"Қоғамға қызмет ету" 7 сынып

Сабақтың мақсаты: оқушыларға қоғамға адал қызмет ету туралы түсіндіре отырып, дұрыс әрекет құндылығының мәнін ашу.

Міндеттері:

Білімділігі:

Азаматтық тұлға,азаматтық парыз ұғымдары туралы түсінік беру ;

Дамытушылығы:

–Азаматтық парыз мен көзқарастарын қалыптастыру;

Тәрбиелілігі:

–оқушылардың алдына саналы мақсат қойып,қоршаған ортамен саналы қарым-қатынас орната білуге тәрбиелеу.

Ресурстар:Мультимедиялық тақта, оқулық, дәптер, мақал-мәтел, дәйексөз, маркер,аққағаз, гүл, жүрек, көбелек суреттері

Сабақ барысы:

1.Ұйымдастыру кезеңі.

Оқушылармен амандасып, «Өзін - өзі тану» сабағының ережесін «5 - Т»- ны қайталап, сабаққа қатысқандары үшін әр балаға 20 ұпайдан беріледі.

Оқушылардың оқу құралдарын «5 затты» (кітап, дәптер, пенал, күнделік, бейджик) тексеріп, ұпайларын түгендейміз.

Психологиялық дайындық.

Күнге қолдарыңды созыңдар. Күннің жомарт сәулелері жүрегімізді жылу мен махаббатқа толтырады.

Барлығы:

Күн жарығын алақанға саламын,

Жүрегіме басып ұстай аламын.

Ізгі әрі нәзік, жарық, мейірімді,

Болып кетер сонда дереу жан - жағым.

Тыныштық сәті «Нұрға бөлену»

Барлығы:
Шөліркімей гүл тұрсын, (Сол қолын жайып көрсетеді.)

Жерім жайнап құлпырсын. (Оң қолын жайып көрсетеді.)

Нұрын сыйлап біздерге, (Екі қолын жоғары көтереді.)

Көкте мәңгі күн тұрсын. (Екі қолын екі жаққа жаяды.)

Ортақ бізге туыстық, (Екі қолын төбесіне көтереді.)

Нұр сыйлаған күн ыстық. (Қолдарын жаяды.)

Ыстық бізге кең өлке, (Оң жаққа қарайды.)

Ыстық бізге тыныштық. (Сол жаққа қарайды.)

2.Үй тапсырмасын тексеру. Дәптермен жұмыс. 56б. Б.Момышұлы жаттау.Оқушылар дәптердегі тапсырмаларды кезек-кезек оқиды. Оқушыларды тыңдап, өз сөзіммен қорытындылаймын.

4.Әңгімелеу(сұхбат):

• Алдыңа қандай мақсаттар қоясың?

• Өмірдегі таңдауларың мен қызығушылықтарың қандай?

• «Азамат» дегенді қалай түсінесіңдер?

• Адамның бойында, азаматтың бойында қандай қасиеттер болуы керек деп ойлайсыңдар?

• Сенің ойыңша азамат болу үшін өмірде қандай құндылықтар мен қағидаларды, ұстанымдарды басшылыққа алу керек.

Дәйексөз

«Ел мен үшін не істей алады деп сұрама, ел үшін өзім не істей алам деп сұра». Джон Кеннеди

