Бірінші кіші «Айналайын» тобындағы ұйымдастырылған оқу қызметінің конспектісі.

Тәрбиеші:Муканова Д.Д.

Күні: 17.01.2019ж.

Білім беру саласы: Таным. Жаратылыстану

Өтпелі тақырып: «Қыстайтын құстар»

Тақырыбы : «Құстар біздің досымыз Торғай»

Мақсаты: Балаларға дала құстары туралы түсінік беріп, оның ішінде торғаймен жақын таныстыру..

Тәрбиелік:

Оқыту: Құстарға қамқорлықпен қарауға, көмек бере білуге үйрету

Дамытушылық : Сурет бойынша тілдік қорын жетілдіру, есте сақтау қабілетін дамыту

Әдіс-тәсілдер: көрсету,түсіндіру,сұрақ жауап, әңгімелесу,ойын.

Ресурстармен қамтамасыз ету: үй құстарының суреттері торғайдың, тауық, әтеш, балапан жұмыртқаның суреті.

Сөздік жұмыс: үй жануарлары деген сөздің мағынасын ашу.

Ұйымдастырылған оқу қызметінің барысы:

1.Ұйымдастыру кезеңі.

Үнтаспа тыңдату. Үнтаспадан үй құстарының дауысын тыңдату.

2 Негізгі бөлім. -Балалар, сендер қандай құстардың дауысын тыңдадыңдар?

-Бұл құстардың дауысы екен.

-Бұл құстардың дауысы екен.

Суретпен жұмыс.

Біз құстарды екі топқа бөлеміз.

-Суретте қандай құстар бейнеленген? Үй және дала құстары

-Торғай, қарға, қарлығаш- осылардың бәрін сөзбен құстар деп атаймыз.

-Кәне, бәріміз айтайық.

-Иә, балалар, құстар- біздің досымыз. Құстардың адамдарға, табиғатқа пайдасы өте зор.

Құстар зиянкес жәндіктермен қоректенеді. Құстарға қандай қамқорлық жасаймыз? -ұя жасаймыз, су береміз, жем шашамыз

Құстардың жылы жаққа ұшуы, көктемде қайтып келуі, ұя салуы, балапан басуы туралы айтып келіп, құстардың бірі- торғайға тоқталады:

-Торғай- кең далада тіршілік ететін әнші құс. Денесі сопақша, басы дөңгелек, тұмсығы үшбұрышты, қанаты ұзы, сұрғұлт, боз түсті болып келеді.

Сергіту сәті.

Нан қиқымын шашпандар,

Жерде жатса баспандар.

Теріп алып қастерлеп,

Торғайларға тастандар.

Тыйым сөздер.

Құстың ұясын бұзба.

Құсқа тас лақтырма.

«Ұшты- ұшты» ойыны.

Шарты: Тәрбиеші: «Ұшты- ұшты»,- деп айтса, балалар қолдарын жоғары көтереді, ал «Ұшты- ұшты»,- деп заттың аты айтса, балалар қолдарын көтермеуі тиіс.

3. Қорытынды: -Балалар, құстарға қандай қамқорлық жасаймыз?

-Торғай қандай құс?