Қуантамын Анамды мерекелік ертеңгілік

Тақырыбы:  «Қуантамын Анамды»

(Мереке өтетін зал әдемілеп безендірілген, балалар мерекеге дайын, әсем әуен қосылған)

Жүргізуші: 

Бәрі де, Ана,

Бір өзіңнен басталды.

Сен деп жаздым

Алғаш өлең дастанды.

Қуандым ба,

Өзің бар деп қуандым.

Жыладым ба,

Өзің жоқ деп жас тамды, - деп Қадыр ақын жырлағандай бар өмір, бар тіршілік, ең алғашқы сөзіміз де «Анадан» бастау алады.
Әрине, бұл үлкен  той,  тойларыңыз  құтты  болсын!

Бүгінгі «Айгөлек» тобының «Қуантамын Анамды»  атты  ертеңгілігімізді  ашуға  рұқсат  етіңіздер.

(Сахна  сыртында  автор сөйлеп тұрады, ортаға Бұлт келіп отырады)

Автор сөзі: Әуеде Баланың  Елі  болыпты. Онда  кішкентай, бақытты Аналар мен балалар өмір  сүріпті. Олар  күн сайын ойнайды, ән салады, би билейді және сурет  салады, оқиды  және  әлемді  таниды. Сол  әлемде дана  билеуші – үлкен «Бұлт»  билік  құрады.

Сол  жердегі  балғындар  бақытты  әрі  алаңсыз  өмір  сүреді.

Бірде  мынадай  оқиға  болады.  

(Күн бұлттанып, найзағай ойнап жаңбырдың дауысы естіледі)

Жаңбыр: -О, ұлы  әрі  дана  билеуші Бұлт! 

Сен асқан  көрегенсің  және  елімізді  ақылмен  басқарып  отырсың, сен  көп  нәрсе  білесің  және  қолыңнан  көп нәрсе  келеді. Біздің елімізде  туындаған  мына  дауымызды  шешіп  берші.

Біздің  елдің  халқы, Аналар Балалық  Елінде  кім ең  бастысы әрі  маңыздысы  деп,  біздің  кішкентай  тәрбиеленушілеріміздің  тәрбиесі мен  білім  алуының  сапалы  болуы  ең  алдымен  кімге  байланысты  деп  дауласып  жатыр.

Одан да жаманы Аналар  балаларымызды  әуедегі балабақшаға  бергендеріне  күмәнмен  қарайтын  сияқты. Осылар  балаларға  не    үйретіп  жатыр  дейді.

Бұлт: (ойланып қалады) Шынында да  Балалық  Елінде  ең  бастысы  әрі  маңыздысы  кім? Балалар  не  біледі, не істеді? Одан да  балалардың  өздерінен  сұрайық. Не тұрыс!  Шақырыңдар  ортаға  балаларды? 

Халық  өзі  куә  болсын, шынайы  бағасын  берсін!

Жүргізуші: -Иә, дұрыс айтасыз билеуші, Бұлт! 

Айтқаныңыз  орындалады.

(Ортаға  балалар музыка әуенімен ұшақпен ұшып келеді)

Бұлт:-Қане балалар, сендерге білім мен тәрбиені кім беріп жатыр?

Балалар:-Анамыз және тәрбиеші апайларымыз. Апайларымыз да біздің Аналарымыз.

ӘН: «Жан Анашым»

Жүргізуші: -Міне қандай жақсы балалар, ешкімді ренжітпейді. Қане, бүгінгі Аналарымыздың мерекесіне дайындаған әнімізді, биімізді, тақпақтарымызды арнайық.

Хормен:

Келдік міне бақшаға,

Қолыма көп гүл алып.

Құттықтаймын анамды,

Шын жүректен қуанып.

Алақайлап жүрегім,

Қуанышқа толып тұр.

Анамның мерекесі,

Бүгінгі күнге келіп тұр.

Жүргізуші:   

Балабақшам   сүйікті,

Ән салдырды  билетті.

Шынықтырып  денеңді,

Шымырлыққа үйретті.

-Балалар, балабақша  сендерге  ән, би үйретіп, шынықтырып шымыр етті дейді. Сол рас па?

(Балалар жауабы тыңдалады)

Ендеше балалар біз әрқашан жадырап, еңбектеніп, Аналарымызды қуантып жүре берейік.

Ән:  «Болайықшы осындай»

Бұлт: -Қызым, қолыңа қапшықты не үшін ұстап алғансың?

Жүргізуші: -Бұл қапшықтың ішінде үлкен құпия жатыр.

Бұлт: -Бұл құпияны қалай білсек болады?

Жүргізуші: -Бұл құпияны  білу  үшін  біз  осы  қапшықпен  ойын  ойнаймыз. Сол кезде  не бар екенін білесіздер.

Балалар, бізбен бірге ойын  ойнағыларың келе ме?

Ойын: «Көңілді балалар»

Қажетті құралдар: Қапшық, түрлі киімдер (галстук, қалпақтар, көзілдірік, шляпа, жилетка, жануарлар атрибуты,т.б)

Ойын шарты: 

Музыка ойналады. Балалар билеп жүреді. Тәрбиеші  қолындағы  қапшықты бір балаға  береді, ол келесі балаға беру керек. Музыка тоқтағанда  қапшық  кімнің  қолында  қалса, сол бала қапшықтан  көзін  жұмып бір киімді  алып  кию керек. Барлық бала киініп болғанша, ойын жалғасады. Тәрбиеші  балаларға  қандай әдемі  болдыңдар. Сендер  қай киімді  қалай  киінуді өте жақсы меңгерген  екенсіңдер.

Енді қалай шешінетіндеріңді байқайық. Мен беске дейін санаймын. Киімдеріңді  шешіп, мына қапшыққа  салыңдар-деп тапсырма береді.

-Жарайсыңдар балалар, ойынды  керемет  ойнадыңдар. Өте жылдам, ұшқыр екендеріңді  көрсеттіңдер. Рахмет сендерге.

Жүргізуші:

-Балалар біз әуеге немен ұшамыз? (ұшақ, тік ұшақ)

-Өте дұрыс

-Ал, жерде қалай жүреміз? (жаяу)

-Ендеше балалар анаралымызға «Жаяу» биін билеп берейік.

Би:  «Жаяу»

(Дінмұхамед, Айқын, Темірлан, Махамбет, Санжар, Еркебұлан, Аян, Еркежан, Адема, Адина, Тасним, Таңнұр, Айша, Айша )

Ойын: «Анам қонаққа кеткенде»

Ән:  «Аяулы Анашым» 

-Балалар, сендер қандай әуе көлігінің түрлерін білесіңдер?

-Дұрыс балалар.

-Ендеше біздің қыздарымыз сіздерге би билеп берсін?

Би: «Стюардесса» (барлық қыздар)

Жүргізуші: -Уа Бұлт, бұл балалар қандай білімді, тәртіпті еді.

Бұлт: -Дұрыс  айтасың,  бұл балалардың  Аналарына жасаған себеттерін алып келші, мейіріммен Аналарына табыстасын.

(Балалар тақпақтарын айтып, аналарына өздері жасаған себеттерін ұсынады)