Аңыз оқиды. Ертеде ел ішіне тараған бір аңызда Бетбақдалада дәу қара тас тұрған маңда бір түп ақ бидай тастақты жерге өніпті, бірақ жерден алары нәрі болмаған ол бірте-бірте жүдеп – жадап сола бастапты. Мұны байқаған жеті қанаты бар жігіт жел барлық қанаттарымен бір тұт бидайға көмек көрсетіпті. Бірте-бірте бидайдың бойына нәр кіріп, өне бастайды. Сонда оған тіл бітіп: “Мен жарық дүниеде тұңғыш келген бидай едім. Түскен жерім тас екен, сендер ғана маған мәңгілік өмір сыйладыңдар. Бұл жақсылықтарыңды қалай қайтарсам екен?” деп сұрайды. Сол кезде күнге тіл бітіп: “Сен мың тіршілікте барлық тірілердің тамағы ас анасы бол!” депті. Су оны асырауға, жер оны сақтауға, күн оны өзінің шуағымен аялауға, ал жел оны көбейтуге уәделерін беріпті. Міне солардың қамқорлығының арқасында сол бір түп бидайдан өсіп-өнген қаншама ықылым замандардан бері адам атаулыға адал қызмет етіп келеді.

Дәйексөзді бірінші кезекте ұл балалар қайталап оқиды. Содан соң қыз балалар қайталап айтады.

35-шы АҚШ Президент

Әңгімелеу

«Кезек сенікі, келер ұрпақ...» Ыбырай Жақаев

1.Балалар, күріш, бидай, жүгері, күнбағыс нелерге жатады? Дәнді дақылдар

2.Дәнді дақылдарға не қажет? Ауа, су, жарық, жылу, топырақ, минералды тұздар.

3. Балалар, күріш қай облыста егіледі?

4.Қызылорда Қазақстанның қай жерінде орналасқан? ( оңтүстік). Физикалық картадан көрсету.

5. Қазір осы мәтіннің авторымен танысайық:Ыбырай Жақаевтың бізге деген өсиет әңгімесінен не ұқтыңдар?

● Өздеріңнен «Әлемдегі ең асыл не?» деп сұраса қалай жауап берер едіңдер?

Ыбырай Жахаев нан жайлы ойын былай білдіреді: “Егер менен әлемдегі ең асыл не? дей қалса, бөгелместен “НАН” деп жауап берер едім. Себебі нан әлемнің жарығы күннен нұр алады, адамға күннің нұрын құяды. Оның өмірін күндей жарқыратады.”

● Қарт диқан қоғамға қалай қызмет етті? Ал бізге қалай қызмет етуді аманаттайды?

● Мәтіндегі «Бір үйлі жанбыз, бір-бірімізге мейманбыз» деген ойды қалай түсіндіңдер?

● Ыбырай Жақаев айтқан алты қасиет адам бойында болу үшін не істеуіміз керек деп ойлайсыңдар?

Қосымша мәлімет:

Күріштің адам ағзасына пайдасы қандай? Күріш адам ағзасын жақсы тазалайтын күшті қасиетке ие. Оның түрлі сұрыптарынан тағам дайындалады. Негізгі азықтық дақылдардың бірі саналатын күріш дәнінен – спирт, крахмал алынады, сыра қайнатылады, сабанынан қағаз жасалады. Кебегі – мал азығы, одан жоғары сапалы май алуға да болады.

Мамандардың айтуынша, күріш-калориясы төмен азық. Азиялықтардың мүсінінің әсем, өздерінің ұзақ өмір сүретінінің сырын зерттеушілер, ол күрішті көп тұтынатындықтан, деп түсіндіреді. Күріштің құрамында көмірсулар 80, жасұнық 3 пайызды құрайды. Сол себепті, көкөністерден дайындалған тағамға күрішті де гарнир ретінде ұсынады.

