Күні________________________________________

Оқушының аты жөні_________________________

III-тоқсан бойынша жиынтық бағалау тапсырмалары

«Қиял әлемі» бөлімі

Сыныбы:5 «А»

Тақырыбы: Қиял әлеміне саяхат

Оқу мақсаты: 5.4.2.2 зат есімдердің мағыналық түрлерін мәнмәтін аясында жалғаулар арқылы түрлендіріп қолдану

Бағалау критерийі: Білім алушы

• Берілген мәтіннен зат есімнің мағыналық түрлерін табу арқылы теру диктантын жазады

• Табылған сөздерге жалғаулар жалғау арқылы түрлендіріп жазады;

Ойлау дағдыларының

деңгейі: Білу және түсіну

Орындау уақыты: 15-20 минут

Ертеде бір Клара деген қыз болыпты. Ол өте арманшыл болған. Өз қиялында жасап алған үйде мекен етіп, қиялындағы кейіпкерлермен тілдеседі екен. Жер бетіндегі барлық нәрсені аппақ түс сияқты қабылдайтын-ды. Аппақ ақша бұлттар, аппақ қар сияқты барлық адамзат, жер беті тап-таза деп ойлайды. Бір күні қыз әкесі мен анасының бір-бірімен сөйлеспей жүргенін байқап қалыпты. Сірә, ренжісіп қалған-ау.Кішкентай арманшыл қыз ата-анасын қалай татуластырсам екен деп, түнімен терезеден жапалақтап жауған қарға қарап ойланыпты. Сөйтіп жатып ұйықтап кетіпті. Таңертең тұра салып, киімдерін киіп, ол тұратын үйден арғы беттегі Шалғын деген жерге далаға шығып кетіпті. Дала аппақ қарға ораныпты. Тура өз қиялы сияқты ертегі патшалығы . Қыз қарды біраз тамашалап тұрыпты да, дереу жалаң қолдарымен қарды көсіп алып, жентектей жөнеліпті. Анасы қызының бұл қылығына таң қалып, «Қызым-ау, жаурадың ғой. Үйге кірсеңші. Күн жылынған соң бірақ шығып ойна» деп бәйек болады. Қызы анасын естімеген сияқты қарды жентектей береді. Бір кезде қолындағы қарды ала сала әкесіне жүгіріп барады.Әке, әке, гүлді ұстаңыз. Әйтпесе ол қазір еріп құлап қалады. Міне мен де ұстаймын. Үш алақанға қонған аппақ қар гүлі тез ери бастады. Еріп-еріп жерге тамшылап жатты. Суыққа қызарған алақандар қалды. Қардың суық суы қыздың әкесі мен анасының ренішін жуып кеткен сияқты. Қыз қатты қуанып кетті.Айттым ғой, ол ғажайып гүл деп...

1-тапсырма

Берілген мәтіннің ішінен зат есімнің мағыналық түрлерін табу арқылы теру диктантын жазыңдар.

Деректі зат есім:1.___________________ 2.______________________

Дерексіз зат есім:1.__________________ 2.______________________

Жалқы есім:1.____________________ 2.________________________

Жалпы есім:1.____________________ 2._________________________

2-тапсырма

Табылған сөздерге жалғаулар жалғау арқылы түрлендіріп жазыңдар.

Көптік жалғау:______________________________________________

___________________________________

Тәуелдік жалғау:____________________________________________

___________________________________

Септік жалғау:______________________________________________

__________________________________