Ертеңгіліктің тақырыбы: Қош бол, балабақшам!

Қолдарына «жұздыздар» ұстаған балалар, музыка залына шығып, билейді.
Ән: «Кішкентай жұлдыздар»

Тәрбиеші:

Өтті қызық көп күндер

Алты жасқа жеттіңдер

Барасыңдар мектепке

Бір белестен өттіңдер

Өсті ақыл- ойларың

Қуанышы бүгінгі

Құтты болсын тойларың!

Тауман:

Құрметті қонақтар армысыздар

Бәріңізде есен – аман бармысыздар?

Таусылмайтын ағытып ой арманың

Ал, достарым ақ жол тілеп, сөз бастағын

Арман:

Ақ тілекті ағытып бір тастайық

Қоштасатын кешімізді біз бастайық

Жүздерінен көркем шаттық арайлы

Болсын солай әрбір күнің , әр айың

Айбар:

Мерекеде сызылтып ән салады

Ән айтып би де билеп жан салады

Бұл ұлы мерекеде ән салғанда

Бүкіл ел шапалақтап қарсы алады.

Жания:

Сөзіме құлақ салыңыз,
Бір серпіліп қалыңыз
Қоштасуға арналған,
Әнімізді қабыл алыңыз.

Ән: «Балабақшам қош сау бол!»

Бақшаға еркелеп келеміз,

Шырқатып әнге саламыз.

Тамаша ғой балабақша,

Ойнаймыз да күлеміз,

Әріп те жазу білеміз,

Тәртіпті боп та жүреміз,

Есейдік біз бүгін,

Күтіп тұр мектебім.

Қайырмасы:

Қош бол, балабақша

Бар алғысым сіздергі,

Білім берген біздергі

Қия алмай тұрмыз сіздерді.

Қызықты күндер өткізген,

Мәпелеп бізді жеткізген.

Оқуды озат оқимыз,

Көңілге әркез тоқимыз.

Балабақшам тал бесігім,

Тәрбиенің бағы,

Аттанамыз қош десіп,

Белес асып тағы.

(Балалар орындарына отырады).

• Балалардың тақпақтарын тыңдайық

Даниал:

Өсті,міне,бойымыз,

Өсті ақыл-ойымыз.

Қуанышқа ортақпыз,

Құтты болсын тойымыз.

Мансұр:

 Мектепке енді барамыз

Үлгілі оқушы боламыз

Жақсы оқып сабақты

Кілең бестік аламыз

Дурсун: 

Бүгін қызық, бүгін той

Біздер үшін біліп қой.

Әнге салып би билеп,

Жалғастырсын ойды-ой.

Матвей:

Оқимыз білім аламыз,

Болашақ жолын саламыз,

Бақшаменен қоштасып,

Біріншіге барамыз.

Лия:

Балабақшам сүйікті,

Ән салдыртты, билетті,

Шынықтырып денеңді

Шымыр болуға үйретті.

Асанали:

 Талай қызық той өткіздік,

Бірақ орны бөлекше.

Бақшамызбен қоштасатын,

Бүгінгі той ерекше.

Абдухафиз:

Баулып, баптап өсірдіңіз,

Балалық етсек кешірдіңіз.

Ұмытпаймыз сөзіңізді,

Ұмытпаймыз өзіңізді.

Тәрбиеші:

-Тамаша, жарайсыңдар!

Ұрпақпен өмір жолы жалғанады,

Көңілді күндер тусын алдан әлі

Әсем әнмен түрлі өнер,

Бүгінгі күн сіздерге арналады, -

- Айшаның орындауында «Бақытты балалық шақ» әнін қабыл алыңыздар.

Тәрбиеші:

Ұл қыздарды тамсана,

Шақырамыз ортаға,

Тойымызға сән беріп,

Би билесін шаттана.

• Балалардың «Флешмоб» биін қабыл алыңыздар

Би: «Флешмоб»

(Балалар «Түскі ұйқы» биіне киінеді).

Тәрбиеші:

Сән салтанат жасайық,

Күй сандықты ашайық.

Бұл мереке, бұл тойға,

Әнмен шашу шашайық.

Ән: «Бірлігіміз жарасқан». Орындайтын: Абай Жания

Тәрбиеші:

-Балабақша өмірінен үзіндіні тамашалаңыздар

«Түскі ұйқыда»

Билейтіндер: Даниал, Василий, Арман, Абдул, Іңкәр, Айша, Лия, Айзере А

Іңкәр түшкіреді

Арман: Сау бол!

Арман: Іңкәр мен саған «Сау бол» деп айттым, неге «Рақмет» деп айтпайсың?

Іңкәр: Ұйықтап жатқанда сөйлемейді.