Күріш суының денсаулыққа пайдасы. Күрішке қарағанда оның суының пайдасы мол. Егер бұрын-соңды күріш суының пайдасы туралы естімеген болсаңыз, дәл қазір салауатты өмірге жаңа қадам басасыз. Мінсіз келбет, күш-қуат, сау тері – күріш суын тұтынатын адамдардың серігі. Күріш суы ағзаны көмірсулармен қамтамасыз етіп, асқазан ауруын емдейді, артериялық қысымды ретке келтіреді, оба ауруын алдын алады. Мұнымен қатар, оның косметикалық қасиеті бар: саңылаулардың аузын бітеп, тері түсін біркелкі етіп, майлылық деңгейін азайтады. Арнайы тағамдар шықпаған кезде, ата-аналар балаларын осы сусынмен тамақтандырған. Күріш суының арқасында дисбактериоз, дерматит сынды аурулар өте сирек кездесетін болған. Ол өте қарапайым әдіспен дайындалады: аз мөлшердегі күрішті суға салып қайнатыңыз. Бір стақан суға бір ас қасық күріш жеткілікті болады. Қайнатпа түсінің бұлдырлануына мүмкіндік беріңіз. Онымен күніне екі рет бетіңізді жуыңыз. Бір аптаның ішінде оң нәтижесі байқала бастайды.

-Күріштен қандай тағамдар жасалады?

Оқушылар әңгімелеп, жаңа тақырыптың мазмұнын талдайды.

Екпе күріш-биіктігі 50–150 сантиметрге дейін жететін біржылдық даражарнақты өсімдік. Гүлшоғыры – ұзындығы 10–40 см көп масақты сыпыртқыгүл. Гүл қабыршағы қатқыл қабықшалы, ұзын қырлы болып келеді.

Гүл формуласы: Гс2А3+3Ж (3).

Шығармашылық жұмыс:

1-тапсырма: Сөздер мен олардың анықтамаларын салыстырып, әр сөздің өзiне сәйкес келетiн анықтамасын табыңдар.

2-тапсырма: Берілген мәтінді оқып, Отанды сүю, оған қызмет етуге қатысты адами қасиеттерді іріктеп алып, өз қорытындыларыңды шығарыңдар.

Оқушылар берілген тапсырмаларды орындай отырып, өздерінің сабақта түсінгендерін кеңейтеді, бекітеді.

Дәптермен жұмыс: дәптерде тапсырмаларды өз беттерінше орындайды.

Дәптердегі тапсырмаларды мұғалімнің көмегімен орындайды

Үй тапсырмасы: «Ы.Жақаев, Б.Момышұлы туралы реферат дайындау. Мақсұт Нұрылдаев Ыбырай атаның ізін жалғастырушы туралы мәлімет жинау.

Күнделіктеріне жазады.

Жүректен жүрекке «Туған ел»

Әнді ерекше көңілмен айтады

Сабақтың мақсаты: оқушыларға қоғамға адал қызмет ету туралы түсіндіре отырып, дұрыс әрекет құндылығының мәнін ашу.

Міндеттері:

Білімділігі:

Азаматтық тұлға,азаматтық парыз ұғымдары туралы түсінік беру ;

Дамытушылығы:

–Азаматтық парыз мен көзқарастарын қалыптастыру;

Тәрбиелілігі:

–оқушылардың алдына саналы мақсат қойып,қоршаған ортамен саналы қарым-қатынас орната білуге тәрбиелеу.

Ресурстар:Мультимедиялық тақта, оқулық, дәптер, мақал-мәтел, дәйексөз, маркер,аққағаз, гүл, жүрек, көбелек суреттері

Сабақ барысы:

1.Ұйымдастыру кезеңі.

Оқушылармен амандасып, «Өзін - өзі тану» сабағының ережесін «5 - Т»- ны қайталап, сабаққа қатысқандары үшін әр балаға 20 ұпайдан беріледі.

Оқушылардың оқу құралдарын «5 затты» (кітап, дәптер, пенал, күнделік, бейджик) тексеріп, ұпайларын түгендейміз.

Психологиялық дайындық.

Күнге қолдарыңды созыңдар. Күннің жомарт сәулелері жүрегімізді жылу мен махаббатқа толтырады.

Барлығы:

Күн жарығын алақанға саламын,

Жүрегіме басып ұстай аламын.

Ізгі әрі нәзік, жарық, мейірімді,

Болып кетер сонда дереу жан - жағым.

