Қолданбалы курс «Теңдеулер және теңсіздіктерді шешу»

Қолданбалы курс

«Теңдеулер және теңсіздіктерді шешу»

10 сынып

Түсінік хат

Мектепте математикалық білім берудің маңызды проблемаларының бірі – оқушыны есепті шешудің әдіс – тәсілдерімен қаруландыру және есептің шешімін өздігінен іздеп, таба білуге үйрету.Ұсынылып отырған курс жоғарғы сынып оқушыларының дайындық міндеттерін жүзеге асыруға көмектеседі. Курс 34 сағаттқа есептеліп, 10 сынып оқушыларына арналған. Бұл курс математикаға бейімі бар оқушының қызығушылығын , сұранысын есептерді шешу әдістерін қолдану барысында танымдық қажеттіліктерін қанағаттандыруға бағытталған. Математика курсының ең негізгі тақырыптарының бірі «Теңдеулер және теңсіздіктерді шешу» тақырыбы бойынша білімдерін жүйеге келтіріп, оны айналамызды қоршаған өмірдегі күнделікті кездесетін жағдаяттарды шеше білуге қолдану әдістерін іздестіруге үйрету. Сондықтан да бұл курсты оқу кезінде жоғары сынып оқушыларының математикалық білімге қызығушылығын және сұранысын неғұрлым толық қанағаттандыруға мүмкіндік береді. Осы курстың енгізілу мақсаты – мектеп оқушысына жоғары деңгейде жұмыс істеуге мүмкіндік беру мен бірге практикалық сабақтар арқылы болашақта білімге деген қөзқарасы тұрғысынан өзіне баға бере білуіне көмектеседі. Қолданбалы курс жоғары сынып оқушыларының ой - өрістерін мазмұнын дамытады, жаратылыстану – математикалық бағытына жататын пәндердің оқу мазмұнының маңыздылығын арттыра түседі. Бағдарламада ұсынылып отырған тапсырмалар , зерттеуге бағытталған және ұтымды ойлау дағдыларын дамытуға әсер етіп , нәтижесін болжай білу қабілетін қалыптастырады. Берілген курста « Теңдеулер және теңсіздіктерді шешу» бойынша теориялық және практикалық білім , білік негіздері жүйеленіп қарастырылды.

Курстың мақсаттары: «Теңдеулер және теңсіздіктерді шешу» тақырыбы арқылы әлем құрамы бейнелерінің математикалық тұтастығының дамуы жөнінде білімдерін тереңдету және кеңейту.

Курс міндеттері:

• «Теңдеу және теңсіздіктерді шешу» тақырыбы бойынша білімдерін жүйелеу және тереңдету.

• Әртүрлі әдіс – тәсілдерді пайдалана отырып , оқушылардың есеп шығаруға практикалық дағдыларын дамыту және қалыптастыруға жағдай жасау.

• Шығармашылық және логикалық ойлауларын дамыту.

• Өздігінен білім алу және алған білімдері мен дағдыларын орынды пайдалана білу.

• Оқушының математикалық мәдениетін көтеру.

Курсты оқу нәтижесінде оқушылар мыналарды үйренеді:

Дүниетанудағы математиканың ролі , математикалық зерттеу әдістері туралы көзқарастарын қалыптастырады.

Есеп шығарудың әртүрлі әдіс – тәсілдері , негізгі алгоритмдері туралы білім алады.

Білу керек:

• Әртүрлі ақпарат көздерімен жұмыс жасауға ;

• Қорытынды ой жасау және нәтижені сараптауды ;

• Пікірталасқа қатысу , өз қызметінің нәтижесін көре білуге ;

• Параметрлері берілген теңдеулерді әртүрлі әдістермен шешуге ;

• Есеп шығарудың ұтымды жолын таңдауды ;

• Нәтижесін график арқылы көрсетуді ;

Курс мазмұнын меңгеру деңгейіне қойылатын талаптар

Курсты оқу нәтижесінде оқушылар келесі білім, білік және әдістерді меңгереді:

• Математика нақтыны тану және бейнелеу әдісі екендігі туралы көзқарастары қалыптасады ;

• Саралау, салыстыру, теңестіру, жүйелеу, қорытындылауды үйренеді .

