Қазыналы қариялар азайып бара жатыр ...

Әр жылдың қазан айы қариялар айы деп, мектептерде жарияланады, түрлі іс- шаралар өткізіліп үлкенге құрмет, кішіге ізет көрсету мақсатында тәрбиелік мәні бар ақыл-кеңестер айтылады, өскелең ұрпақтың санасына ата-баба дәстүрін насихаттау мақсатында жұмыстар жүргізіледі. Ертеңгі ел тізгінін ұстар ұрпақтың , жан-жақты болып өсуі үшін барлық жағдай жасалады. Сол насихат жұмыстарын жалғастыру, сақтау мақсатында менде өз сыныбыммен мектепке жақын жерде тұратын қарт кісілердің хал-ахуалын біліп , әңгіме –дүкен құрып, ақыл-насихаттарын тыңдасын деп аралап келдім. Кешегі күн бүгінгі тарихқа айналып бара жатқанын байқадым. Бүгінде сағат сайын дамып жатқан ғылым мен техника адам баласын өзіне тәуелді етті. Жас жеткіншектерге өз өмірлері мен өмір сабақтарынан сыр шерткен қариялардың , жүздерін торлаған әжімдері сол өткен өмірлерінің дәлелі болып тұрғандай. Бүгінгі бейбіт өмір үшін өз өмірлерін құрбан еткен адамдардың алдында біз мәңгі қарыздармыз. Бұл парызды сол кісілер мен тілдесіп әңгімесін тыңдағандар ғана жүрегі мен сезіне алар ...

Егде жастағы әжейлердің әңгімелерін тыңдаған менің шәкірттерімнің қандай сезімде болғаны, кешегі күнді көз алдарына қалай елестеткендерін кездесуден кейінгі өзара әңгімелерінен байқадым. Өмір сабақтарынан жинаған тәжірбиелері мен бөліскен әжелеріміздің көңілдері бір көтеріліп, жандары марқайып қалды. Күйбең тіршілікпен күннің қалай өтіп жатқанын сезінбей жүрген адамдар арасында өздерін балаша сезініп қалғандықтары байқалды. Уақыт өз дегеніне салып өтіп жатыр, бірақ адамдық қадір-қасиетті , асыл мұраларды өскелең ұрпақтың бойына сіңіру, тәрбиелеу, көз жеткізу үшін сол заманның кейіпкерлері мен кездестіру біздің парыз .