Қазақстанда ауыл шаруашылығын ұжымдастыру.(9 сынып)

Қазақстан тарихы. 9 сынып.

Сабақтың тақырыбы: Қазақстанда ауыл шаруашылығын ұжымдастыру.

Сабақтың түрі: жаңа тақырыпты меңгеру.

Сабақтың мақсаты:

Білімділік: Республиканың ауыл шаруашылығын қайта құру негізінде 1929-1931 жылдары жүргізілген ұжымдастыру саясатының зардаптары мен нәтижелерін түсінуге жағдай жасау;

Дамытушылық: Оқушылырды мәтінді өз бетімен меңгеруге, өтілетін тақырыпқа сай материалдарды іздестіріп, іріктеп сабақ үрдісінде қолдана білуге дағдыландыру, ізденімпаздыққа баулу;

Тәрбиелілік: Ұлт қайраткерлері мен үкіметтің солақай саясатына қарсы шыққан кісілердің іс-әрекеті негізінде оқушыны ұлттық патриоттық тәрбиеге баулу. Өткенін біліп, келешегін болжай алатын ұрпақ тәрбиелеу.

Сабақтың әдісі: Шаталов тірек-сызбасы, тірек сөздер стратегиясы, тақырып таңдау стратегиясы, салыстыру.

Пәнаралық байланыс: әдебиет, қазақ тілі, қазіргі өмір.

Көрнекі құралдар: 1. карта: «1929-1940жж. Қазақстандағы ұжымдастыру»

2. Тірек-сызбалар, кестелер.

3. слайдтар.

Сабақ барысы:

1. Оқушылардың қатысуы туралы ақпарат.

2. Оқушылардың зейінін сабаққа аудару.

І. Қызығушылығын ояту.

«Даталарды білу» жарысы.

1. 1925-1933жж – Ф.И. Голощекин Қазақстанды басқарды.

2. 1928-1932жж. – КСРО-да 1-ші бесжылдық жоспар жылдары.

3. 1927ж – Түрксіб қозғалысы басталды.

4. 1925ж. – КСРО-да индустрияландыру бағыты жарияланды.

5. 1930ж. – Екпінділер саны 10 мыңға жетті.

6. 1935ж. – Түсті металлургия озаттарының съезі.

7. 1939ж. – Қалаларда 375мың қазақ тұрды.

8. 1931ж. – Түрксіб тұрақты пайдалануға берілді.

9. 1930ж. 28 сәуір – Түрксіб құрылысы бітті.

Мотивация (ой қозғау). Тірек сөздер стратегиясы бойынша оқушылар оқиды, ойланады, айтады.

ІІ. Мағынаны тану.

Тақырып таңдау стратегиясы бойынша оқушылар тақырыпты таңдайды, оқиды, айтады.

Жоспары:

1. Ұжымдастыруға дейінгі қазақ ауылы.

2. Ауыл шаруашылығын күштеп ұжымдастыру.

3. Отырықшыландыру.

4. Байларды тәркілеу.

5. «Асыра сілтеу болмасын, аша тұяқ қалмасын».

6. 1931-1933жылдардағы ашаршылық.

7. Шаруалардың жаппай ұжымдастыру саясатына қарсылығы.

8. Ауыл шаруашылығын ұжымдастырудағы сталиндік үлгінің зардаптарына қарсы күрес.

Жаңа сабақтың жоспары бойынша тірек-сызба арқылы оқушылар дайындаған деректерінен ақпарат береді.

Оқушы: Ұжымдастыру алдындағы қазақ ауылының жағдайы туралы айтады.

Оқушы: Қазақтарды күштеп ұжымдастырудың зардабы туралы айтады.

Оқушы: Отырықшыландыру саясатының зардаптарына тоқталады.

(құрастырған кластерді пайдаланады).

Оқушы: Кәмпескелеудің қалай жүргізілгендігі туралы айтады.

(тірек-сызба бойынша).

Оқушы: Ет-мал салығының қазақтың қолындағы барынан айырғаны туралы карта бойынша айтады.

Мұғалім: Осындай себептер мен саясаттағы қателіктер, Голощекин сияқты басшылар мен белсенділердің асыра сілтеуінен 1931-1933жылдары Қазақстанды түгелдей аштық жайлады.

Оқушы: 1931-1933жылдардағы аштық туралы айтады. (тірек-сызба бойынша)

Татьяна Невадовскаяның «Қазақстан қасіреті» өлеңін оқиды.