қосудың ауыстырымдылық қасиеті

Сабақ тақырыбы:

Қосудың ауыстырымдылық қасиеті

Мектеп: №262 мектеп-гимназия

Күні :21.11.2018ж

Мұғалімнің есімі: Исабаева А.Ж

СЫНЫП: 1 «В» сынып

Қатысқандар саны:

Қатыспағандар саны:

Оқу мақсаты:

қосудың ауыстырымдылық қасиетін; 0 және 1-дің қасиетін қолданады;

бір таңбалы сандарды ондықтан аттамай қосу кестесін біледі, құрады және қолданады.

Барлық оқушылар:

Оқушылардың басым бөлігі:

Кейбір оқушылар:

Ресурстар:

Сандар, а3 қағаз, плакаттар, қима қағаздар, жеміс суреттері

Тірек сөздер

Қосудың ауыстырымдылық қасиеті

Сабақтың мақсаты:

Оқушылардың мысалдарды тиімді әдіспен есептеуге болатыны туралы ұғымын қалыптастыру, қосудың ауыстырымдылық қасиетімен таныстыру, тиімді әдіспен есептеуде ауыстырымдылық қасиетін қолдануға дағдыландыру.

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

Психологиялық ахуал

Соғылды міне, қоңырау

Біз сабақты бастаймыз

Партамызға отырып

Табыс тілеп өзгеге

Жаңа білім алуға

Алға қадам тастаймыз!

Оқушыларды оқу мақсатынан хабардар ету.

• қосудың ауыстырымдылық қасиетімен таныстыру,

• тиімді әдіспен есептеуде ауыстырымдылық қасиетін қолдануға дағдыландыру

Оқушылар қайталап айтады

Сабақтың басы

Сабақтың ортасы

Бағалау парағын таратып қою, топ басшылары бағалайды. Оқушыларға дөңгелетіп сандарды алдарына жапсырып беру. Әр бала реттік санымен бағалайды.

Сабақты 1-10 дейінгі сандарды суретін іліп барлығы айтып шығады бірге санап.

Қосу мен азайтуды, сандық сәуле мен қосу кестесін қолдану арқылы мысалдарды шығаруды меңгергендері үшін оқушыларды мадақтау.

Қолыма 3 қызыл алма және 4 сары алма алып екеуін қосып, тақтаға жазып тұрып түсіндіремін. Математикалық тілде сөйлету, 1-ші қосылғыш – 3, 2-ші қосылғыш – 4, қосындының мәні – 7.

Ережені айтып, оқушыларға қайталату.

«Қосудың ауыстырымдылық қасиеті: қосылғыштардың орнын ауыстырса, қосындының мәні өзгермейді».

Топтық жұмыс. Жемістер теру

Топтың ережесін еске түсіру.

1-топ: А3 плакатка 3 клубниканың және 4 алма суреті

жапсырып, астына кестеге жазу (әр топтан бір оқушы шығып, біздің топтың шешімі бойынша жауабы барлық жемістердің саны 7 болды).

2-топ: 4 алмұрт және 5 банан суреті беріледі

3-топ: 6 шие және 2 алма

4-топ: 5 өрік және 3 киви

Әр топтың жұмысын тақтаға іліп. Оқушы шығып кезекпен таныстырады. Әр топ мүшелері таныстырып айтқаннан кейін, топтарға ережелерді айтқызу хормен.

Топты келесі топтар бағалайды.

Топ басшыларына топ мүшелерін бағалату

Сандар суреттері

Сандық сәуле

3 қызыл алма, 3 сары алма

А3 плакат, суреттер, маркерлер

Смайликтер

Сергіту сәті

Оң қолымда бес саусақ

Сол қолымда бес саусақ

Беске бесті қосқанда

Болады екен 10 саусақ

Бір қадам алға басамыз

Алақанмен соқ-соқ,

Бір қадам артқа басамыз

Аяқппенен топ-топ

Сергіп болсақ, тапсырмаларды жалғастырамыз.

Сергіту сәті жинақтары

Қызықты тапсырма

*Келесі тапсырмамыз. Шығарып көр. Жұптық жұмыс

Тапсырма барысында оқушы толық емес кестені пайдаланып, мысал шығаруға дағдыланады. Оқушылар қажетті қосындының мәнін тауып, жаза алады. Сосын топ мүшелері бір бірелерін тексереді. Сосын мұғалім оқиды сонымен тексеріп, қателерін түзетеді.

- Мұғалім жауабын оқиды, оқушы тексереді.

- Саған тез шығаруға қосудың қай қасиеті көмектесті?

- Оқушының жауабы:

- қосудың ауыстырымдылық қасиетіне байланысты.

- Өте жақсы! –Жарайсыңдар!

Қосылғыштардың орнын ауыстырып, қосудың ауыстырымдылық қасиетін тап.

Дәпетермен жұмыс. Жұмыс дәптері

А5 қағаз қималары, есептер сәйкестендіріп жазу.

Сабақтың соңы Аяқталуы

Қосудың ауыстырымдылық қасиетін қолдануды ойын арқылы бекіту. Ол үшін оқушыларды топтарға бөліңіз. Топтағы қыздар мен ұлдар санын көрсету арқылы қосудың ауыстырымдылық заңын қолдануын сұраңыз. Ойын барысында оқушылар орындарымен ауыса отырып, саны өзгермейтініне көз жеткізеді.

Қалыптастырушы бағалау (ҚБ)

Бүгінгі сабақты бағдаршам әдісі арқылы бағалаймыз

Жасыл түс – бәрін түсіндім

Сары түс – шамалы түсіндім

Қызыл түс – ештеңе түсінбедім

Топ мүшелері

Бағдаршам суреті және дөңгелек түстер