Әліппемен қоштасу ертеңгілігі.
Мақсаты:
Оқу тілін дамытып, сөздік қорын молайту. Оқушылардың әліппеден алған білімдерін тиянақтау.
Әр оқушының іс- әрекеттері арқылы икемділігін, қабілеттерін көрсету,шығармашылық мүмкіндіктерін ашу;
Оқушылардың елін, Отанын сүюге,оны қорғай білуге тәрбиелеу.
Көрнекілігі: Қазақ әліпбиі,суреттер, нақыл сөздер, «Әліппе», «Ана тілі», оқулықтарының мұқабасы, ауызша есепке көрнекілік, шарлар.

Мұғалім: Құрметті қонақтар, қымбатты ұстаздар, аяулы ата-аналар! Күні кеше ғана қыркүйек айында мектеп табалдырығын аттап, әліппені қолға алып едік. Бүгін міне хат танытып, сауатымызды ашқан әліппені де бітірдік.

Мұғалім: Әрине, бұл сіздер үшін де, біздер үшін де үлкен қуаныш. Олай болса «Қош бол, Әліппе» ертеңгілігіне қош

келдіңіздер.

Тайырхан: Хош келіпсіз қонақтар,

Келдік біздер алдыңа.

Ізетімен кішінің

Сәлем бердік қабыл ал.

Арайлым: Кешегі сәби балаңыз,

Жарады міне қараңыз.

Ғылым – білім жолына,

Енді қайық саламыз.

Тайырхан: Өтті оқу, сан сабақ,

Бүгін үлкен салтанат.

Оқулықпен достасып,

Әліппемен қоштаспақ

Арайлым: Жақсы білім көрімдік,

Болсын сізге халайық.

Не үйреніп, не білдік,

Қане ортаға салайық.

• Балалар Әліппенің атасы кім? ЖИ Бейне баян

Ернұр: Біз енді алыстағы туыстарымызға өзіміз-ақ хат жаза аламыз.

Шыңдәулет: Біз енді өзіміз-ақ кез-келген сөздерді, сөйлемдерді, тіпті қысқа әңгімелерді бөгетсіз-ақ оқи аламыз.

Айсезім: Біздер осы уақытқа дейін көп нәрсеге үйрендік. Сурет салуға, ән айтуға, есептеуге, би билеуге, еңбек етуге.

Мұғалім: Іші толған әріпке

Білімдегі жарық не?

Хормен: Болашаққа жол ашқан,

Ол сүйікті - Әліппе.

Хор: Әліппе әні:

Жасұлан: Әліппе ортаға шығады.

Армысыздар, жас достар

Армысыздар, ата-ана

Болашаққа жол бастар

«Әліппең» келді ортаға

Білім деген ғажаптың,

Әліппесін меңгерген,

Келешегі қазақтың

Басталады сендерден.

Інжу: Ең алғаш алғанымды әліппені,

Қызығын қарай бердім әріптерді.

Мен үшін жұмбақ болып қалармеді

Ұстазым оның кілтін алып берді.

Айлин: Әліппем менің Әліппем,

Сені қолға алып мен.

Есігін аштым мектептің,

Ертеңгі сәуле жарықпын.

Абылай: Әліппе деген алтын жол

Апарар сені алысқа,

Жеңіл емес ауыр жол,

Тырмысып бақ намысқа.

Бағжан: Ана, әке атын сен,

Бізге үйреттің Әліппе.

Бәрін нағыз жақсының,

Сенен білдік Әліппе.

Алинұр: Ыстық әрбір беттерің,

Жазуыңды ұғамын.

Ақыл берді Әліппе,

Ақылшы сен мұғалім.

Расина: Тату-тәтті достармыз біз,

Ынталы да талапты.

Көп білуге құштармыз біз,

Жақсы оқимыз сабақты.

