Құзіреттілікке бағытталған оқыту – сапалы білім кепілі

Қазіргі қоғамның қарқынды дамуы білім беру жүйесіне де жаңа талаптар қойып отыр. Бүгінгі оқушы тек білімді меңгеруші ғана емес, оны өмірде қолдана алатын, өз ойын еркін жеткізетін, шешім қабылдай білетін тұлға болуы тиіс. Осы тұрғыдан алғанда, құзіреттілікке бағытталған оқыту – сапалы білім берудің негізгі кепілі болып табылады. Әрбір бала өз ойын жеткере алады.

Құзіреттілікке бағытталған оқыту – оқушының алған білімін тәжірибеде пайдалануына, жеке қабілеттерін дамытуына, функционалдық сауаттылығын арттыруға бағытталған үдеріс. Бұл оқытуда білім дайын күйінде берілмей, оқушының өз бетімен ізденуіне, ойлауына, талдау жасауына мүмкіндік жасалады. Мұндай тәсіл оқушыны өмірлік жағдаяттарға бейімдейді. Оқушыны өмірге бейімдейді.

Бұл оқыту жүйесінің басты мақсаты – білімді меңгерген емес, құзіретті тұлға қалыптастыру. Құзіретті тұлға өз білімін күнделікті өмірде қолдана алады, ақпаратты талдайды, топпен жұмыс істейді, жауапкершілік алады және өз көзқарасын дәлелдей біледі. Мұғалім бұл жағдайда бағыттаушы, кеңесші рөлін атқарады.

Құзіреттілікке бағытталған оқытуда түрлі белсенді әдіс-тәсілдер кеңінен қолданылады. Атап айтқанда, топтық жұмыс, жобалау әдісі, зерттеу жұмыстары, проблемалық сұрақтар, пікірталас, ойын технологиялары оқушының қызығушылығын арттырып, шығармашылық қабілетін дамытады. Сонымен қатар, критериалды бағалау жүйесі арқылы оқушы өз деңгейін анықтап, өзін-өзі бағалауға үйренеді.

Әсіресе бастауыш сыныпта құзіреттілікке бағытталған оқытудың маңызы зор. Бұл кезеңде оқушының оқу дағдысы, ойлау қабілеті, қарым-қатынас мәдениеті қалыптасады. Оқушының сабаққа деген қызығушылығы артып, өзіне деген сенімі нығаяды.

Қорытындылай келе, құзіреттілікке бағытталған оқыту – заман талабына сай білім берудің тиімді жолы. Ол оқушының жан-жақты дамуына, сапалы білім алуына, болашақта қоғамда өз орнын таба алатын тұлға болып қалыптасуына ықпал етеді. Сондықтан әрбір ұстаз оқыту үдерісінде құзіреттілікке бағытталған тәсілдерді тиімді қолдануы қажет. Сапалы білім – ел болашағының берік негізі.