• Математикалық әдебиеттермен өздігінен жұмыс жасай алады ;

• Стандарттық емес теңдеулер шешудің негізгі әдістерін біледі, теңдеу шешу әдістерінің теориялық негізін түсінеді ;

• Әртүрлі әдістермен стандартты емес теңдеулерді шеше алады ;

• Пікірталасқа қатысып,өз қызметінің нәтижесін болжай алады ;

• Өз қызметіне анализ жасап, жұмыс нәтижесін бағалай алады.

Оқытылатын курс бағдарламасы

Әртүрлі типтегі теңдеулер мен теңсіздіктерді шешу(5 сағат)

Сызықтық теңдеулер мен теңсіздіктер. Сызықтыққа ұласатын теңдеулер мен теңсіздіктер. Квадрат теңдеулер мен теңсіздіктер.

Тригонометриялық теңдеулер (16 сағат)

Кейбір тригонометриялық функциялардың графигін салу мысалдары. Тригонометриялық теңдеулер мен теңсіздіктерді шешу. Кері тригонометриялық теңдеулерді шешу. Тригонометриялық теңдеулер жүйесін шешу.

Теңдеу құруға арналған есептер (5 сағат)

Физикалық мазмұнды есептер. Зат концентрациясы және көлемдік үлеске берілген есептер.

Параметрлері берілген теңдеулер мен теңсіздіктерді шешу (6 сағат)

Параметрлері бар теңдеулерді шешу. Параметрлері берілген теңсіздіктерді шешу.

Теңдеулер мен теңсіздіктердің графиктік шешулері (2 сағат)

График салу. Координат жазықтығы.

Курстың оқу – тақырыптық жоспары

( барлығы – 34 сағат)

Ямышев жалпы білім беру мектебінің математика мұғалімі Қ.Қ.Кашаеваның математика пәнінен 10-сыныпқа арналған

«Теңдеу және теңсіздіктерді шешу» атты қолданбалы курс бағдарламасына

Пікір

Жоғары сынып оқушыларын таңдау сабақтарымен қамтамасыз ету үшін «Теңдеу және теңсіздіктерді шешу» қолданбалы курсы құрылды. Ұсынылып отырған курс жоғары сынып оқушыларының кәсіби дайындық міндеттерін жүзеге асыруға көмектеседі.

Курс 34 сағатқа есептеліп,10-сынып оқушыларына арналған.

Бұл курс,математикаға бейімі бар оқушының қызығушылығын, сұранысын стандартты емес есептер шешу әдістерінде танымдық қажеттілік терін қанағаттандыруға бағытталған.

Курс мазмұны математикалық анализ және алгебра курсының бағдарламасын қайталамайды және мектеп математика курсындағы «сызықтық теңдеу» туралы білімді тереңдетуге бағытталған. Сондықтан да бұл курсты оқу кезінде жоғары сынып оқушыларының математикалық білімге қызығушылығын және сұранысын неғұрлым толық қанағаттандыруға мүмкіндік береді. Дәстүрлі емес жағдайларда алған білімін қолдана білуге аттестат алу үшін оқу емес, өмірлік жоспарларын іске асыру үшін жоғарғы сынып оқушыларының білім алуында «Теңдеу және теңсіздіктерді шешу» маңызды орын алады.

Басқа жағынан алғанда,бұл курс орта мектептеріне теңдеу шешуге қажетті және жеткілікті білім жинақтауға мүмкіндік бере отыра, математика негізгі пән болып келетін жоғарғы оқу орнына дайындық болып табылады.

Тереңдету арқылы жоғары сынып оқушыларын әлемді математика құрам бейнелерінің тұтастығының дамуымен «Теңдеу және теңсіздіктерді шешу» тақырыбы бойынша жоғары сынып оқушыларының математикалық білімде рін кеңейту және техник-инженер,менеджер-экономист, статистика, кәсіптік бизнес салаларына, кәсіпке бағдарлау.

Математика мұғалімі Қ.Қ.Кашаеваның математика пәнінен

10-сыныпқа арналған «Теңдеу және теңсіздіктерді шешу» атты қолданбалы курс бағдарламасы барлық талаптарға сәйкес орындалған және ғылыми –практикалық маңызы бар.