Аяла: Бар кітапқа бас болған,
Әліппе ғылым анасы.
Әліппеден басталған,
Даналықтың данасы

Әліппе: Сыйлап үлкен ағаны,

Сәлем берген баланы, кім дейміз?

Хормен: Әдепті екен бұл дейміз.

Әліппе: Таудай биік талабы

Жақсы оқитын баланы, кім жейміз?

Хормен: Үлгілі екен бұл дейміз.

Әліппе: Кітап, дәптер, қаламы

Кір шалмаған баланы, кім дейміз.

Хормен: Ұқыпты екен бұл дейміз.

Әліппе: Өтірік сөз айтпаса

Уәдесінен қайтпаса, кім дейміз?

Хормен: Шыншыл екен бұл дейміз.

Мерей: Байқап қарасақ, биылғы біздің мектеп табалдырығын аттауымызбен қатар Тәуелсіздіктің 34 жылдығы және Желтоқсан оқиғасы дәлме-дәл келуде. Бұл да жақсылықтың нышаны шығар.

Медина: Тәуелсіздік ата-бабам аңсаған,

Жете алмай құрбан болды қанша адам.

Махамбеттер, Шәмші, Халел, Қайраттар,

Әр кезеңде сен деп ерлік жасаған.

Бағдәулет: Мұзға жанған желтоқсанның жалауы,

Жарқылдаған ұл қызының жанары.

Мәншүк, Әлия қорған берген алтын күн,

Сәбира, Ләззат жалғастырды қатарын.

Құтты болсын тәуелсіздік мейрамы,

Ол әркімге еркін өмір сыйлайды.

Отан әні : Аяла

Аймедина: Ата-баба жерінің

Қасиетін мен білдім

Әжеміз ғой үйреткен

Әліппесін өмірдің.

Әбдінұр:Оқитын әрі жазатын,
Білімге қол созатын.
Оқушы болдық сауатты,
Білімді тегін қазатын.

Шерхан:Әліппе даңғыл жол ашты,

Жаңадан пәндер жалғасты.

Әліппе сырын ұқтырған

Хормен:- Рахмет, ұстаз алғашқы!

Бекжан:Әліппем менің, әліппем,
Өшпейтін нұрлі әріптен.
Есігін аштым білімнің,
Өзіңнен кілт алып мен.

Сабира:Үйреттің бізге Әліппе,
42 дербес әріпті.
Сөз , сөйлем құрап әріптен,
Жаздырдың бізге Әліппе.

Бақберген: Әріптердің тойында,

Әркім құмар ойынға.

Әріптер сыр ашады,

Әсем биге басады.

Тайырхан:Алфавиттің А тұрады басында,

Әрқашанда Ә тұрады қасында.

Байқадың ба Б тұрады үшінші,

Ал, осының сыры неде түсінші?

Адиля: А деген ол – аналар хой ардақты,

Ә деген ол – әкелер хой салмақты .

Б деген ол- балалар хой әдемі

Біздің елде үшеуі де кәделі.

Алшақ кетпей сондықтан да расында ,

Тұрады олар , алфавиттің басында.

А-а Тайырхан Ә-ә Арайлым

А дегенім атаң, Ә дегенім әжең ,

Ақ тілекті батаң, Әлдилеген анаң,

Ақыл сөзін тыңдап, Әлпештеген әкең,

Ардақтай біл, ботам! Әспеттей біл, балам!

Б-б Арсен В-в Бағдәулет

Б дегенім білім, В дегенім вокзал,

Білім- жарық күнің, Кісі толған көп зал,

Ашып берер саған, Келіп қалса пойыз,

Бар әлемнің сырын! Вокзалдан тез қозғал!

Г-г Бағжан Ғ-ғ Айкөркем

Г дегенім гүлім, Ғ дегенім ғарыш,

Көрдің неше түрін, Болса дағы алыс,

Гүлмен бірге сенің Қазақ ұшып барған,

Күлімдейді күнің! Ғарыш бізге таныс!

