ҚМЖ. Практикалық тапсырмалар

Ұзақмерзімді жоспар тарауы:

1-бөлім. «Программалау (ортақ тақырыбы: «Жабайы табиғат», «Жақсы» деген немене? «Жаман» деген немене?)

Педагогтің аты-жөні:

Г.Бейсеева

Күні:

17.10.2024 ж

Сыныбы:

Қатысушылар саны: Қатыспағандар саны:

Сабақтың тақырыбы:

Практикалық тапсырмалар

Оқу бағдарламасына сәйкес оқу мақсаты

3. 4. 2. 4. программалау ойын алаңында ойын құру барысында циклдік алгоритмді жүзеге асыру;

3.3.2.2 желідегі ақпарат алмасу жолдарын түсіндіру

Сабақтың мақсаты:

Сызықтық, тармақталу мен циклдік алгоритмдерді пайдаланып кейіпкерлерді қозғалтуға тапсырмалар орындайды.

Құндылықтарға баулу

"Тәуелсіздік және Отаншылдық" құндылықтары ұлттық бірлікті, патриотизмді және азаматтық жауапкершілікті нығайту

Сабақ кезеңі/Уақыты

Педагогтің іс-әрекеті

Оқушының іс-әрекеті

Бағалау

Ресурстар

(Ұ) Ұйымдастыру кезеңі:

1-7 мин.

Сәлемдесу, оқушыларды түгендеу

І. Қызығушылықты ояту

«Достармен кездесу уақыты» ойыны

Оқушыларға осындай карточка беріп, сыныпты аралай жүріп, өздеріне ұқсас бір баланы тауып, әр сағаттың тұсына атын жазу ұсынылады. Мысалы, «...сенің көзіңнің түсі маған ұқсайды екен». «...сені сағат 12-ге кездесуге жазып қойсам деп едім». Осылайша 4 сағаттың тұсына аттарын жазып болған соң, сәйкес келген оқушылар бір топқа бірігіп, жұмыс істеу тапсырылады. Сонымен сынып 4 топқа бірігеді.

Мақсаты: белсенді оқу, оқушының мұғалімді мұқият тыңдап қана қоймай, белсенді жұмысқа тартылуын көздейтін оқыту мен оқу әдістерінің бірі болғандықтан, оқу мақсаттарына қол жеткізуде оқушылардың қажеттіліктерін, қабілет деңгейлері мен қызығушылығын ескере отырып топтастыру жоспарланды.

(МК, Ұ)

Ой қозғау. «Миға шабуыл» әдісі.

Мұғалім төмендегі сұрақтарды оқушыларға қойып, суреттерді интерактивті тақтадан көрсетеді. Оқушылар ұжымдық үлгіде білгендері бойынша өз ойларын айтып, жауап береді.

• Сызықтық, тармақталу және циклдік алгоритмдердің блок-сызбаларында қандай айырмашылықтарын атай аласың?

• Сахнаға кейіпкерлерді координаталар арқылы орналастыру не үшін тиімді саналады?

Қалыптастырушы бағалау

Мұғалім оқушыларды сабаққа қатысу белсенділігіне қарай «Стикерлер» әдісі арқылы бағалайды. Жасыл түс – «Жарайсың!» Сары түс – «Жақсы!» Қызыл түс – «Талпын!»

Интерактивті тақта

Оқулық

Жұмыс дәптерлері

Жаңа сабаққа дайындық.

Алдыңғы білім мен жаңа білімді ұштастыру үшін, жетелеуші және түрткі сұрақтарды талқылау. Оқушыға сұрақ қою, проблеманы зерттеу арқылы ой-өрісін дамытады, ойын еркін жеткізеді. Пікірлерінің еркін айтып, ешқандай сынға ұшырамауы тиіс, қағазға түсіруге де, ауызша талқылау жұмысын жүргізуге де болады.

Оқушылар сұрақтарға жауап беріп, өзара ұжымдық талқылау жасағаннан кейін, мұғалім интерактивті тақтадан сабақтың тақырыбы, мақсаты, бағалау критерийлерімен таныстырады.

Сабақтың ортасы

(31 мин)

ІІ. Мағынаны ашу (білімді өзектендіру үшін)

Оқулықпен жұмыс істеу

«Жауап беретін әріптес» әдісі

Оқушылар алдымен мәтінді толық оқиды. Содан соң оқушылар әріптесті немесе топты өз жұмысына түсініктеме беруге немесе талқылауға шақырады. Бұл үдеріс тиімді жүруі үшін, оқушылар оқу мақсаты мен табыс критерийлерін білуі қажет. Олар сонымен бірге жауап беретін әріптестің рөлін бағалауы – оқу мақсаттарына сәйкес құрылымды және жағымды кері байланыс ұсынуы тиіс. Оқушыларға жұмысты орындап жатқан адамға қоятын сұрақтар тізімі берілуі мүмкін. /Бұл әдіс оқушылардың жаңа сабақтың ақпаратымен танысуға, бір-бірімен талқылауға, бір-біріне сұрақ қоюға тиімді болып келеді./

Топтық жұмыс

«Көршіме айтамын» әдісі

«Көршіме айтамын» әдісі оқушылардың өз ойларын ауызша немесе жазбаша білдіруі үшін қолданылады.

Төменде берілген 1-тапсырма бойынша сұрақ қойыңыз, ойлануға уақыт беріңіз. Содан кейін оқушылардан ойларын көршісімен талқылауын сұраңыз. Топ ішінде бір-бірімен талқылау жүргізіп, тапсырманың алгоритмін көрсетеді.