Тыныштық сәті «Нұрға бөлену»

Барлығы:
Шөліркімей гүл тұрсын, (Сол қолын жайып көрсетеді.)

Жерім жайнап құлпырсын. (Оң қолын жайып көрсетеді.)

Нұрын сыйлап біздерге, (Екі қолын жоғары көтереді.)

Көкте мәңгі күн тұрсын. (Екі қолын екі жаққа жаяды.)

Ортақ бізге туыстық, (Екі қолын төбесіне көтереді.)

Нұр сыйлаған күн ыстық. (Қолдарын жаяды.)

Ыстық бізге кең өлке, (Оң жаққа қарайды.)

Ыстық бізге тыныштық. (Сол жаққа қарайды.)

2.Үй тапсырмасын тексеру. «Ы.Жақаев, Б.Момышұлы туралы реферат дайындау. Мақсұт Нұрылдаев Ыбырай атаның ізін жалғастырушы туралы мәлімет жинау.

4.Әңгімелеу(сұхбат):

• Алдыңа қандай мақсаттар қоясың?

• Өмірдегі таңдауларың мен қызығушылықтарың қандай?

• «Азамат» дегенді қалай түсінесіңдер?

• Адамның бойында, азаматтың бойында қандай қасиеттер болуы керек деп ойлайсыңдар?

• Сенің ойыңша азамат болу үшін өмірде қандай құндылықтар мен қағидаларды, ұстанымдарды басшылыққа алу керек.

Дәйексөз

«Отаным, сені сүйемін. Сен үшін құрбан болуға әзірмін»

Дәйексөзді бірінші кезекте ұл балалар қайталап оқиды. Содан соң қыз балалар қайталап айтады.

Әңгімелеу

Әбіш Кекілбаев

Бүгінгі отаншылдық – өзім. Бүгінгі ерлік – сабыр. Бүгінгі елдік – тыныштық.

Қиындық пен қиянат көрсе бәрін де тәуелсіздіктен көретіндерге, оларға тәуелсіздік айыпты емес, оның себебі: жаңаны көрсе, жағасынан алып бағатын жаны қас керітартпалықтан26. Кешегісін көксеп оқыранған озбырлықтан.

Бәрін жиып қойып, тек елдікті ойлайық. Өйткені, бәріміздің де көкейімізді тесіп жүрген әділет пен теңдік болса, тек елдік бар жерде болады. Ал әуелден де елдік дегеннің мәні өзіңді неге қимасаң, өзің тектес өзгені де соған қимау. Дәл мынандай заманда өзіңді ойламау – обал27. Өзіңді ғана ойлау – күнә28. Неден басталып, немен тынары белгісіз өткелектер тұсында көлденең қиқудың бәр-бәріне көз жұмып қайталай бергеннен онсыз да көп емес басымыз көбеймесі анық. Елдік болуы үшін жүйесін тапқан жүйелі сөзге тоқтай білер жоралы жұрт керек. Жұрт тоқтата алатын өнегелі сөз керек. Көш бағытын түзейтін көсем пікір керек.

● Мәтінде автор азаматтықты, саналылықты неліктен елдікпен салыстыра қарайды?

● Автордың отаншылдықты, ерлікті айтқанда «сабыр» мен «өзімді» жоғары бағалауының себебі неде деп ойлайсыңдар? ● Өздеріңнің «жаңаға» көзқарастарың қалай? Оны қалай қабылдайсыңдар? ● Автордың кешегіні көксеуді кемшілік көруінің себебі неде?Онымен келісесіңдер ме? Неліктен? ●Өздерің үшін Отанға қызмет ету, өз азаматтығымызды көрсету деген не? ● Өздерің Отан үшін, ел үшін қандай азаматтық танытып жүрсіңдер?

Оқушылар әңгімелеп, жаңа тақырыптың мазмұнын талдайды.

Шығармашылық жұмыс:

1. Осындай жағдайларда қандай азаматтық көрсетер едіңдер? Ойларыңмен бөлісіңдер.

