Сабақтың тақырыбы: «Құрақты қаламсап қабын тігу»

Сабақтың мақсаты: Құрақ туралы оқушылардың түсінігін арттыру. Тұтыну

заттарында немесе бұйымдарында қалай пайдалану керектігін

үйрету. Құрақ түрлерін тігуді үйрету.

Білімділік: Мата қиындыларынан құрақты қаламсап қабын тігу ретімен таныстырып,

құрақ қиындыларын әзірлеуді, мата түстерін таңдай білуді, дайын үлгіні

пайдаланып қиюды, дұрыс біріктіріп үйрету.

Дамытушылық: Оқушылардың шығармашылық қабілетін дамытып, сабаққа

қызығушылығын және өздігінен ойлау қабілеттерін арттыру.

Тәрбиелік: Халқының өнерін, салт-дәстүрін бағалай білуге, әсемдікке, ұқыптылыққа,

төзімділікке, шыдамдылыққа, үнемділікке, төзімділік пен сабырлылыққа,

тазалық пен әсемділікке баулу. Құрақ құрау өнері арқылы эстетикалық ойлау

қабілеті терең дамыған, жан дүниесін бай, ой өрісі кең тұлға тәрбиелеу.

Сабақтың түрі: білім мен іскерлікті игеру.

Сабақтың типі: аралас

Сабақтың әдісі: Интерактивті тақтамен жұмыс сұрақ – жауап, сарамандық жұмыс

Көрнекілігі: нұсқау картасы, лекала, құрақ үлгілер, құрақ көрпеше.

Қажетті құралдар: сызғыш, қарындаштар, мата қиындылары, дәптер, қайшы, ине, жіп.

Пәнаралық байланыс: тарих, сызу, бейнелеу өнері, математика.
Сабақтың барысы:

І. Ұйымдастыру бөлімі.

- амандасу, түгендеу

- сынып тазалығын тексеріп, оқушыларды сабаққа даярлау.

ІІ. Өткен тақырыпты пысықтау:

1. Құрақтың қандай түрлерін білесіңдер?

2. Майда құрақтардан қандай бұйымдар тігуге болады?

3. Тігіс түрлерін ата?

4. Қандай мата түрлерін білесіңдер?

ІІІ. Жаңа сабақ.
Құрақ құрау ертеден келе жатқан қолөнердің бір түрі. Құрақ құрау әдісі көшпенді халық арасында осыдан 2500 - 3000 жылдар бұрын дамып тарады. Құрақ «құрау» деген сөзден алынған. Құрақ өнері белгілі бір наным - сенім негізінде пайда болуы да мүмкін. Әжелеріміз садақаларда жыртыстан түскен мата қалдықтарын қалдырмай, іске жаратып отырған. Жаман рухтан қорғау үшін – жаңа туған сәбиге көйлекті қырық құрақтан тігетін, ал ересек балаларға қырық құрақтан шапандар мен тақиялар дайындайтын. Орыс тілінде құрақ құрау өнері «Лоскутное шитье» деп аталады. Ағылшын тілінде құрақ құрау өнері «Pachwork» деп аталады. Жапон халқында құрақ «сашико» деп аталады. Қазіргі кезде құрақ көрпе қолданыстан шыққан жоқ. Оны диванға, орындыққа, төсеніш ретінде пайдаланып жүр. Құраққа қойылатын талап біреу - ол мата бөлшектерінің симметриялы болуы және түстерінің үйлесімді орналасуы. Шеберлер геометрияны оқымаса да бір бөлігін 5 - 6 рет қайталау арқылы үшбұрыш, төртбұрыш, алтыбұрыш, ромб формаларының әдемі үйлесімін тауып құрастырған. Құрақ сұлулығы түсіне қарай және әрбір түс белгілі бір тәртіппен кездесіп отырса өрнек сұлулана түседі, ал ретсіз орналасса солғынданады.
Құрақтан тігілген тұрмыста қолданылатын бұйымдар: көрпеше, төсеніш, сырмақ, жастыққап, қоржын, түрлі кәдесыйлар.
Құрақ құрауға пайдаланылатын геометрикалық формадағы қиындылар: ромб, тіктөртбұрыш, трапеция, шаршы, үшбұрыш. Құрақ түрлерін слайд бойынша көрсету.
ІҮ. Сарамандық жұмыс

Нұсқау картасы

Ү. Сергіту сәті

Мақал мәтелдер
1. Жеті рет өлшеп ------------------(бір рет піш)
2. Көз қорқақ ------------------------(қол батыр)
3. Өнер көзі -------------------------(халықта)
4. Ата көрген ------------------------(оқ жонар)
Шеше көрген ---------------------(тон пішер)
5. Қыз еркем --------------------------(кестесімен көркем)
6. Кестенің сыры ---------------------(түрінде)
Кілемнің сыры ---------------------(түгінде)

ІV. Жаңа сабақты бекіту

Сөзжұмбақ шешу (қаламсап қабы)

Құрақ түрі – 1,4,8,9 (тырна қатар, шахмат, сегізжапырақ, аққу)

Тігіс түрі – 2,7 (қиғаш, айқас)

Мата түрі – 3,5,11 (атлас, масаты, жібек)

Түстер – 6,10,12 (сары, жасыл, қызыл)

1 11

V. Бекіту сұрақтары

1. Құрақтың қандай түрлерін білесіңдер?

2. Майда құрақтардан қандай бұйымдар тігуге болады?

3. Бүгінгі құрақты қаламсап қабын қандай тігіспен тіктің?

4. Үнемшілдікке үйренуде құрақ құраудың қандай мәні бар?

VІ. Қорытынды

Оқушылардың жұмыстарын бақылау, тексеру, бағалау
VІІ. Үйге тапсырма

Құрақты қаламсап қабын тігу