Е-е Абылай

Е дегенім есеп,

Есеп қиын десек,

Неше болар екен,

Екі ешкі мен есек?

Ж-ж Нұржан З-з Шыңдәулет

Ж дегенім жолда , З дегенім зебр,

Жаңғалақтау болма, Тұяғы оның темір,

Жасыл жанса, жүгір , Шөп іздесе шөлде,

Қарап сол мен оңға! Кірмейді оған шөгір!

И-и Талшын Й -й Інжу

И дегенім ине, Й дегенім қайда?

Кіріп кетер, тиме, Бар ғой қаймақ ,майда,

Қадайды ғой әжең Сайда жүрген ойнап,

Инеменен түйме! Тайынша мен тайда!

К-к Расина Қ-қ Аяла

К дегенім кітап, Қ дегенім қала

Көп оқыған ұтад, Жан-жағыңа қара,

Күшті болсаң, кәне, Қатар,қатар үйдің,

Кітаптан тез К тап! Қабаттарын сана!

Л-л Елнұр М-м Алинұр

Л дегенім лағым, М дегенім мектеп,

Кезіп ауыл маңын, Кітабымды беттеп,

Маңыраған кезде, Мен өсемін оқып,

Бір тынбайды жағың! Мектебімде көктеп!

Н-н Аймедина Ң-ң Мерей

Н дегенім наным, Ң дегенім аңдар,

Нанмен бірге әнім, Аңдар інді таңдар,

Наным менің нәрім, Қарға түскен ізден,

Әнім менің сәнім! Аңның жолын аңғар!

О-о Раяна Ө-ө Бақберген

О дегенім орман, Ө дегенім өзен,

Жан-жануар толған, Өзен бойын кезем,

Жеміс,жидек теріп, Өзенде бар балық,

Орман кезу- арман! Өзім бірден сезем!

П-п Нұрмаханбет Р-р Айкерім

П дегенім пілім, Р дегенде ретте,

Көрсеңдер де түрін, Рет-ретімен бетте,

Қане, көрген кім бар, Дәптер, кітап, бәрін,

Таудай пілдің тілін!? Ретсіз шашып кетпе!

С-с Парасат Т-т

С дегенім сурет, Т дегенім талап,

Көрдің бе сен бір рет, Көңіліңмен қалап,

Сонша неге тәтті, Талапты бол сен де,

Суреттегі сүр ет?! Оқып жақсы сабақ!

У-у Медина Ұ-ұ Сабира

У дегенім уыз , Ұ дегенім ұлан,

Уыз жейді ауыз, Ауызында ұран,

Уызына тойған Ту көтеріп тұрған

Қозы болар нығыз! Ұлан нағыз қыран!

Ү-ү Жасұлан Ф-ф Әбдінұр

Ү дегенім үкі, Ф дегенім файл,

Үлпілдейді түлкі, Поштамыз е майл,

Үп дегенде үкі, Алыстан хат келсе,

Түлкі болды күлкі Жылдам жауап қайыр!

Х-х Айсезім Һ-һ Адиля

Х дегенім халық, Һ дегенім жаһан,

Оқып, білім алып, Жаһанда бар наһан,

Халық үшін іс қыл, Наһан - үлкен балық,

Бар күшіңді салып! Деп айтатын атам!

Ч-ч Бекжан

Ч дегенде Чен бар,

Чукот деген жер бар

Чита деген қала,

Чили деген ел бар!

Хор: Кел,балалар оқылық.

Мұғалім: Міне, балалар Әліппе бізге қаншама нәрсе үйреткен екен. Ендеше осынша білім беріп, тақылдатып сөйлеткен, «Әліппемізбен»қоштасатын уақыт болды. Олай болса Әліппені шығарып салайық.

Әліппе: Айналайын балғындар,

Менен білім алдыңдыр.

Әр сөзімді жаттаған

Достар үшін мақтанам.

Рахмет айтып шаттанам

Риза боп аттанам.

