«Қолөнер әлемі» үйірмесі

Алматы қаласы Алатау ауданы «№152 мектеп-гимназия»

«ҚОЛӨНЕР ӘЛЕМІ» ҮЙІРМЕСІНІҢ

Үйірме бағыты: Көркем еңбек / технология

Көркем еңбек пән мұғалімі: Бозшагулов Т. И.

2025 - 2026 жыл

Түсінік хат мазмұны

«Қолөнер әлемі» үйірмесі 5–6 сынып оқушыларына арналған қосымша білім беру бағыты болып табылады. Үйірме бағдарламасы оқушыларды өру өнерімен, оның түрлерімен, қолданылатын материалдар мен құрал-жабдықтармен таныстыруға бағытталған.

Сабақ барысында оқушылар жіп, таспа, моншақ сияқты қауіпсіз материалдармен жұмыс жасап, қарапайым сәндік бұйымдар жасауды үйренеді. Үйірме оқушылардың шығармашылық қабілетін, ұсақ қол моторикасын, эстетикалық талғамын дамытуға ықпал етеді.

Үйірме аптасына 1 рет өткізіледі, оқу жылы бойынша 34 сағатты қамтиды. Бағдарлама оқушылардың жас ерекшеліктерін ескере отырып құрастырылған.

Үйірменің мақсаты:

Оқушыларды ұлттық және заманауи қолөнер түрлерімен таныстыра отырып, шығармашылық қабілетін, еңбек дағдыларын дамыту.

Үйірменің міндеттері:

• Қолөнердің негізгі түрлерін меңгерту;

• Өру, түйіндеу, сәндік бұйым жасау дағдыларын қалыптастыру;

• Ұлттық мәдени мұраға құрмет сезімін тәрбиелеу

Үйірме жұмысының нәтижесінде оқушылар:

• өру өнері туралы бастапқы түсінік қалыптастырады;

• өрудің қарапайым түрлерін ажырата алады;

• өруге арналған материалдар мен құрал-жабдықтарды таниды және дұрыс қолданады;

• қарапайым өрме бұйымдарын (білезік, шашбау, белдік т.б.) өз бетінше орындай алады;

• ұқыптылыққа, еңбекқорлыққа және төзімділікке дағдыланады;

• шығармашылық қабілеті мен эстетикалық талғамын дамытады;

• ұлттық қолөнерге қызығушылық пен құрмет сезімін қалыптастырады.

Оқыту әдіс-тәсілдері:

• Түсіндіру

• Көрсету

• Практикалық жұмыс

• Топтық және жеке жұмыс

• Шығармашылық тапсырма

Күтілетін нәтиже:

• Оқушылар:

• Қолөнердің бірнеше түрін біледі;

• Өрудің қарапайым тәсілдерін меңгереді;

• Өз қолымен сәндік бұйым жасай алады;

• Ұқыптылық пен шығармашылыққа дағдыланады.

Бағалау:

• Үйірмеге қатысу белсенділігі

• Жұмысты орындау сапасы

• Шығармашылық идеясы

«Қолөнер әлемі» үйірмесінің жылдық жұмыс жоспары