– Көшеде оқыс оқиғаның куәсі болдың. Сенің көмегің қажет болып тұр...

– Сыныптас жолдасың екінші бір сыныптасыңа жазықсыз зәбір көрсетіп жатыр. – Досың өзінің өтірігін әшкерелемеуді өтінді. 2. Жағдаятты шешіңдер. Сұрақтар бойынша талқылау жүргізіңдер. Атасы: Адам әрқашан Отаны үшін, елі үшін қызмет етуі керек,-деді. Немересі: Ол мүмкін емес қой, ата. Мен қай кезде өзім үшін өмір сүремін? Атасы: Мүмкін болғанда қандай!? Бұл – өте қарапайым нәрсе. Тек қана әрбір ісіңде ниетің мен ойыңды жақсылыққа бағыштап, істеген ісіңді сүйіспеншілікпен, зор жауапкершілікпен жасап, ешкімге, еш нәрсеге қиянат жасамасаң болғаны... Сенің осылай атқарған әрбір ісің, оқуың, еңбегің, басқаларға қызмет етуіңнің барлығы Отаның мен еліңнің игілігіне айналады. Немересі: Ата, мен енді ең бірінші барлық атқаратын ісімді зор сүйіспеншілікпен және жауапкершілікпен адал атқаруға тырысамын.

 Атаның айтқан ақылына алып, қосарларың бар ма?

 Отанға, елге адал қызмет етудің тағы да қандай жолдарын ұсынар едіңдер?

3. Бауыржан Момышұлының «Жас ұрпаққа айтар сөзін» оқыңдар. Мәтіндегі өзің үшін құнды ойларды теріп жазып, жүйелеп отбасыңа, қоғамға адал қызмет етудегі өз ойыңды ұсын.

Оқушылар берілген тапсырмаларды орындай отырып, өздерінің сабақта түсінгендерін кеңейтеді, бекітеді.

Дәптермен жұмыс: дәптерде тапсырмаларды өз беттерінше орындайды. Білімді бекітуге тестпен қорытындылау.

Дәптердегі тапсырмаларды мұғалімнің көмегімен орындайды

Үй тапсырмасы: АДАМИ ҚАРЫМ-ҚАТЫНАС ЖАРАСТЫҒЫ оқу

Күнделіктеріне жазады.

Жүректен жүрекке «Туған ел»

Әнді ерекше көңілмен айтады

Сабақтың мақсаты:

–Жеке тұлғаның қоғам алдындағы азаматтық және әлеуметтік жауапкершілігін сыни көзқарас тұрғысынан сезінуге үйрету. Мемлекеттік тілге құрметпен қарап,өз елін мақтан ету сезімдеріне тәрбиелеу.

Міндеттері:

Білімділігі:

Азаматтық тұлға,азаматтық ұстаным ұғымдары туралы түсінік беру ;

Дамытушылығы:

–Азаматтық ұстанымдары мен көзқарастарын қалыптастыру;

Тәрбиелілігі:

–оқушылардың алдына саналы мақсат қойып,қоршаған ортамен саналы қарым-қатынас орната білуге тәрбиелеу.

Ресурстар

(құралдар, мәліметтер)

ӨӨТ.Жалпы білім беретін мектептің 7-сынып мұғаліміне арналған әдістемелік құрал. Алматы«Бөбек»ҰҒПББСО.2017

Сабақ барысы:
1. Ұйымдастыру кезеңі.
Сабақ ұстанымдарымен таныстыру.

Атқарамыз әр істі,
Жақсыға біз лайық.
Жауаптылық сезініп,
Уәдеде тұрайық!

Психологиялық дайындық.
- Күнге қолдарыңды созыңдар. Күннің жомарт сәулелері жүрегімізді жылу мен махаббатқа толтырады.

