Қоршаған ортамен танысу

Сабақ жоспары

Сыныбы: 1«А» сынып

Сабақтың тақырыбы:

Үй жануарлары

Сабақтың мақсаты:

Білімділік: Үй жануарларының тіршілігі туралы баяндап, балалардың үй жануарлары туралы білімдерін толықтыру

Тәрбиелік: Үй жануарларына қамқор болуға, оларды күте білуге және қорғауға тәрбиелеу.

Дамытушылық: Үй жануарларының әрқайсысының өзіне тән қасиеттері туралы пікірлерін айтқызу арқылы кез келген тақырып бойынша ойларын еркін жеткізе білуге баулу.

Коррекциялық:

Сабақтың типі: Жаңа сабақ

Сабақтың түрі: Түзету сабақ

Сабақтың әдісі: Әңгімелеу, түсіндіру, сұрақ-жауап.

Сабақтың көрнекілігі: Интерактивті тақта, үлестірмелі материалдар

Пәнаралық байланыс: Көркем әдебиет

І.Ұйымдастыру кезеңі:

1) Оқушылардың оку-құралдарын түгендеу.

2) Оқушылардың зейінін сабаққа аудару.

-Балалар, мына өлең шумақтары жылдың қай мезгіліне арналған тыңдайықшы:

Күзім-ау, күзім-ау

Мінезің қызық-ау

Жаңбырың сіркіреп,

Келгенің қызық-ау

Балаларға ұсақ қол моторикасын дамытуға арналған жаттығулар жасату.

ІІ. Жаңа сабақты меңгерту.

-Балалар, мына суреттерден нелерді көріп тұрсыңдар?

-Ия, дұрыс айтасыңдар бұлар жануарлар мен құстар, яғни бұларды үй жануарлары және үй құстары деп атайды. Олай болса, біз бүгінгі сабағымызда

«Үй жануарларымен» танысамыз.

-Үй жануарларына қандай жануарлар жатады? Білесіңдер ме

-Дұрыс айтасыңдар, бұл жануарларды төрт-түліктер деп те атайды?

-Олай болса. қазір үнтаспадан шыққан дыбыстың қай үй жануарының даусына ұқсайтынын табайықшы.

Барлығымыз тыңдайық.

-Қай жануардың дауысы?

-Сиыр. Сиырдың төлі, баласы қалай аталады?

-Сиыр төрт түліктің бірі.Сүті, еті, терісі бағалы. Сүтінен май, айран, құрт,қаймақ , етінен тағам түрлері, терісінен түрлі бұйымдар жасалады. Жайылымда жайылады. Төлін-бұзау деп атайды.

-Мына дауыс қай жануардікі?

-Жылқы. Жылқының баласын қалай атайды?

-Жылқы салт міну, жүк тасуға, ет пен қымыз өндіру мақсатында өсірілетін төрт түліктің бірі. Өте бағалы. Ата-бабамыз аса құрметпен баптап өсірген. Таза су ішеді, жайылымды талғай біледі. Төлін-құлын, құлыншақ дейді. Жылқының етінен қазы-қарта жасайды.

-Қай жануардың дауысы деп ойлайсың?

-Қой. Қойдың төлін қалай атаймыз?

-Қозы. Қой төрт түлік малдың бір түрі. Еті, жүні терісі бағалы. Салмағы 20 кг шамасында. Жүні 3-7 кг-ға дейін болады. Төлі-қозы. 500-600 қойды отар деп атайды.

-Мына дауыс қай жануардікі?

-Ешкі. Ешкіні де қоймен бірге бағады. Ешкінің төлін лақ деп атайды. Ешкінің жүнінен түрлі киімдер тігеді.

-Мынау қай жануардың дауысы?

-Түйе. Түйе шөл керуені. 10 күнге дейін су ішпейді. Сүтінен шұбат алынады.Оның емдік қасиеті ерекше. Жүнінің жылуы өте ерекші. Төлі – бота.

-Мынау ненің дауысы?

-Дұрыс айтасыңдар, иттің. Итті де үйде тіршілік ететін жануарға жатқызуға болады. Ит-адамға дос. Осы үй жануарларын өсіруге, қорғауға иттің көп көмегі бар.

-Енді бұларды қалай күтіп-баптаймыз?

-Дұрыс, таза су береміз, жем, шөпті уақытылы беріп тұру керек. Қорасы таза, жылы болуы керек. Түрлі ауруларға қарсы тиісті екпелерін жасатып тұру керек.

Сергіту сәті

дәптермен жұмыс

-Суреттерді сәкестендіру

-Жылқы, бұзау, тауық, үйрек, қой.

-Ия, қой, ешкі, сиыр, жылқы, түйе

-Сиыр баласы бұзау деп аталады. Жылқы баласы құлын. Қой баласы қозы. Ешкі баласы лақ. Оларға біз жем шөп береміз су береміз

-Балалар өз беттерімен жұмыс жасайды.

Кері байланыстылық- түзетушілік

Сабақты қорытындылау:

«Үй жануарлары» дидактикалық ойыны.

Мақсаты: балаларды үй жануарлары мен төлдерін ажыратуға, олардың қимылын көрсетіп, қалай дыбыстайтынын дыбыстауға үйрету.

Шарты: Балаларға үй жануарларының суреттері таратылып беріледі. Әр бала сурет бойынша үй жануары туралы білетінін немесе өз ойын, пікірін баяндайды дыбысын салып

өз ойларын айтып шығады.

Күтілетін нәтиже:

Нені біледі: Үй жануарлары туралы жалпы түсінік алады. Олардың қасиеттері мен дыбыстарын ажыратады

Қандай түсініктерді игерді: Қай жануардан қандай пайдалы өнім өндірілетінін түсінді

Меңгерген дағдылары мен іскерліктері: Үй жануарлары туралы ойларын дамыту