Арман: Ұйықтаған адам сөйлемейді, сен бәрін естіп жатырсың.

Абдул: Айша жастығыңда құмырсқа кетіп бара жатыр.

Айша жастығымен ұрады.

Тәрбиеші: Балалар болды тыныш жатып, ұйықтаймыз.

Балалар ұйықтағандай болады.

Тәрбиеші: Балалар ұйықтап қалған сияқты, 1 минутқа сыртқа шығып келейін.

Айзере: Балалар тыныш жата береміз ба, ойнайықшы?!

Балалар «Гумми бер» музыкасына би билейді.

Биден соң тәрбиеші кіреді:

-Балалар, ұйқымызды ашамыз, оянамыз.

Көрініс: «Мен мектепке барамын»

Пират - Тауман

Әліппе – Айсұлтан Б

Математика – Самира

Дәптер - Халли

Күнделік – Дания

Бала-Айбар

Пират секіріп, жүгіріп муз. залға кіреді.

Пират:

-Ой, мұнда қаншама адам жинаған? Сендер мұнда неге жиналып отырсыңдар?

Айбар:

-Балабақшамен қоштасып, мектепке баруға дайындалып жатырмыз.

Пират:

Оқуға, білім алуға, мектепке барасыңдар.

Дұрыс істедіңдер, тамаша. Тез арада біздің мектепке жазылыңдар!

Айбар: Сендердің мектептерің қалай аталады, онда бәрімізге баруға бола ма?

Пират:

- Әрине болады. Біздің мектеп «Зиян келтірушілер ғылымы» деп аталады. Онда ешқанай тест, емтихан тапсырмайсыңдар және тегін оқсыңдар.

Айбар:

• Сіздердің мектептеріңізде не үйретеді.

Пират:

• Біріншіден алдауды, ешқашан шындықты айтпауды. Ал, екіншіден, қыз балаларды ренжітіп, ұл балаларды төбелеске үйретеді. Ең бастысы сабақтан қалай қашып кетуді, кітапты жыртып, қалам, қарындашты ұмытып, кінәні біреуге жаба салуды үйретеді.

Әліппе:

• Қане, қане тоқтатыңдар, сендерге тек еркіндік бер. Мектепте осылай үйретеді ме екен? Ой, ой олай болмайды. Мектеп ол киелі білім ордасы. Мектеп білім айдынындағы үлкен кеме. Мектепте сендер шынайы дос табасыңдар, білім алып, өмірді үйренесіңдер.

Әліппе:

Менің атым — Әліппе.

Мені анаңдай дәріпте.

Мені оқып ержеткен

Бауыржан да, Мәлік те.

Математика:

Біздің келер шамамыз

Бестен үшті аламыз

Төртті бөліп екіге

Жауабын тез табамыз.

Дәптер:

Ел құрметпен бағалар

Досың бар, ол — тазалық

Кел, дәптерге балалар,

Тап-таза етіп жазалық

Күнделік:

Жазулы менде әр күнің

Бар мінезің, тәртібің

Дос болайық жарқыным

Жолдасымсың сен менің

Тәрбиеші:

- Балалар біз мектепке не үшін барамыз?

Балалар:

Оқып білім алу үшін

Еліме еңбек ету үшін

Білімді азамат болу үшін

Ер жетіп Отанымды қорғау үшін

Пират:

• Жақсы балалар, мен де сендермен мектепке барайыншы?

• Жарайды!

Тәрбиеші:

Балапандай  сәбидің ,

Қанаты әсте талмасын,

Арманы ол әр үйдің ,

Биіктерге самғасын .

Бүлдіршіндер армандар,

Қол соғындар, тұрмандар!

• Қыздардың өнерін тамашалаңыздар!

Би: «Звездочки»

Сайлаубек Айзере, Алмасқызы Айзере

-Болатбек Айсұлтанның орындауында «Қошақаным» әнін қабыл алыңыздар!

Ән: Қошақаным

-Биші қыздарымыздың өнерін қабыл алыңыздар! Би: Үнді биі

• Ата-аналардың ән шашуын қабыл алыңыздар. Камшат ханымның орындауында «Толқын» әні

• Келесі балалардың орындайында «Ұстазым» әні

Хор: Ұстазым

-Ата-аналардың орындауында «Қара жорға» биі

Тәрбиеші:

• Фариза ханым, Зарина ханым, Назым ханымның орындауында «Алғыс балабақшаға» әнін қабыл алыңыздар

Айсұлтан Б:

• Бүгін балабақшаның іші кеңейді. Біз кішкене көңілсізбіз. Өйткені қоштасатын күн келді.

