"Қоян" саусақ ойыны

Тақырыбы: Саусақ ойыны: «Қоян».

Мақсаты:

Білімділік: Саусақ ойынын түсіндіре отырып көрсету.

Дамытушылық: Тілін дамыту, қол-саусақ моторикасын жетілдіру, зейінін дамыту.

Тәрбиелік: Ұқыптылыққа, шапшандыққа тәрбиелеу.

Әдісі: ойын түрінде.

Көрнекілік: Қолға кигізілетін қоян, доп, қоянның бөліктері.

Барысы:

I.Ұйымдастыру кезеңі.

Баламен амандасып, сабаққа назарын аудару.

Шаттық шеңбері. Сәлем менің көздерім!

Сәлем менің құлақтарым!

Сәлем менің қолдарым!

Сәлем менің аяқтарым!

Сәлем досым!

II.Негізгі бөлім.

1.Қолын алып сипау, уқалау, діріл арқылы жаттығу жасау (массажды доппен жасату)

Ұқын құлақ, сұр қоян,

Естіп қалып сыбдырды.

Ойлы-қырлы жерлермен,

Ытқып-ытқып жүгірді.

2.Саусақ ойыны: «Қоян».

Жұдырықты түйіп, сұқ саусақ пен ортаңғы саусақты жоғары көтеріп ұштарын сәл бүгеміз.

Қоян, қоян тұршы

Беті-қолыңды жушы

Айнаға қарашы,

Шашыңды тарашы.

(ойын жолдарындағы қимылдарды қайталату)

3.Сергіту сәті:

Оң қолымда бес саусақ,

Сол қолымда бес саусақ.

Қосып едім барлығын,

Болып шықты он саусақ.

4.Д/о: «Бөліктен құра».

Мақсаты: ұсақ моториканы дамыту, шапшандыққа баулу.

Ойынның шарты: Бөліктерден қоянды құрап көрсетіп, балаға қайталату.

III. Қорытынды.

Сабақты қорытындылап баланы мадақтау.