«Құқық пен заң» атты интеллектуалдық сайыс.

«Құқық пен заң» атты интеллектуалдық сайыс.

Оқушылардың құқықтық санасын қалыптастырып, дамытуда сыныптан тыс құқықтық тәрбие берудің маңызы ерекше. Мектеп бойынша құқықтық тәрбие беруде жүргізілетін шаралар оқушылардың ҚР заңдары туралы білімдерін кеңейтуге және тереңдетуге, олардың құқықтық санасын қалыптастыруға, өз міндеттерін дұрыс қарауына, заңдарды сақтауға бағытталған. Барлық заңдардың бастауы, қайнар көзі болып саналатын Ата Заңымыздың әлеуеті әлі де мол. Осы орайда мектебімізде 9-10 сынып арасында «Құқық пен заң» атты интелектуалдық сайысы өткізілді. Сайыс 5 кезеңнен тұрды. Әр кезең бойынша оқушыларға түрлі сұрақтар қойылып, түрлі ойындар ойнатылды. Сондай-ақ, суреттер, мультфильмдер арқылы жасырылған құқықты анықтап, оның күнделікті сақталуы, орындалуы туралы пікірлерімен бөлісті. Оқушылар  «Заң адамды бағындырады, Заңды ақыл бағындырады», «Міндетсіз құқық жоқ, құқықсыз міндет жоқ» деген қанатты сөздерді талдап, өз  көзқарастарын білдірді.  Екі сынып оқушылары «Құқық пен заң» тақырыбында осы ойдың өзектілігі туралы пікірлерін білдіріп, қажеттілігін фактілермен дәлелдеп, Конвенция, заңдардан  берілген баптарды қайта қалпына келтіру тапсырмасын асқан зеректікпен орындап берді. Сайыс соңында әділқазылар алқасы әділ бағаларын беріп, нәтижесінде 10 сынып оқушылары «Ақиқат» тобы жүлделі І орынды иеленіп, 9-сынып «Конститутция» тобы «Алғыс хатпен» марапатталды.

«Ә.Боранбаев атындағы жалпы білім беретін орта мектебі» КММ

Әлеуметтік педагог Әбдікова Әсем Серікқызы

2019ж