Жания:

• Біз балабақшаны еске алатын боламыз. Мұнда талай қызықты күндер өткіздік

Арман:

• Ия, ия, талай суреттер салдық, қызықты ойындар ойнадық.

Айсұлтан Б:

• Ыдыстарды сындырдық. Тентек те болдық. Топ ішінде ойыншықтарды да шашып ойнадық.

Жания:

• Көптеген мерекелерді өткіздік. Онда біз би билеп, ән айттық.

Айбар:

• Біз бәріміз толқып та, қуанып та тұрмыз. Бүгін ерекше күн. Себебі мейірімді балабақшамызбен қоштасамыз. Біз мектепке барамыз.

Арман:

• Осынша уақыт бірге болған достарымызды, тәрбиешілерімізді ұмытпай еске алып жүреміз.

Тауман:

• Ендеше осынша уақыт қызықты өткізген күндеріміз үшін, балабақша қызметкерлеріне рақметімізді айтайық.

Арман:

Гүлдендірген бақшаны

Меңгеруші апай жақсы адам

Сондықтан да біз үшін

Артықсыз сіз басқадан

Меруерт Махаббатқызына мың алғыс

Дания:

Жайдары жүз, ай қабақ

Жүреді бізді аймалап

Тобымызға жиі кеп

Білгеніңді сұрайтын

Ақыл айтып тұратын Анар Бейсенбекқызына көп рақмет

Жания:
Жазу жазып үйреткен

Әріптерді оқытқан

Санамақты жаттатып

Санауды бізге үйреткен

Жақсы болсақ қуанған

Қате болсақ кешірген

Шынар апайға, айтамыз біз мың алғыс

Арман:

Бізді баптап қараған

Күлімдеген жақсы адам

Ақ төсекке жатқызған

Басымыздан сипаған

Эльвира апайға көп рақмет

Айша:

Денсаулыққа болаттай

Ауруларды жолатпай

Күнде болған әбдігер

Қамқоршымыз дәрігер

Медбике Айсұлу Ергалиевнаға мың рақмет!

Айсұлтан Алмасұлы:

Үйренгеміз өнер біз

Шетімізден шеберміз

Бал татыған әндерді

Мың бұралған билерді

Үйреткен Ғалия, Лилия апайларға мың алғыс!

Айзере Алмасқызы:

Тәтті тағам пісірген

Айран сүтін ішкізген

Әсем, Айгүл, Жамиля, апайлар

Сіздерге де мың алғыс!

Іңкәр:

Орындық, шкаф, төсек те,

Шанышқы мен кесе де,

Бәрі де өзі келе ме?

Соның бәрін табатын

Шаршамайтын, күлетін

Зыр жүгіріп жүретін

Маргарита Кенесовнаға

Айтамыз сізге мың алғыс!

Айсұлтан Б:

Арайлы атқан таңдай жылы жүзі,

Сүйсіндірген баршаны әрбір ісі.

Балабақшаны тазалайтын айнадай

Тоғжан апайға мың алғыс!

Айзере А:

Тәрбие берген ұямыз

Тәртіпті бала боламыз

Қоштасып психолог Жанар апаймен де

Біріншіге барамыз

Жанар апайға мың алғыс!

Айзере Сайлаубек:

Есеп-қисап жүргізетін,

Бақшаға кіріс кіргізетін

Есептеуден жалықпаған

Өз ісіне қанық адам.

Замира апайға

Айтамыз сізге мың алғыс!

Хавва:

Кірімізді жуады

Оны үтіктеп қояды

Төсегіміз әрдайым

Таза болып тұрады.

Зейнеп апай

Айтамыз сізге мың алғыс!

Василий:

«Әдемі, дұрыс сөйле» деп

Тілімізді түзеген.

«Р»-ға тілім келеді,

Дұрыс айтам мен енді.

Жазира апай

Айтамыз сізге мың алғыс!

Амелия:

Бастап бізді ертемен

Жаттығуға шығады

Иілтіп оңға, солға бір

Денемізді шыңдады.

Айгүл апай

Айтамыз сізге мың алғыс!

Балалар:

Адам етіп баптаған
Ардақтап бізді мақтаған
Таза сәби жүректен
Балабақшаға МЫҢ АЛҒЫС!!!

Әсия:

 Жаңа өмір басталсын,

Үміт сенім ақталсын.

Алғашқы бүлдіршін вальсі,

Көңілде мәңгі сақталсын.

Тәрбиеші: 

• Сүйкімді балаларым, жарқын жүзді ата-аналарым! Сіздермен қоштасатын сәт келді. Сіздерге ақ жол, сәт сапар тілеймін! 

• «Қош бол, балабақшам» атты кешімізді «Қоштасу вальсімен»  аяқтаймыз.

«Вальс»