Қазақстан тарихынан квест ойыны

Қазақстан тарихы пәнінен 6а-6б сыныптарға арналған квест ойыны

Тақырыбы: “БАБАЛАР ІЗІМЕН”

Мақсаты:

• Қазақстан тарихының маңызды оқиғалары мен тұлғаларын таныстыру;

• Оқушылардың зейіні мен логикалық ойлау қабілетін дамыту;

• Командалық жұмыс дағдыларын қалыптастыру.

Формат:

Квест бірнеше кезеңнен тұрады. Әр кезеңде оқушылар сұрақтарға жауап беру арқылы жасырылған келесі сұрақтың орнын картадан табады. Квест мектеп аумағында немесе сынып ішінде ұйымдастырылады.

Квесттің кезеңдері және ұйымдастыру жоспары

1-кезең: “Тарихтың бастауы”. (Спорт зал)

Сұрақ:

• Аристотельден кейінгі екінші ұстаз атанған Шығыстың ғұлама ойшылы (Ә.Н Әл-Фараби)

• Тас дәуірі неше кезеңге бөлінеді? (Палеолит,мезолит,неолит)

Бағыттауыш:Картада келесі нүктенің орналасқан жері көрсетіледі.

2-кезең: “Ұлы дала хандары” (207 кабинет)

Тапсырма:Қазақ хандығының құрылуы мен хандары туралы сұрақтарға жауап беру қажет.

Сұрақ:

• Қазақ хандығының негізін қалаған кімдер? (Керей, Жәнібек)

• Қазақ хандығы қай жылы құрылды? (1465ж)

Бағыттауыш:Сұраққа дұрыс жауап берген соң, картада келесі сұрақ жасырылған орынды табу керек .

3-кезең: “Адасқан әріптер құпиясы” (Психолог кабинеті)

Тапсырма:Оқушыларға тарихқа қатысты сұрақтар беріледі. Сұрақтарға жауап беру арқылы келесі нүктені анықтайды.

Сұрақ:Мына әріптерден сөздер құрастыр.

1.РХЕАГИЯОЛО-заттай деректер бойынша адамзат тарихының ежелгі кезеңін зерттейтін ғылым.

2.ТРОЕПФЛИГ- тас,жартас бетіне қашау арқылы сызып немесе ойып салынған сурет.

Бағыттауыш:Сұрақ жасырылған орынды картадан анықтайды (Файе).

4-кезең: “Батырлар ізін басқан” (Файе)

Тапсырма:Оқушыларға түрік қағанаты қатысты жұмбақ сұрақтар беріледі.

Сұрақ мысалдары:

• «Бұдун, тат» сөздерінің мағынасы. Жауабы: «Халық, құл».

• Түріктер отбасына шапағатын тигізеді деп кімге табынған. Жауабы: Ұмай анаға.

Бағыттауыш:Спорт зал.

5-кезең: “Тарихи құпияны ашу” (Қорытынды кезең)

Тапсырма:

Әр кезеңде жинаған дұрыс жауаптары үшін оқушыларға жеке әріптер беріледі. Соңғы кезеңде сол әріптерден Қазақстан тарихына қатысты сөз құрастыру қажет “Тарих”.

Қорытынды:

Барлық кезеңнен өтіп, дұрыс жауап берген команда жеңімпаз атанады.

Қосымша ақпарат