"Қуана біл, шаттана!" тренинг-жаттығулар 1 сынып

Тақырыбы: «Қуана біл, шаттана!»

Мақсаты:Оқушылардың психологиялық көңіл-күйлерін көтеру, өздеріне құрметпен қарау,сыйластық қарым-қатынас орнату.

Сабақтың түрі: тренинг сабақ

Психолог сөзі:-Сәлеметсіздер ме, оқушылар.Бүгінгі «Қуана біл, шаттана!» атты тернинг сабағына қош келдіңіздер.Сабақты бастамас бұрын тренинг ережесімен танысайық.

І.Тренинг ережелерін айту.

ІІ. Шаттық шеңбері.

1. Танысу, сәлемдесу тренингі.

Нұсқау:-Балалар, бәріміз ортаға шығып, жылылық шеңберін құрайық. Қазір барлығымыз өз есіміздің бас әрпінен басталатын жылы, жақсы сөздерді есімімізге қоса айтып танысамыз.

2. Бүгінгі күніміз көңілді әрі жарасымды аяқталуы үшін өмімізге жақсылық және көтеріңкі көңіл тілейік.

ІІІ.Ойын-жаттығулар

1.«Сәлем! Сәлем! Сәлем!» ойыны

Нұсқау:Топ мүшелері, арқасымен шеңбер жасап тұрады да, жайлап өз-өздерін айналады.Жүргізуші қасындағы қатысушыға өзі бүгін естігісі келетін сәлемдесу түрін қасындағы келесі қатысуға сыбырмен айтуы тиіс.Тапсырма жүргізушіге қайтып келгенше жалғасады. Келесі қатысушылар да өз сәлемдерін араға 2-3 адам салып жіберіп отырады.

Талқылау:

-Өз сәлемдемеңізді қайтып алғанда қандай күйде болдыңыз?

-Жіберген сәлемдемеңіз сол күйінде қайтты ма?

-Олардың өзгеріске ұшырауына қандай әсер болды деп ойлайсыз?

-Ақпарат өзгеріске ұшырамай қайтуы үшін не әрекет жасауға болады?

2. «Атом және молекула » ойын-жаттығу

Нұсқау:Ойынға қатысушылар бір бірінің ұқсастықтарын ізеп араласып жүреді. Молекулалар броундық қозғалыста болады.Жүргізуші бір белгі берген кезде молекулар атомға бірігеді. Мысалы:қолмен шапалақтап атом «6» десе, оқушылар 6-дан бірігіп қалады, артық бала ойыннан шығады, осылай жалғаса береді, жеңімпаз анықталғанша.

Талқылау.

3.Жаттығу «Сыйлық»

Шарты: Оқушылар шеңбер құрып тұрады.Әр оқушы өз есімін айтады да қасындағы оқушыға сыйлығын сыйлайды.Сыйлаған сыйлықты жест,мимика арқылы көрсету керек, ал сыйлық арналған оқушы ол қандай сыйлық екенін табу және атау керек.

Талқылау:

-Сыйлығынды айтпай, жест, мимика арқылы жеткізу саған оңай болды ма?

- Сыйлық алған бала оны тауып атады ма?

-Сыйлықты табу саған қаншалықты оңай немесе қиын болды ма?

4. «Даусынан таны» жаттығуы.

Жүргізуші: Балалар айналып тұрады, басқарушы артына қарап тұрады. Бәрі әндетіп: «........, біз ормандамыз, саған «Ау» деп айғайлаймыз. Көзіңді жақсылап жауып, сені кім шақырғанын тап». Ойыншылардың біреу басқарушының атын айтып шақырады, басқарушы оның атын тауып айтады.Ойын 2-3 рет қайталанады.

Талқылау.

1. «Кірпі» ойыны.

Ойынның шарты: Оқушылардың алдында қауіп-қатер төніп тұр, соған дайын болған кірпілерге айналады. Қорғану үшін инелерін үрпитіп, дөңгеленеді. Алайда, қорқыныш сейіліп, кірпілер достарының арасында барлық қаіпке төтеп бергендей сезіну қажет. Ақырындап бір-бірінен ажырап , күн көзінің нұрына қуанады.Ойын 3 рет қайталанады.

2. «Бал аралары» ойыны.

Ойынның шарты:Балалар өз омартасында ызындайтын жабайы араларға айналады.Алайда, біреулердің омартадан бал ұрлап жатқынын сезсе, қаттырақ ызындап, ашу сезімін білдіреді. Бірақ бұл сезім болып, балалар сабырлы бола бастайды.

ІV.Қорытыныды.