Тақырыбы: «Қош келдің Жаңа жыл!»

Мақсаты:  Балаларға мерекелік көңіл-күй тудыру. Қыс келбетін сезіну, әсер алу қабілеттерін жетілдіру. Ән, тақпақ арқылы сөздік қорын дамыту, бірлескен ойындар арқылы достық қарым-қатынастарын ояту.

(Әдемі безендірілген, топ ішіне музыка әуені ойнайды)
Көрнекіліктер: Жаңа жылдық шырша, ертегі кейіпкерлерінің бет пердесі, ойын құралдары.
Әдіс – тәсілдері: Ән айту, би билеу, ертегі көріністерін сахналау.
Топ іші Жаңа жыл мерекесіне сай безендірілген
Тәрбиеші : Балалар, мереке қонақтары қош келіпсіздер. Барлығыңызды Жаңа жыл мерекесімен құттықтаймын.

Ән: «Аппақ қар»

Тәрбиеші: Жұмбақ жасыру.
«Шанамен зырғып желетін,
Шаңғы, коньки тебетін.
Аққала жасап ойнайтын,
Қай мезгіл деп ойлайсың?

Балалар:   Қыс.

Тәрбиеші: Дұрыс, қыс. Қыс айларын атайық.

Балалар:   Желтоқсан,  қаңтар, ақпан.

-Балалар қарандаршы ,біздің тобымыз қандай әдемі болып кеткен, сендерде бүгін сондай әдемісіңдер.

-Бүгін қандай мереке балалар?
- Балалар, шыршаны қандай мерекеде безендіреді?
- Жаңа жыл мерекесіне кімдер келеді?
- Шыршаға нелер іледі?
- Аяз Ата бізге не алып келеді?

Тәрбиеші: Балалар бізге қонаққа біреу келе жатқан сияқты, тыңдаңдаршы, бір дауыс естіп тұрмын.

Ол кім болды екен? Сендер де естідіңдер ме?

Тосын сәт: Есікті қағып, шанасын сүйреп Аққала кіреді.
Тәрбиеші: Сәлеметсің бе! Аққала сен қайдан келдің қайдан жүрсің ?

Аққала: Сәлеметсіңдерме ! Мен сендерді жаңа жыл мерекесімен құттықтауға келдім. Мені сендерге Аяз ата жіберді. Балалар Аяз ата сендерге хат беріп жіберді, хатты оқып берейін не жазды екен.

«Құрметті «Жұлдыз» тобының бүлдіршіндері , мен алыс жолдан келе алмай қалдым . Мен сендерге орманнан шырша жібергем. Шыршаны алдыңдар ма ? Өздерің шыршаның шамдарын жағып, тақпақ пен өлеңдеріңді айтындар.»

Тәрбиеші: - Балалар қарандаршы бізге мына шыршаны Аяз ата беріп жіберіпті. Шыршамыз көңілсіз тұрған сияқты. Қәне бәріміз сиқырлы сөзді айтып шамдарын жарқыратайық!

Қуант, бізді таңырқат

Шамдарынды жарқырат! 2 рет

Тәрбиеші:  Балалар енді Жаңа жылдық тақпақтарымызды айтып берейік.

Қайсар

Тілеймін мен бар әлемге
Дос көп болсын жанашыр
Ата - әже, әке - ана.
Құтты болсын Жаңа жыл
Раяна
Мол сыйлықпен келер ол
Шырқатып ән салар ем
Жылдамырақ келсе екен
Бізге сйылық берсе екен
Санжар
Қыстың күні көңілді
Көп қызықты көреміз
Шығып алып далаға
Сырғанақты тебеміз
Арысбек

Шанамызға мінеміз,
Мәз - мейрам боп күлеміз
Жарысамыз бәріміз
Жарасып тұр сәніміз

Әміржан

Әдемілеп біз ілген,
Ойыншықтар тізілген
Қандай жақсы шыршамыз
Ән шырқайық баршамыз

Нұрым
Сақалы аппақ күмістей
Тістері аппақ күріштей
Нұр жайнаған ажары
Сағындық аяз атаны
Нурислам
Көрдің бе Аяз атаны
Аппақ екен сақалы.
Аппақ екен мұрты да
Аппақ екен шапаны
Мейіржан
Жүзімізде күлкі ойнап
Қанаттанды жанымыз
Жаңа жылды біз тойлап
Шаттанамыз бәріміз
Жансұлтан
Не ойласаң жаңа жылда
Орындалады бар арман
Жаңа жылды сондықтан
Күтеді барлық балақан
Мансұр
Қорықпаймыз аяздан
Шымшыса да бетімді
Аппақ қарды кешеміз
Киіп алып етікті

М. Аруна
Бүгін біз көңілдіміз
Жаңа жылды қарсы алып
Мерекеге келгендерді
Құттықтаймыз ән салып
Аққала: Балалар тақпақтарың өте жақсы айттындар, мен сендерге жұмбақ жасырайын, сендердің қаншалықты тапқырлықтарын көрейін.

Жұмбақ жасырады

1.Тікен тікен тік тісті,

Қысы, жазы бір түсті.

Ол не балалар? Шырша

2.Қыста ғана болады,

Ұстасаң қолың тоңады. (Қар)

3.Терезеге қонады,

Әсем ою ояды. (Қырау)

Тәрбиеші: Көрдінбе Аққала біздің балалар қандай тапқыр.

Аққала: Жарайсыңдар балалар, қандай ақылды болып өскенсіңдер! Тағы қандай өнерлерің бар?

Тәрбиеші: Балалар «Қоянның үйшігі» ертегісін сахналап берейік.

Автор: Ерте, ерте, ертеде қоян мен түлкі дос болыпты. Түлкінің – мұздан, ал қоянның ағаштан жасалған үйшігі болыпты. Түлкінің үйшігі еріп кетіпті, ал қоянның үйшігі бұрынғысынша тұра беріпті. Түлкі  қоянның үйшігіне түнеп шығуын өтініпті де, оны қуып шығыпты.

Көңілсіз музыка ойналуда. Шыршаның артында тығылып тұрған қоян жүгіріп шығады.

Жүргізуші : Қоян, сен қайда жүгіріп бара жатырсың. Қорқыныштан денең түршігіп тұр ғой?

Қоян: Ыңғайлы қылып өзіме,

Мен үй салдым,

Қыс мезгілі келді де,

Басыма бейнет түсті.

Айлакер түлкі алдаушы

Мені алдап

Жылынам деп кірген ол,

Үйімнен қуып шықты.

Жүргізуші : Ой, түлкі - айлакер! Қапаланба, қайғыңа көмектесеміз, түлкіні үйіңнен шығарамыз.

• Әй, Саққұлақ сен қайдасың, тезірек бізге көмекке кел, ұйқыңды доғар.

Ит келеді:   Мені ұзақ шақырып керек емес, ылғи да көмектесуге дайынмын. Әуп-әуп-әуп!!!…

Жүргізуші : Қоян сенің  үйің қайда? Саққұлақ түлкіні шығарып жіберсін.

Қоян өзінің үйін көрсетеді, ит үйшіктің қасына жақындап қаттырақ үреді.

Ит: Әуп-әуп-әуп, түлкі қоянның үйін босат.

Түлкі айқайлап: Егер ытқып шықсам, бұл үйшіктің сау-тамтығы қалмайды.

Ит қорыққаннан қашады.

Жүргізуші : Қоян ештеңе етпес, Қолымыздан келеді. Аюды шақырайыншы.

-   Аю,Аю! Сен апаныңнан шықта, бізге көмектес. Қоянның үйінен түлкіні қуып шығайық.

Аю келеді: Егер менің қолымнан келсе, сөзсіз көмектесем .Аю үйшіктің қасына барып айқайлайды.

Аю:   У-у-у,түлкі қоянның үйнен шық, бұл жерден кет.

Түлкі: Бір секіріп, ытқып шықсам,үйшіктің сау-тамтығы да қалмайды.

Аюлар қашады.

Жүргізуші : Жылама қоян , біз енді көмекке әтешті шақырамыз.

-Әтеш,әтеш, алтын айдарлы. Сен ерте тұрасың, әнді айқайлап айтасың.

Қатты айқайлап әніңді айтып, түлкіні үркітші.

Әтеш келеді: Ку- ка ре ку!  Ку-ка –ре-ку! Өкшеммен нық жүремін, йығымда шалғым бар,шалғыммен қақ бөлемін! Қоянның үйінен шықпаса, оныда шалғынша шабамын!

Автор:Түлкі қорқып кетип қазыр шығамын,қазыр шығамын, тонымды киіп жатырмын деп Қоянның уйшігінен каша жөнеледі. Сөйтіп, қоян батыр әтештін көмегімен қайтадан өз үйінде тұра бастайды.

Аққала: Балалар ерттегіні жақсы ойнадыңдар рахмет. Енді мен сендермен бір ойын ойнағым келіп тұр.

Ойын: «Қар жинау»

Ойынның шарты: балалар екі топқа бөлінеді. Оларға берілген аз уақытта, жерде жатқан қарларды шелекке тездетіп жинайды. Қай топ көп жинаса, сол топ жеңімпаз болады. (жинаған қарды санау)

Ән: « Қош келдің Жаңа жыл!»

Аққала: Балалар Аяз ата сендерге сыйлықтар беріп жіберіпті, қане сыйлықтарымыз қайда іздейік ?

(Сыйлықтарды үлестіреді)

Тәрбиеші: -Балалар сендерге бүгінгі мереке ұнадыма?

-Балалар бүгінгі біздің мерекемізге Аяз ата келе алмады , бірақ сендерге сыйлықтарын беріп жіберіпті. Міне, Қымбатты балалар, бірлесіп, достасып өткізген мереке қашанда қуанышты өтеді. Жаңа жыл құтты болсын. Жылдан- жылға аман-сау жете берейік!