Қош бол, сүйікті Әліппе

«Қош, сүйікті Әліппем!»

Әліппемен қоштасу ертеңгілігі. 
Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету. 
Көрнекіліктер: Слайдтар, әліппе, ана тілі.

Барысы:

Көрініс: Атасы немересін жетектеп келеді.
Автор:
Жеті жасар баласын,
Жетпісте шал жетектеп.
Келе жатыр көшеде,
«Қайда әлгі мектеп»-деп.
Жетпіс келед жүгіріп.

Ата:

Әли
Балам,балам, жақсы бол,
Міне,сенің мектебің.
Сабағыңа зейін сал
Ақылды бол тентегім.

Немере:

Дамир
Қыркүйекте келдім де
Сыныпқа кірдім қуанып,
Қарсы алды ұстаз мейіріммен
Қадамымды құп алып.

Мұғалім: 
Армысыздар құрметті қонақтар, оқушылар! Шәкірттердің қолдарына тұңғыш рет ұстап, бетін ашқан оқулығы «Әліппе». Барлық ғылымның атасы, болашағымыздың негізі – «Әліппені» бітіру кешіне хош келіпсіздер. Ендеше, кішкентай бүлдіршіндеріңіздің білім өлкесіне қарай басқан алғашқы қадамдары құтты болсын! Сонымен «Ракмет, саған Әліппем!» атты ертеңгілігіміздің кейіпкерлері 1 «А» сынып оқушыларына қол соғып, қошемет көрсетейік. 

Мұғалім: Балалар, мен сендерге бір сұрақ қояйын....

Іші толған әріпке,

Білімдегі жарық не?

Оқушылар: Ол сүйікті Әліппе!

Мұғалім: Олай болса, бәрімізге ең қымбат «Әліппені» ортаға шақырамыз.

Хормен: Әліппе! Әліппе! Әліппе! (ортаға «Әліппе» шығады)

Әліппе:

Жанторе

Армысыңдар жас достар!
Армысыңдар, ата – ана!
Болашаққа жол бастар,
Әліппең келді ортаға.
Жақсы білім көрімдік,
Болсын бізге халайық.
Не үйретіп, не білдік,
Қане, ортаға салайық!

1-жүргізуші: Айбол

Армысыз «Әліппе» ортаға салар білім-өнеріміз жетерлік, олай болса жақсылап жайғасып, келесі өлең шумақтарын қабыл алыңыздар.

Әліппеге арналған тақпақтар:

Бекмурат:

Әліппем менің Әліппем,
Сені қолға алып мен.
Есігін аштым мектептің,
Ертеңгі сәуле жарықпен.

Нұрасыл:

Бар кітапқа бас болған
Әліппе - ғылым анасы.
Әліппеден басталған
Даналықтың данасы.

Қаракөз:

Келгенде алғаш мектепке,
Білмеуші едік әріпте,
Оқимыз қазір ертекте,
Үйреткен оны Әліппе!

Мирас:

Ең алғаш алғанымда Әліппені

Қызығып қарай бердім әріптерге.

Мен үшін жұмбақ болып қалар ма еді

Ұстазым оның кілтін алып берді.

Айсұлтан:

Таныстырған 42 әріппен

Қош бол, менің қасиетті әліппем.

Сенің арқаң, оқи, жаза аламын.

Сауатты адам санатына кіргенім.

Кәмшат:

Білім деген-ғажаптың

Әліппесін меңгерген.

Келешегі қазақтың

Басталады біздерден.

Аружан:

«Әліппе» даңғыл жол ашты,

Жаңадан пәндер жалғасты.

«Әліппе» сырын ұқтырған,

Рақмет, ұстаз алғашқы.

2-жүргізуші: Сапаралы Каусар

Әліппеге арналған бұл өлең шумақтары керемет екен. Бірақ, біз бүгін тек біліміміз бен өнерімізді ғана көрсетіп қоймай, сонымен қатар ойын ойнап көңіл көтереміз!

1-жүргізуші: Айбол

Иә, дұрыс айтасың _______________________, біз бүгін түрлі ойын дайындаған едік. Олай болса, сол ойындарымыздың бірін ойнайық?!

Вордвелл:

2-жүргізуші: Сапаралы Каусар

Ойын ойнап біраз сергіп қалсақ, сыныбымыздың дайындаған өлең шумақтарын қабыл алыңыздар.

1-жүргізуші: Айбол

Қане бері қарайық,
Зейін қойып тыңдайық
Әріптермен танысу
Тақпақтардан бастайық.

Ендігі кезекті осы әріптерге берейік.

2-жүргізуші: Сапаралы Каусар
Енді ортаға әріптерді шақырайық.
«ОТАН» «ӘЛІППЕ» сөздері шығатындай
( О,Т,А,Н, Ә,Л,І,П,П,Е әріптер таққан оқушылар шығып тақпақ оқиды.)

Сатыбалды Алдияр:
Оспан да өлең жаттады,
Олжас та өлең жаттады.
Мына менен басталған
Екеуінің аттары.

