ҚЫС

Ұйымдастырылған оқу қызметінің конспектісі. Білім беру саласы: «Қатынас» Бөлімі: Сөйлеуді дамыту.

Мақсаты: Дыбысқа еліктеу сөздерін қолданып,дауысты дыбыстарды дұрыс айтқызып үйрету.Айналадағы сөзді есту және тыңдау,түрлі дыбыстарды саралау,дыбыстың қаттылығы мен айтылу жылдамдылығын ажырата білуді үйрету.Эстетикалық талғамдарын ояту.

Алдын-ала жүргізілетін жұмыстар: Суреттермен таныстыру. Әдіс -тәсілдер: Сөздік, көрнекілік, ойын. Үштілділік компонент: қыс-зима – winter Тәрбиеші ұйымдастырылған оқу қызметін жұмбақтан бастайды.

Жұмбақ:

Қоймасын қыс ақтарып,

Жерді жапты ақ мамық

-Балалар қазыр жылдың қай мезгілі?

-Қыс мезгілінде не жауады?

-Қардың түсі қандай?

Өлең оқу: «Ақшақар»

Далада қар борайды,

Ақ мамыққа орайды.

Мұз болып қатады,

Жып жылтыр боп жатады.

-Балалар қар қандай болады?

-Балалар аязды күні қарды басып жүрсең қандай дыбыс шығады?

-Қыста қандай ойындар ойналады?

-Иә тағы қандай қысқы ойындарды білесіңдер?

(тәрбиеші қолында қыс мезгіліне байланысты суреттер болады)

-Балалар қар күн жылынса не істейді?

-Күн кенеттен аяз болса еріген су неге айналады?

«М»; «Н» дыбыстарына жаттығу орындату;

М-м-м-мұз,

Ма-ма-ма-марал.

На-на-на-нар,

Н-н-н-нар.

-«Мұз» сөзінде алғашқы қандай дыбыс естіп тұрсыңдар?

-Ал «нар» сөзінде қандай дыбыс естіп тұрсыңдар?

«М»; «Н» дыбыстары дауыссыз дыбыстар.

Сергіту жаттығуы:

Ал, балалар, келіңдер,

Бой жазайық бәріміз.

Мойнымызды бұрамыз,

Қолымызды созамыз,

Аяқтармен топ-топ басып,

Орнымызға барамыз. Тапсырма:

-Балалар тапсырмаға көңіл бөлейік! Ненің суретін көріп тұрсыңдар?

-Аққаланың суретінде не жетіспейді?

-Олай болса балалар осы жетіспеген суретін салып шығыңдар.

-Қай жыл мезгілі туралы әңгімелестік? - Қандай тапсырма орындадық?

Ұйымдастырылған оқу іс әрекетіне белсене қатысқан балаларды мадақтау.