Аттанатын жолым бар.

Оқумен өсіп толыңдар

Аман – есен болыңдар.

Парасат: Қош бол, құтты Әліппем,

Көп нәрсені үйреттің.

Таныстырып әріппен,

Тақылдатып сөйлеттің

Рахмет саған, Әліппе!

Талшын: Көлге айналған бұлақтың,

Қайнар көзін көріппе ең.

Том-том қалың кітаптың

Басы болар Әліппем.

Бізге білім салып берген

Хормен:- Қош бол, құтты Әліппем!

Мұғалім: Әліппемен қам айтысып қаламыз,

Енді қолға басқа кітап аламыз.

Ата-ана қуанышқа артық бол,

Сауатты боп, шықты міне балаңыз.

Мұғалім: Балалар енді біздің алдымызда және бір сүйіп оқитын кітабымыз Ана тілі тұр. Енді Ана тілін қарсы алайық.

Ана тілі: Туған елдің тілімін,

Ақылы мен таңымын,

Түсіндірер бәріне

Ана тілі пәнімін.

Ана тілім – ұраным

Ана тілім – құралым

Ана тілім болмаса

Мықты болмас тұрағым

Ана тілім елдігім

Ана тілім ерлігім

Ана тілім болмаса

Бүтінделмес кеңдігім.

- Балалар енді мені оқитын боласыңдар. Мен сендерге көп қызықты әңгімелер, ертегілер айтып беремін. Ынта қойып оқысаңдар, көп нәрсеге үйренесіңдер.

Оқушылар: Оқимыз, Ана тілі!

Нұржан: Қазақ тілі - өз тілім, ана тілім

Абай, Мұхтар сөйлеген дана тілім.

Қастерлейді ұл-қызың мәңгі сені

Болашаққа бастаған дана тілім.

Айкерім: Ана тілі арың бұл,

Ұятың боп түр бетте.

Өзге тілдің бәрін біл,

Өз тіліңді құрметте.

Арсен: Жүздерінен көрем шаттық арайын

Болсын солай, әр бір күнін, әр айын.

Тойларыңыз құтты болсын ағайын

Тойларыңыз тойға ұлассын әр дайым.

Келесі кезекті ән- биге кезек берейік:

1. «Ұстаз ана» (Исбек Айлин)

2. «Көк Әліппе» (Жасұлан)

3. «Әліппе биі» (қыздар биі)

4. «Көңілді күн» (Айкөркем)

5. «Қамажай» (қыздар)

6. «Оқуда озат боламыз» ( Нұрмаханбет)

7. «Үйретеді»(Медина)

8. «Батырлар» ұраны» (ұлдар би).

9. «Біз бақытты баламыз»(Арайлым)

10.«РУХ» биі (ұлдар биі)

11. «Отан» (Аяла)

Сабира: Бүгінгі кеш әр үйдің той басы деп саналар

Балалардың есімі, әулеттерге таралар.

Ырым етіп сондықтан, ертеңгілік соңында

Ақ тілекпен баршаға шашу шашпақ аналар.

Мұғалім: Алайық келер сәтті ойға түйіп,

Қалар бір шапағаты көпке тиіп.

Қол жайып періштенің ниетімен

Бәріміз бір ауыздан «әумин» дейік.

Ата бата береді.( Жасұлан)

Жүргізуші: Осымен «Қош бол, Әліппем» атты ертеңгілігіміз аяқталды.

Келесі сөз кезегіміздегі ұстазымызға берейік.

Жүргізуші: Ал енді әліппені ерінбей жанымызды отырып үйреткен жандарға асыр да жолдап, сол кісілердің лебізін тыңдайық.

Нұрмаханбет: Дүниенің жарық күні анамыз,

Дана болсаң анаменен данамыз.

Алдыменен тыңдаңыздар ағайын

Аналарға арнап бір ән саламыз.

Ата-аналардың құттықтау сөзі.