Қазақстаным-болашағым

Қазақстаным - болашағым

Жұлдызымсың көгімде жарқылдаған!
Саған деген сезімім сарқылмаған.
Қасиетті далаңның бейнесіне
Жыр арнауға ешқашан тартынбағам.

Көркіңе жетері жоқ келбетінен,
Жəннəтымсың жай алған жер бетінен,
Дархан далаң самалы соғар гулеп,
Бесігіндей анамның тербетілген.

Отаным, мұнша асыл қасиетің,
Қасиетіңе жайым бар бас иетін.
Өзің жайлы жыр жазсам тебіреніп,
Келеді тасый кеткім, тасый кеткім!

Жырақтасам, жетпейді тағат маған
Өзіңсіз күн батпаған, таң атпаған,
Қыран болсам көгіңде қалықтаған
Саған деген махаббат - қанат маған.

Астанам еліміздің төріндесің,
Киелі қазағымның жеріндесің.
Берік боп бекінген соң бас қаламыз,
Кəміл ғой шегінбесім, жеңілмесім.

Елтаңбам - еншілесі елдігімнің,
Туым менің тірегі теңдігімнің.
Ұлтымды ұлықтатқан ұлтқа өзге
Əнұраным - əуені кеңдігімнің.

Бақыт тамған, бал тамған бұлағымсың,
Сөнбейтұғын жанатын шырағымсың.
Өзіңде туып өскен мен бақытты
Басқа біткен байлығым - тұрағымсың.

Тарихтан сыр шертеді болашағы,
Болашағым бақытқа жол ашады.
Мəңгіге созылса екен Алла жазып,
Елімнің бақытына тола шағы!