Қоштасу ертеңгілігі "Балабақшамен қоштасу"

Қош бол сүйікті балабақшаІ

Залға балалар шармен  музыка әуенімен кіреді.

Барлығы:   Жақсылыққа құмармыз,

Жақсы адам боп шығамыз.

                    Таза сәби жүректен,

                   Қабылдаңыз мың алғыс! (Шарларын жібереді)

Даниал: Құрметті қонақтар армысыздар
Бәріңізде есен – аман бармысыздар?
Таусылмайтын ағытып ой арманың
Ал, достарым ақ жол тілеп, сөз бастағын

Жанерке: Ақ тілекті ағытып бір тастайық
  Қоштасатын кешімізді біз бастайық
  Жүздерінен көркем шаттық арайлы
                  Болсын солай әрбір күнің , әр айың
    
Даниал : Бүгінгі қоштасу кешімізді бастай отырып ортаға білім мен тәрбие нәріне сусындатқан апайларымызды ортаға шақырамыз.

Ортаға екі тәрбиеші шығады  «Астапурай» өлеңінің әуенімен ән айтады

Сәлем гүлдей жайнаған балғындарым
Бақшамыздан тәрбие алғандарым
Енді міне ер жетіп бәрің бірге
Достарыңмен мектепке барғандарың.
Қайырмасы.
Балаларым балапан балғындарым       2 рет
Кілең беске оқыңдар жарқындарым

Күлерсіңдер әрқашан шаттаныңдар
Барлығыңда болашаққа аттаныңдар
(Аттаныңдар жұптарың жазылмасын
Ешқандайда қиындық жолықпасын

Қайырмасы.
Балаларым балапан балғындарым           2 рет

 Кілең беске оқыңдар жарқындарым

1-Тәрбиеші:         Өтті қызық көп күндер
Алты жасқа жеттіңдер
Барасыңдар мектепке
Бір белестен өттіңдер
Өсті ақыл- ойларың
Қуанышы бүгінгі
Құтты болсын тойларың

2- тәрбиеші: Қымбатты ата – аналар, балабақша қызметкерлері қонақтар бүгін біздің бірнеше жыл мәпелеп, күтіп , тәрбиелеп өсірген бүлдіршіндерімізді мектеп табалдырығына шығарып салғалы отырмыз. Әрине бұл да үлкен той, тойларыңыз құтты болсын! Кәнекей кішкентай түлектеімізді тағы да бір қошеметтеп бір қол соғып қоялық.

1-    Тәрбиеші:     Мерекеде сызылтып ән салады
Ән айтып би де билеп жан салады
Бұл ұлы мерекеде ән салғанда
Бүкіл ел шапалақтап қарсы алады.

Ән. «Біз мектепке барамыз»

Мектепке енді барамыз

Біз оқушы боламыз

Жақсы оқып сабақты

Кілең бестік аламыз

Қайырмасы:

Ән салайық бас қоса

Бақшаменен қоштаса

Қалам, дәптер, өшіргіш

Кітаптармен достаса

Ойыншықты жинаймыз

Бөбектерге сыйлаймыз

Үлкен болып өссекте

Бақшамызды қимаймыз

Қайырмасы:

Біз мектепке барамыз

Қолға қалам аламыз

Кітапты да оқимыз

Суретті де саламыз.

2-Тәрбиеші:           Алдыңдағы балалар
    Мектепке кетіп барады
    Тақпақ айтып бір – бірден
    Қимай кетіп барады- дей отырып  ортаға балаларымызды өз тақпақ өлеңдерін айтуға шақырамыз.
Назерке: Әліппеден әріп танып

Ағаш рет оқимыз

Тәрбиеден тәлім алып

Санамыздан тоқимыз.

Ернұр: Біздің келер шамамыз

5-тен 3-ті аламыз

4-ті бөліп 2-ге

Жауабын тез табамыз

Аяна:Өзіңнен көп дос таптым

Бауыр баса бастаппын

Тәрбиешілер мейірбан

Келмей тұр енді қоштасқым

Айгерім:Тәрбие берген ұямыз

Тәртіпті бала боламыз

Қоштасып бала бақшамен

Даярлыққа барамыз

Жансерік: Бір – бірімен сыйласып

Тату жүрміз бәріміз

Бала достықпен өнеге

Біздің бала бақшамыз.

Нариман:Көңілді өскен баламыз

Шырқатып әнге саламыз

Тойымызға сән берер

Биде билеп аламыз

Бекзат:Оқимыз білім аламыз

Болашақ жолын табамыз

Бақшамызбен қоштасып

Біз мектепке барамыз

Айару: Ана тілін ардақтап

Ата салтын біз көрдік

Сурет салып ән жаттап

Оқып, жазып үйрендік.

Нұрай:Сүйгендей өз қыз өз ұлын

«Бөбегім» деп аянбай

Бала - бақшам өз үйім

Апай болды анамдай

Айару:Ойлы ұстаз бастайды ұлы мұратқа

Сағынамын бір сәт жүрсем жырақта

Арман қуып аттанармыз әр жаққа

Сенің бейнең ұмытылмайды бірақ та

Жүрегімде тұрар мәңгі жаңғырып

Ұстазымды өтемін мен ән қылып

Көк қанаттар түлеп сенің алдыңнан

Ұшадығой бұлақтан мейір қондырып.