Барлығы:
Күн жарығын алақанға саламын,
Жүрегіме басып ұстай аламын.
Ізгі әрі нәзік, жарық, мейірімді,
Болып кетер сонда дереу жан - жағым.

2. Тыныштық сәті. «Нұрға бөлену» тыныштық сәтін өткізу. (Әуен ойналады)

-Балалар, жақсылап жайғасып отырыңдар, енді көздеріңді жұмып, әркім өзін адамға денсаулық сыйлайтын, балаларды аурудан қорғайтын қорғаныш қасиеті бар нұр ретінде сезініңдер. Сендер нұрларыңды шашқан сайын айнала нұрланып, нұры тиген адамдар аурудан сауығады. Көзі көрмейтіндер әлемді көріп куанса, есту қабілетінен айырылғандар барша дауыстарды ести алады, қатерлі аурумен ауыратындар жазылып, бәрі де сауыққандарына қуанып, шаттықтың нұрына бөленді. Сен де сол адамдарға жақсылық сыйлағаныңа риза болдың. Енді көздеріңді ашыңдар. Рахмет!

Сұрақтар:

Қандай күйде болдыңдар?

Кім өзінің әсерімен бөліскісі келеді?

Адамдарға денсаулық сыйлағанда қандай сезімде болдыңдар?

Жүректеріңмен тыныштықты сезе алдыңдар ма?

Қорытынды: Олай болса, осы жақсылықтарыңды жүректеріңде орналастырып, тыныштық қалпымызды сақтайық.

3.Үй тапсырмасын тексеру. Біз өткен сабаққа шолу жасасақ.

1. «Атамекен» әнін жаттап келу тапсырылады.

«Менің азаматтық борышым» тақырыбына эссе жазындар

Жаңа тақырып «Құпия хаттарға» жауап беру

Оқушылар үш топқа бөлінеді. Әр топқа құпия хаттар жазылған конверттер таратылып беріледі.Жауабын әр топ ойланып , ақылдаса отырып айтады.

Хаттардың мазмұны:

1 хат.Құрметті достар!Менің көршімнің бір баласы бар.Өзі өтірікші көзбе - көз өтірікті айта қояды. Маған күнде келіп ойнағысы келеді. Мен онымен дос болып бірге ойнайын ба?

2 хат.Құрметті достар!Менің де бір досым. Өзі мақтаншақ. Ойнап жүргенде үй ішін айтып, нәрселерін айтып, бөсіп мақтанады. Мен онысын ұнатпаймын. Бірақ ойынды жақсы ойнайды. Мен осы баламен дос болайын ба, айтыңдаршы?

3 хат. Құрметті достар!Партада менімен бірге бір бала отырады.Ойнап - ойнап тапсырмасын орындамай, жазбай келеді. Мұғалім сұрағанда қысылады.Сабақты менің дәптерімнен көшіріп алады.Мен бермесем, «Сен сараңсың» - дейді. Мен не істеуім керек?

Сабақ барысын талқылау

Оқулық

«Көршіңмен сырлас».

Бұл әдіс оқушылардың өз ойын ауызша білдіруіне үйретеді. Сұрақ қойып, ойлануына уақыт беріңіз. Өз ойын көршісімен бөлісіп, ақылдасуын сұраңыз

Дәйексөзбен жұмыс. «Уәде берсең – орында» деп тақтаға жазамын және осы мақалды бүгінгі сабақтың дәйексөзі ретінде түсіндіремін.
- Әңгімеде айтылғандай, адам өзіне тапсырылған істі жауапкершілікпен орындамаса, өзін ғана емес, өзгені де ұятқа қалдырады екен.
- Сендер «Уәде берсең – орында» деген мақалды қалай түсінесіңдер?
- Сендердің уәде беріп, орындай алмай қалған кездерін болды ма? Болса естеріңе түсіріп айтып беріңдер.
Жауаптар тыңдалып, өздеріне қорытындылауға мүмкіндік беремін:
- Берген уәдені уақытында орындау үлкен жауапкершілікті білдіреді. Ата-бабамыз балаларының жауапкершілікті болып өсуін армандаған, сол үшін де «Уәде берсең – орында» мақалы ұрпақтан-ұрпаққа бүгінгі күнге дейін жетіп отыр.
Балаларға дәптерлерінің соңында берілген «Менің дәйексөздерім» айдарындағы бүгінгі сабақтың тақырыбы көрсетілген осы бетке дәйексөздерін жаздырамын.

