көтеру мақсатында пайдалану;-Орналастыру және ас ұсыну бойынша қызметтері бойынша: жоғары сервистік қызмет және біліктілігі жоғары мамандарды даярлау;- Мамандар даярлау және туристтік агенттер, туроператорлар аясындағы кәсіпкерлікті дамыту.Сонымен қатар басқа да инновациялық туристік қызметтер жүйесін жетілдіру.

Қолданылған әдебиеттер:

1. www. stat.gov.kz