1- тапсырма

1-суретте өсімдіктің өсу кезеңінің дұрыс ретін тап. Өсімдіктің өсу кезеңдерінің сызықтық, тармақталу және циклдік алгоритм ретінде блок-сызбасын ұсын.

Дескриптор

• 1-суреттегі өсімдіктің өсу кезеңінің дұрыс ретін табады.

• Өсімдіктің өсу кезеңдерінің сызықтық, тармақталу және циклдік алгоритм ретінде блок-сызбасын ұсынады.

Қалыптастырушы бағалау

Топтағы оқушылар сабаққа қатысу белсенділігіне қарай бір-бірін «Стикерлер» әдісі арқылы бағалайды. Жасыл түс – «Жарайсың!» Сары түс – «Жақсы!» Қызыл түс – «Талпын»

Интерактивті тақта

Оқулық

Жұмыс дәптерлері

Жұптық жұмыс

2-тапсырма

1) Scratch программасының сахнасы координата жазықтығы арқылы берілген (2-сурет). Асқар мен әпкесі Әлия мектептен үйге қайтып барады.

а) 2-суретті пайдаланып, Асқар үйіне жету үшін оның қозғалыс скриптіне қандай деректер қажет? Жазыңдар (3- сурет).

ә) 2-суретті пайдаланып, Әлияның үйіне жету үшін оның қозғалыс скриптіне қажетті деректерді жазыңдар (4-сурет).

2). Асқар мен Әлияның 3 және 4-суреттегі скриптерінің блок-сызбасын құрыңдар.

Дескриптор

• Асқар үйіне жету үшін оның қозғалыс скриптіне қажетті деректерді жазады.

• Әлияның үйіне жетуі үшін, оның қозғалыс скриптіне қажетті деректерді жазады.

• Асқар мен Әлияның скриптерінің блок-сызбасын құрады.

Қалыптастырушы бағалау

Жұптасқан оқушылар сабаққа қатысу белсенділігіне қарай бір-бірін «Стикерлер» әдісі арқылы бағалайды.

Жасыл түс – «Жарайсың!» Сары түс – «Жақсы!» Қызыл түс – «Талпын»

Интерактивті тақта

Оқулық

Жұмыс дәптерлері

Жеке жұмыс

3-тапсырма

Төменде берілген жоба скриптерін талда. Скриптілердің алгоритмнің қай түріне жататынын анықта. Скриптілердің орындалуын компьютерде тексермей, кейіпкердің іс-әрекеттерін есептеу тәсілімен анықта.

Дескриптор

• Жоғарыда берілген жоба скриптерін талдайды.

• Скриптілердің алгоритмнің қай түріне жататынын анықтайды.

• Скриптер орындалуын компьютерде тексермей, кейіпкердің іс-әрекеттерін, есептеу жолымен анықтайды.

Қалыптастырушы бағалау

«Стикерлер» әдісі арқылы бағалайды. Жасыл түс – жарайсың», Сары түс – «Жақсы!» «Қызыл түс – «Талпын»

Интерактивті тақта

Оқулық

Жұмыс дәптерлері

Топтық жұмыс

«Еркін талқылау» әдісі

Бұны шағын топпен де, сондай-ақ барлық сыныппен орындауға болады. Құрылымы болмағандықтан, бұндай талқылауда көмек керек болуы мүмкін. Көмекті мұғалім көрсете алады, бірақ жұмыс топтарда өтсе, мұғалім барлық топқа үлгермеуі мүмкін. Нұсқа ретінде бір оқушыдан көмекші болуды сұрауға болады.

4-тапсырма

Төмендегі суреттерге назар аударыңдар. Балалардың іс-әрекетін қалай бағалайсыңдар? Олардың іс-әрекетінің алгоритмін сөзбен сипаттаңдар. Scratch ортасында осы суреттердің негізінде жоба құру идеясын ұсыныңдар.

Дескриптор:

• Балалардың іс-әрекетін бағалайды.

• Олардың іс-әрекетінің алгоритмін сөз түрінде сипаттайды.

• Scratch ортасында осы суреттердің негізінде жоба құру идеясын ұсынады.

Қалыптастырушы бағалау

Топтағы оқушылар сабаққа қатысу белсенділігіне қарай бір-бірін «Стикерлер» әдісі арқылы бағалайды.

Жасыл түс – «Жарайсың!» Сары түс – «Жақсы!» Қызыл түс – «Талпын»

Интерактивті тақта

Оқулық

Жұмыс дәптерлері

Сабақтың соңы

7 мин.

Сабақты бекіту. Рефлексия.

ІІІ. Ой толғаныс. Рефлексия

Жеке жұмыс

«Бір сөйлеммен түйіндеу» әдісі

Оқушылар олардың тақырып бойынша білімдерін түйіндейтін бір сөйлем жазады. Сөйлемдер кім, не, қашан, неліктен, қалай, қай жерде т.б. сөздерден тұруы мүмкін. Содан кейін сөйлемдерді сыныптастар бағалайды.

Қалыптастырушы бағалау

Мұғалім оқушыларды сабаққа қатысу белсенділігіне қарай «Стикерлер» әдісі арқылы бағалайды. Жасыл түс – «Жарайсың!» Сары түс – «Жақсы!» Қызыл түс – «Талпын»