Тапсырма. Оқулықпен жұмыс.

/Оқулықта берілген тапсырманың мақсаты оқушыларды өз беттерімен ізденуге, негізгі ойды қосалқы ойдан айыра білуге үйрету./

Әңгімелеу. Нағыз ұстаз Аңыз

Ұстаздың бойынан қандай жауапкершілікті байқадыңдар?

Ұстаздың кеңесін неліктен дәрігерлердің ескертулеріне құлақ тікпеген бала үлкен сеніммен қабылдады?

Анасы неліктен Ұстазды бірден түсіне алмады?

4. Өзің орындай алмағаныңды неліктен өзгеге орындауға ешқашан кеңес бермеу керек?

«Құрылысшы ойыны» өте тиімді тәсіл . Мәтін бөліктерін тез жинау.

Шығармашылық жұмыс, топтық жұмыс.

Ойын-жаттығу.
«Мен жауапкершілікті боламын, өйткені...» деп аталатын ойын-жаттығуда балалар өз білім-біліктерін қолданып, ой қорытындысын жасауға мүмкіндік алады.
Плакатта баспалдақтармен көтерілгелі тұрған баланың суреті берілген. Жеке-жеке іс-әрекеттерді білдіретін сөздер жазылған қатты қағаздарды Ақботаның қоржынына саламын. Балалар кезегімен тақтаға шығып, қоржыннан қағазды алып, онда жазылған іс-әрекеттерді оқиды, бала осы іс-әрекетті жауапкершілікті болуға қатысты деп тапса, оған «Мен жауапкершілікті боламын, өйткені...» деген сөзді қосып айтады. Мысалы: «Мен жауапкершілікті боламын, өйткені уәдемде тұрамын». Сосын осы қағазды суреттегі баспалдаққа жапсырамын. Егер қоржыннан шыққан қағазда жазылған іс-әрекет жауапсыздықты білдірсе, онда бала оны не үшін жауапсыздыққа жатқызатынын түсіндіріп айтып береді.
Қағазға жазуға ұсынылатын іс-әрекет үлгілері: уәдемде тұрамын; өзіме сенімді боламын; жұмысты қызығып атқарамын; сабақтан кешікпеймін; аулада ұзақ ойнаймын; үлкендердің тапсырмасын ұмытып кетемін; айтқан сөзімді орындаймын және т.б.
Жаттығу соңында балалармен бірге суреттегі баспалдаққа жапсырылған қағаздағы іс-әрекеттерді бірге оқып шығамыз.
Қорытындылау.
Қорытындылау кезінде оқушылардың тақырыпты қаншалықты түсінгендерін өздеріне қорытынды жасату арқылы тексеремін.

«Ойлан, жұптас, талқыла» әдісі

6. ҮЙГЕ ТАПСЫРМА. 49 б. 6 тапсырма орындау

7.Топпен ән айту. Ауылым – әнім Сөзін жазған Бәкір Тәжібаев Әнін жазған Ескендір Хасанғалиев

8.Соңғы тыныштық сәті.

Шамаң келсе көмектес!

Жақсы болу өз қолыңда!

Мен саған қуаныш тілеймін.

Мен саған сүйіспеншілік тілеймін.

Мен саған жақсылық тілеймін.Бүгінгі сабақтан Не білдіңіз? Нені білгіңіз келеді?