Ерубай Әмина:
Торғай, торғай, торғайсың
Таяу келіп қонғайсың.
Жем шашайын тойып ал,
Сонда аязға тоңбайсың.

Жақсылық Кәусар:
Астана- Астанам,
Астана-бас қалам.
Ардақтап атыңды,
Аузымнан тастаман.

Айсер:

Н дегенім наным,

Нанмен бірге әнім,

Наным менің нәрім,

Әнім менің сәнім.

Жания:

Ә дегенім әжең,

Әлдилеген анаң,

Әлпештеген әкең,

Әспеттей біл балам.

Курмантай Алинур:

Л дегенім лағым,

Кезіп ауыл маңын,

Маңыраған кезде,

Бір тынбайды жағың.

Айым

І дегенім інім

Бауырым ғой, күнім,

Қызықтаймыз оның.

Балдай тәтті тілін.

Қанат Әмина:

Тұмсығы оның күшті,

Аяқтары сұсты,

Таси алады жүкті –

Піл дегенің мықты!

Қанат Алдияр:

П дегенім пілім,

Көрсеңдер түрін,

Қане, көрген кім бар.

Таудай пілдің тілін

Ибрагим:

Е дегенім есеп,

Есеп қиын десек,

Неше болар екен,

Екі ешкі мен есек.

1-жүргізуші: Айбол

Бұл өлең шумақтарынан әріптерден сөз, сөздерден тиянақты бір ой құралатынын көрдік. Енді біздің сынып ұлдарының дайындаған өнерін тамашалайық!

Би: «Бүлдіршіндер биі»

https://youtube.com/watch?v=zQFnJLgsYxQ&feature=share

2-жүргізуші: Сапаралы Каусар

Біз бүгін шексіз қуаныштымыз, өйткені алғаш хат танытып, сауатымызды ашқан әліппені бітірдік.

1-жүргізуші: Айбол

Иә, біз бүгін бір белестен астық. Белестен асуға көмектескен ұстаздарымызға өлең жолдарын арнаған, достарымызды тамашаласақ?!

Мамай Әлинұр:

Келгенімде алдыңа,

Қызыл арай гүл алып.

Жақын тарттың өзіңе

Шәкіртім деп қуанып.

Алтынай:

Сипадың да басымнан,

Әліппені ұсындың.

Бақытымның осыдан

басталғанын түсіндім.

2-жүргізуші: Сапаралы Каусар

Мен енді өзім оқып, өзім жаза аламын. Ертегі-әңгімені де өз бетіммен оқитын болдым. Осы үшін ұстазыма көп рахмет!

1-жүргізуші: Айбол

Біз көп нәрсені – кітап оқуды, өлең жаттауды, ән айтуды, сурет салуды үйрендік. Осы үшін ұстазыма көп рахмет!

Әліппе: Жанторе

Менің сендермен қоштасатын уақытым таяп қалды. Сендерге де рахмет балалар! Өздеріңдей тәртіпті, оқуға ынталы балалардың талабына қуанамын. Енді білімдеріңді жалғастырып, әрі қарай білімді болу үшін Ана тілі кітабымен таныстырайын. Ана тілі, мында келші!

Ана тілі: Абдулазиз

Сәлеметсіздер ме балалар?
Туған елдің тілімін
Ақылыммен танылам.
Түсіндірер бәріне
Ана тілі мен болам.Балалар,енді бұрынғыдан да көп оқитын боласыңдар.Ынта қойып оқысаңдар көп нәрсеге үйренесіңдер.

Әліппе: Жанторе

Әр сөзімді жаттаған,

Балалар үшін мақтанам.

Рахмет айтып, шаттанам,

Риза болып аттанам.

Оқумен өсіп толыңдар,

Аман есен болыңдар!

2-жүргізуші: Сапаралы Каусар

Ән: «Рахмет саған, Әліппе!» Тамерлан

https://youtu.be/_RhN_r7KJh0

Мұғалім:

Ой ұшқырлығына құрылған есептер:
1. Ағаш басында 2 балық отыр еді. Оларға тағы 2 балық ұшып келді. Барлығы неше балық болды? ( балықтар ағашта отырмайды және ұшпайды.) 
2. Алма ағашында 10 алма, ал үйеңкі ағашында одан 2 алма аз өсіп тұр. Үйеңкі ағашында неше алма өсіп тұр? (Үйеңкіде алма өспейді) 
3. Тақта алдында 3 бала тұр.Олар:Самат,Марат,Қанат. Марат ортасында тұр. Маратты қозғамай қалай шетке тұрғызуға болады? 
4. Жанұяда 7 ер баланың бір-бірден қарындасы бар. Жанұяда қанша бала бар? (8 бала:7 ұл,1 қыз) 
6. Аулада жүрген бұзаулар мен тауықтардың аяқтарының саны –он. Аулада неше тауық, неше бұзау болуы мүмкін? ( 1 тауық, 2 бұзау) 
7. Екі адам қалаға келе жатып жолда тағы 5 ауылдасын кездестірді. Қалаға ауылдан неше адам келе жатыр еді? (2 адам) 

Мұғалім:

188тг - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Материал жариялау Сертификатты жүктеу

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру