«Қош, сүйікті Әліппем!»

«Қош, сүйікті Әліппем!»

Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету. 
Көрнекіліктер: Шарлармен безендіру,слайдтар, нақыл сөздер

Жүргізуші мұғалім: 
-Құрметті ата-аналар,ұстаздар және оқушылар! Бүгінгі «Қош бол, Әліппем!» атты мерекемізге қош келдіңіздер! Осыдан 4 ай бұрын мектеп табалдырығын аттаған балаларымыз өздерінің ең алғашқы оқулығы болған Әліппемен бүгін қоштасқылы отыр. Кішкентай бүлдіршіндеріңіздің білім өлкесіне қарай басқан алғашқы қадамдары құтты болсын!

-Ендеше, «Қош бол, Әліппем!» атты мерекеміздің кейіпкерлерін 1 «А» сынып оқушыларына қол соғып, қошемет көрсетіп, қарсы алайық!

Жүргізуші: Көз салып қараңызшы бойымызға ,

Ортақ боп бүгінгі өскен ойымызға,

Қош келіпсіз, ұстаздар, ата-аналар,

Әліппемен қоштасу тойымызға

Жүргізуші: Балалар,мен сендерге бір сұрақ қояйын....

Іші толған әріпке,

Білімдегі жарық не ?

Оқушылар хормен: Ол сүйікті Әліппе!

Жүргізуші: Олай болса,бәрімізге ең қымбат сүйікті «Әліппемізді» ортаға шақырамыз.

Әліппе: ән шашу «Әліппе»

Әліппе: - Армысыңдар жас достар!
Армысыңдар, ата - ана!
Болашаққа жол бастар,
Әліппең келді ортаға.
Жақсы білім көрімдік,
Болсын бізге халайық.
Не үйретіп, не білдік,
Қане, ортаға салайық!

Мұғалім: -Құрметті Әліппе, біздің ортамызға қош келіпсіз, кел тойымыздың төріне шық, біздің балаларымыздың сізге айтар алғысы мол, олай болса жайғасып отырып тыңдаңыз!

Мұғалім:Бала деген- болашақтың арайы.

Гимназиямыз –сол бастаудың сарайы.

Кіп- кішкентай бүлдіршіндер өнерін

Әліппенің әріпіне арнайды.

Ортада(Бақдәулет, Нұртілек, Алиасқар, Айша, Айару, Әбілмансұр, Жәнібек)

«Ұ»

Ұ дегенім ұлан,

Ауызында ұран,

Ту көтеріп тұрған

Ұлан нағыз қыран!

«С»

С дегенім сурет,

Көрдің бе сен бір рет,

Сонша неге тәтті,

Суреттегі сүр ет?!

«Т»

Т дегенім талап ,

Көңіліңмен қалап,

Талапты бол сен де,

Оқып жақсы сабақ!

«А»

А дегенім атаң,

Ақ тілекті батаң,

Ақыл сөзін тыңдап,

Ардақтай біл, ботам!

«З»

З дегенім зебр,

Тұяғы оның темір,

Шөп іздесе шөлде,

Кірмейді оған шөгір!

«Ы»

Ы дегенім ыдыс,

Шығарады дыбыс,

Ынтымақты үйде

Ыдыс тола ырыс!

«М»

М дегенім мектеп,

Кітабымды беттеп,

Мен өсемін оқып,

Мектебімде көктеп!

Мұғалім:

Құлақтан кіріп, бойды алар
Жақсы ән мен тәтті күй.
Көңілге түрлі ой салар,
Әнді сүйсең, менше сүй,- деп Абай атамыз айтқандай келесі кезекті балаларымыздың « Мектебім, аяулы мектебім» әніне берейік.

Әліппеміздің әріптеріне арналған тақпақтарыызды ары қарай тамашалайық!

Ортада(Нұралы, Дархан, Азамат, Шамиль, Жантөре, Олжас, Алихан)

«Ғ»

Ғ дегенім ғарыш,

Болса дағы алыс,

Қазақ ұшып барған,

Ғарыш бізге таныс!

«Х»

Х дегенім халық,

Оқып, білім алып,

Халық үшін іс қыл,

Бар күшіңді салып!

«Д»

Д дегенім дәптер,

Дәптер тола ақ тор,

Дұрыс, таза жазып,

Төрт пен бесті ап кел!

«Ө»

Ө дегенім өзен,

Өзен бойын кезем,

Өзенде бар балық,

Өзім бірден сезем!

«Ш»

Ш дегенім шаршы,

Шаршыны тез салшы,

Шыны, шырша, шаштан,

Шы-ны тауып алшы!

«І»

І дегенім інім,

Бауырым ғой, күнім,

Қызықтаймыз оның,

Балдай тәтті тілін!

«О»

О дегенім орман,

Жан-жануар толған,

Жеміс,жидек теріп,

Орман кезу- арман!