Тәрбиеші:Бишілерде өнер көп,

Билейді биді мәнерлеп

Тамашалап көріңдер

Мына биді өнер қып.

Би: Балалар биі «Флешмоб»

Тәрбиеші: ҚҰлпырған гүл тұнған

Қаламыз, даламыз

Ойлаймыз тойлаймыз

Тақпақтап ән саламыз.

Шерхан:Менде кітап аламын

Менде оқуға барамын

Жаман бала дегізбей

Жақсы оқитын боламыз.

Айбар:Жас көңілге егін еккен

Ақыл, Білім дәнін секкен

Қараңғы ойға сәуле төккен

Сенің ықылас құштарымыз

Ақылщымыз ұстазымыз

Нұркелді:Әр қадамын Әр ойын

Өсіргендей шәкірт ойын

Кең ашылған құшақ қойып

Өту қиын ұқсам шынын

Бар еңбегі ұстазымның

Жансая:Үлкен сенім жүктеп алып

Мектепке кетіп барамыз

Тәрбиешім өзіңменен

Қоштасу әнін саламыз

Даниел:Бала бақша есігін

Үшке тола ашқанбыз

Едік аппақ нәресте

Көп – көп бөбек көргенде

Жұбанғаным есімде.

Ортаға «Білгішбек» келеді
Білгішбек: Балалар сәлеметпе мен сендерге ақ жол тілегім келіп сендердің мерекелеріңе құтты болсын айтқалы келдім. Сендердің барлықтарыңда ақылды, саналы  білімдісіңдер  мен сендерді өз әлемімі шақырамын,менің достарым боласыңдар бізді алда көп биік  асулар күтіп тұр келісесіңдер ме?

Сол кезде велосипедпен Жалқаубек келеді
Жалқаубек: Ой мында не болып жатыр кеттік балалар ойнауға не істеп жатырсыңдар, далада қызық болып жатыр кеттік .

2-Тәрбиеші: Ау, Жалқаубек сенің мұның не? Мерекеге киініп келмейсің бе, сенде биыл мектепке барасың ғой қарашы мына Білгішбек қандай бала болғанын, сенде  талпынуың керек емспе?
Жалқаубек: Ой мына Білгішбек мұнда не істеп жүр, бар өзіңнің мектебіңе, балалар менің досым болады, біз мектепке бармаймыз аналарымыз, әжеміз оқиды басымызды ауыртпаймыз.

1-Тәрбиеші: Қой Жалқаубек біздің балалар мектепке әзір, бүгін балабақшамен қоштасып жатыр, сен  апаңнан  қалмай жылап балабақшаға келмей жүргенде біздің балалар бәрін оқып , біліп алған кәне отыршы көресің.

Білгішбек: Апай мен балалармен ойын ойнап көрейінші балалар мектепке дайын ба:
Ойын «Кім жылдам сөз айтады»
Шарты: Ортаға әр түрлі әріптер тасталады, балалар музыка тоқтағанда әріптердің үстіне тұра қалады, сол әріпке сөз айтады.

2-Тәрбиеші : Ал Жалқаубек қалай екен біздің балалар?
 Олай болса менде ойынды жалғастырғым келіп тұр «Портфель» ойынын ойнайық.

Жалқаубек: Ой балалар енді менде жалқау болмаймын сендермен мектепке баруға дайындалайын?
2-Тәрбиеші: ББілгішбек саған көп рахмет.Жалқаубекті дұрыс жолға салдың балалардың өнерін ары қарай тамашала.

1-Тәрбиеші: Рахмет  көп- көп
                      Балаларымыз көңілді
                       Шақырамыз ортаға
                      Тойымызға сән беріп
                       Би билейік тамаша
Кешіміздің одан әрі жалғасын биге берейік

Би: «Жалқаубек»

2-Тәрбиеші: - Балалар біз мектепке не үшін барамыз?
1-    бала. - оқып білім алу үшін
2-    бала: - еліме еңбек ету үшін
3-    бала: Білімді азамат болу үшін
4-    бала: Ер жетіп Отанымды қорғау үшін

1-Тәрбиеші: Талаптарыңа нұр жаусын! Өте жақсы балалар екенсіңдер, біздің елбасымыз Н. Ә. Назарбаев өз жолдауында «Білім беруді балабақшадан бастау керек» деп атап кеткен болатын, әрине осы сөз текке айтылмаған, мінекей Елбасымыздың қолдауымен жасаған «Балапан» бағдарламасы арқасында сендер мектеп табалдырығын нық аттап бара жатырсыңдар.

Тәрбиеші: Ән мен күйді төгілтіп

Інжу маржан шашайық

Қонақтарды тамсандырып

Өнерден шашу шашайық

Ән: «Көңілді күн»

2-Тәрбиеші:Айтысты сіздер көріңіз

Өнерге баға беріңіз.Бекзат пен Аянаны қошеметпен ортаға шақырамыз.