Қазіргі заман мұғалімі қандай болу керек.Алматы облысы Райымбек ауданы «Көлсай » кәсіптік техникалық колледж әдіскері Қуанышбек Зейітов Сәпінұлы Қазіргі заманда ұлы Абайдың «Ұстаздық еткен жалықпас, үйретуден балаға» демекші, тәлім -тәрбие беруден жалықпайтын, еңбекқор , шығармашылығы мол, парасатты ұстаз керек. Тәуелсіз ел атанып ,төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың , елдің болашағы – жас ұрпақ тәрбиесіне , сапалы білім алуына да мықты көніл бөлінуі қажет. Балаға ата-анадан кейінгі ақыл-ой, адамгершілік, эстетикалық ұлттық тәрбие беретін адам болуы шарт. Оқушыларды Отанын сүюге , адалдыққа, адами тазалыққа, ізгілікке, имандылық пен инабаттылыққа, салт- дәстүрді құрметтеуге үйретіп баулу - әрбір ұстаздың парызы. Жас ұрпаққа саналы тәрбие және сапалы білім беру деңгейі ең алдымен мұғалімнің даярлығына, оның іс- тәжірибесінің шыңдалып қалыптасуына байланысты. Бүгінгі жас өркеннің ертеңгі әлеуметтік саяси қоғам мүшесі ретінде қалыптасуында тәлім –тәрбиенің маңызы зор. Мұғалім жан-жақты жетілген, білімді, әдістемелік шығарма-шылығы мол ,халықтық дәстүр, әдет-ғұрып пен салт-сананы, қарым-қатынас түрлерін кәсіби түрде меңгеруі тиіс. Сонымен қатар алдына қойған мақсатына жету үшін өзінің күш-қайратын, ерік-жігерін жұмылдырып, шыңдауы тиіс. Олай болса, қоғамның әрбір мүшесі ақпаратты сауатты , ақпараттық мәдениеті мен ақпараттық құзыреттілігі дамыған тұлға болуы қажет. Кәсіби даярлық, эстетикалық педагогтік қарым-қатынастың маңызды шарты болып табылатын психологиялық даярлықты меңгеруі керек. Осындай дағдыларды меңгерген мұғалім ғана заман талабына сай, оқу- тәрбие жұмыстарының міндеттерін ойдағыдай жүзеге асыра алады. Елбасы: Нұрсұлтан Назарбаев «Болашақта еңбек етіп өмір сүретіндер – бүгінгі мектеп оқушылары.Мұғалім оларды қалай тәрбиелесе , Қазақстан сол деңгейде болады, сондықтан ұстазға жүктелетін міндет ауыр» деген болатын.Болашақта біздің жастарымыз саналы , парасатты, білімді боларына сөзсіз сенемін. Себеебі, сыни көзқарасы қлыптасқан , сындарлы ойлай білетін жас ұрпақ біздің кемел болашағымыздың тірегі болады деген ойдамын.