Қоржынды сәндеміз

Білім беру саласы: Шығармашылық, танымдық.

Бөлімі: Сурет салу.

Тақырыбы: Қоржынды сәндейміз.

Мақсаты: қазақтың үй бұйымы-қоржынмен таныстыру, қоржын туралы білімдерін одан әрі жетілдіру, қоржынды безендіре білуді үйрету, эстетикалық талғамдарын дамыту, тиянақтылық пен ұқыптылыққа тәрбиелеу.

Көрнекіліктер: қылқалам, су, сүрткіш, қоржынның суреті.

Сөздік жұмыстар: қоржын, үй бұйымы.

Полингвальді:қоржын-корзина, бұйым-изделие.

Ұйым кезеңі:

Балалар шаттық шеңберге тұрады.

Армысың, асыл Күн!

Армысың, асыл Жер!

Армысың, көк аспан!

Армысың, жан досым!

Жылуыма жылу қос,

Міне, менің қолым!

Педагог:-Балалар, қоржынның не екенін білесіңдер ме? Ата-әжелеріміз оны не үшін қолданған?

Қоржын- иірілген жүннен тоқылған үй бұйымы. Түрлі заттар алып жүру үшін қажет. Қоржынның екі басы болады. Жолға шыққанда қоржынды аттың артына өңгеріп алады. Жай жолақты немесе түрлі өрнекті, сондай-ақ кілемше түрінде жасалады. Оның ат қоржын, түйе қоржын т.б. түрлері бар.

Сергіту сәті:

Ал, балалар, тұрайық,

Ою-өрнек сызайық.

«Түйетабан», «ботакөз»,

«Қойізі» мен «қосмүйіз»,

«Қарғатұяқ», «тышқаніз»,

«Бүршік» пен «гүл» әдемі,

Ою-өрнек әлемі.

Педагог: -Қоржынды бір түсті бояумен саламыз. Қоржын дайын болған соң оны асықпен әшекейлейміз.

Бір-бірінің жұмысын бағалау үшін балаларға сөз береді. Педагог балалардың салған суреттерін бағалайды.

Күтілетін нәтиже:

Жаңғырады: қоржын туралы түсініктері мен білімдерін кеңейтеді, қоржынның түрлері, оның қолданылуы жайлы мәліметтерді біледі.

Түсінеді: қоржынды салу техникасы мен әшекейлеу ерекшеліктерінің барын түсінеді.

Қолданады: әшекейлеу реттілігін, ұқыптылық пен жұмысты орындау барысындағы жинақтылықты қалыптастырып, қолданады.