Мұғалім: Жан иірімі біле білсең би деген,

Кімдер бар биді ұнатып сүймеген

Халқымыздың би өнерін паш етіп,

Алдымызда бишілер бар билеген- деп, ару қыздарымыздың «До Ре Ми!» биін тамашалайық.

Мұғалім: әріп тақпағымыздың кезегін ары қарай жалғастырайық!

Ортада Мұқағали, Ерасыл, Алмас, Ерболсын, Алинұр, Мирас

«П»

П дегенім пілім,

Көрсеңдер де түрін,

Қане, көрген кім бар,

Таудай пілдің тілін!?

«Р»

Р дегенде ретте,

Рет-ретімен бетте,

Дәптер, кітап, бәрін,

Ретсіз шашып кетпе!

«Н»

Н дегенім наным,

Нанмен бірге әнім,

Наным менің нәрім,

Әнім менің сәнім!

«К»

К дегенім кітап,

Көп оқыған ұтад,

Күшті болсаң, кәне,

Кітаптан тез К тап!

«М»

М дегенім мектеп,

Кітабымды беттеп,

Мен өсемін оқып,

Мектебімде көктеп!

«Э»

Э дегенді ізде,

Көріне ме көзге,

Элеватор, эпос ,

Бар ғой біраз сөзде!

Жүргізуші: Өнер десе өрілген,

Биіктерден көрінген,

Ұлдарымызды шақырсақ,

"Джентельмен" деген биімен

Мұғалім: Ару қыздарымыздың тақпақтарын тамашалайық

Ортада ( Інжу, Айнұр, Айша, Жанерке, Аружан, Дана)

«Л»

Л дегенім лағым,

Кезіп ауыл маңын,

Маңыраған кезде,

Бір тынбайды жағың!

«Ә»

Ә дегенім әжең ,

Әлдилеген анаң,

Әлпештеген әкең,

Әспеттей біл, балам!

«Б»

Б дегенім білім,

Білім- жарық күнің,

Ашып берер саған,

Бар әлемнің сырын!

«Г»

Г дегенім гүлім,

Көрдің неше түрін,

Гүлмен бірге сенің

Күлімдейді күнің!

«Ң»

Ң дегенім аңдар,

Аңдар інді таңдар,

Қарға түскен ізден,

Аңның жолын аңғар!

«И»

И дегенім ине,

Кіріп кетер, тиме,

Қадайды ғой әжең

Инеменен түйме!

Мұғалім: Ал олай болса құрметті әліппе сіздің құрметіңізге біздің балалардың өзіңізге арналған әнін қарсы алыңыз ән« Рахмет, саған әліппе»

Мұғалім: ортада Фатима, Аяла, Анель, Мадина, Ару қыздарымыздың тақпақтарын қбыл алыңыздар!

«В»

В дегенім вокзал,

Кісі толған көп зал,

Келіп қалса пойыз,

Вокзалдан тез қозғал!

«Қ»

Қ дегенім қала ,

Жан-жағыңа қара,

Қатар,қатар үйдің,

Қабаттарын сана!

«Щ»

Щ дегенді тапшы,

Кітабыңды ашшы,

Бір-біріне қарсы,

Тұщы менен ащы!

«Ү»

Ү дегенім үкі,

Үлпілдейді түлкі,

Үп дегенде үкі,

Түлкі болды күлкі

« Ж»

Ж дегенім жолда ,

Жаңғалақтау болма,

Жасыл жанса, жүгір ,

Қарап сол мен оңға!

Мұғалім: Әріптердің иесі, құрметті әліппе!
Сізге шексіз алғысымызды білдіре отырып, сізді демалыс сауықтыру орталығына жібергелі отырмыз және Білім әкімшілігінің атынан «Еңбегі сіңген білімгер» атағын табыс етуге рұқсат етіңіз. (фанфар)

Әліппе: Рақмет, ризамын. Менде сендерге бұдан былай осы кітапты көп оқысын деген ниетпен, “Ана тілі” кітабын табыс етемін!

Бақдәулет:

Әліпемен қош айтысып қаламыз,

Енді қолға ана тілін аламыз.

Ата-ана қуанышқа ортақ бол,

Сауатты боп шықты міне балаңыз!

Мұғалім:Балалар ендігі сендердің жаңа достарың –Ана тілі. Сондықтан әліппені қалай меңгерсеңдер Ана тілінде солай меңгеруге сөз бересіңдер ме?

Мұғалім: Талап, еңбек, терең ой,
Қанағат, рақым ойлап қой- деп Абай атамыз жырлағандай, осы бес қасиетті бойымызға дарыту үшін ана тілін меңгеруіміз керек.

Олай болса кешіміздің төріне «Ана тілін» шақырайық! (фанфар)

Ана тілі: Туған елдің тілімін,
Ақылыммен таныламын.
Түсіндірер бәріне,
Ана тілі пәнімін
Ана тілі ұраным
Ана тілі болмаса

525тг - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Материал жариялау Сертификатты жүктеу

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру