Құстар жайлы

Түркістан қаласы

«Балдырған» ясли бақшасы

«Ақжелкен» тобы

Тәрбиеші Бегентаева Ж

Білім саласы: Қатынас

Білім бөлімі: Тіл дамыту

Тақырыбы: Құстар

Мақсаты: Құстар туралы түсінік беру.

Құстарға қамқорлықпен қарауға және еңбексүйгіштікке баулу.

Есте сақтау қабілетін, тілін дамыту.

Әдіс-тәсілі: Әңгімелеу, сұрақ-жауап, түсіндіру.

Көрнекілігі: Құстардың суреті, слайд, ойыншық құстар.

Ұйымдастырушы

Ізденуші. Балалар қазір жылдың қай мезгілі?

Күз мезгілінде құстар қай жаққа ұшып кетеді?

Балалар құстар екіге бөлінеді, үй құстары және дала құстары. Үй құстарына қаз, үйрек, тауық, әтеш ал дала құстарына қарға, торғай, сауысқан т.б. жатады. Экранға назар аударайық, қандай құстарды көріп тұрсыңдар? Құстардың аяғы, көзі, қанаты нешеу болады? Құстардың қауырсындарының түсі бірдей болады ма?

Ағашта қанша торғай отыр?

Екі қарға, бір сауысқан ұшып келіп қосылды. Құстар саны нешеу болды? Екі торғай қайта ұшып кетсе қанша құс қалады?

Құстардың тұмсығы не үшін керек? Қанаты ше?

Суретпен жұмыс.Балалар суретке қарап әңгіме құрастырайық.

Балалар күн суық кезде құстарға қандай қамқорлық жасаймыз? Балалар құстарға арналған өлең шумақтарын айтайықшы. Жарайсыңдар балалар сендер мақтауға лайықсыңдар. Мен сендерге жұмбақ жасырайын.

Бұрап қойған сағаттай

Оятады таң атпай.

(Әтеш)

Сергіту сәті: Біз қамқоршы баламыз,

Құстарға ұя саламыз.

Жем, су беріп, қыс бойы,

Балапанын бағамыз.

Ойын: «Бұл қай құс?»

Мақсаты: Балалардың есте сақтау қабілетін арттыру, тез ойлауға, шапшаңдыққа тәрбиелеу.

Шарты: Теледидардан құсты көрсету арқылы құстың атын атап, қимылын және дыбысын балалар салу қажет.

Жетекші жөндеуші: Балалар құстар жайлы мәлімет ала отырып, сурет бойынша әңгіме құра алады.

Күтілетін нәтиже: Құстарға қамқор болу қажеттілігін біледі.