Іс – әрекет барысы

Сабақ барысы

Ұйымдастыру кезеңі

Негізгі бөлім

Қорытындылау кезеңі

• Баламен сәлемдесу.

• Көңіл-күйін, ауа-райын, жыл мезгілін, ай аттарын сұрау.

• Сұрақ-жауап арқылы баланың қызығушылығын оятып, назарын сабаққа аудару.

ІІ Өткен сабақ:

• Сұрақ-жауап әдісі арқылы өткен тақырыпты еске түсіру.

• Үйге берілген тапсырманы тексеру.

ІІІ Жаңа сабақ:

• Жаңа тақырыпты жариялау.

• Жаңа тақырыпқа байланысты көрнекі құралдармен жұмыс

• Дидактикалық ойындар

«Қысқа байланысты заттарды боя»

Мақсаты: Сөздік қорын молайту, танымдық іс-әрекеттерді дамыту.

Барысы: Балаға тақырыптық сурет беріледі, тақырыпқа байланысты заттарды табады.

«Түстерімен боя»

Мақсаты:Ұсақ қол моторикасын және зейін бөлінісін дамыту.

Барысы: Балаға аққала мен шыршаның суреті салынған шаблон беріледі. Бала әрбір бөлігін өз түсімен бояйды.

«Аязда»

Мақсаты: Баланың ойлау және логикалық ойлауын дамыту.

Барысы: Берілген шаблонда лабиринт бейнеленген. Лабиринттен шығу жолын табу керек.

«Айырмашылығын тап»

Мақсаты: Баланың ойлау және логикалық ойлауын, зейін бөлінісін дамыту.

Барысы: Бірдей екі сурет беріледі. Бала сол суреттен айырмашылық табады.

«Қолғап»

Мақсаты: Баланың ойлау және логикалық ойлауын, зейін бөлінісін, есте сақтауын дамыту.

Барысы: Қолғаптың ішінде боялмаған пішіндер бар, бала сол пішіндерді өз түстерімен бояп, қолғапты безендіреді.

«Байланыстыр»

Мақсаты: Баланың танымдық қабілеттерін дамыту .

Барысы: Балаға бірнеше аққала беріледі. Бірдей екі аққаланы бір-бірімен байланыстырады.

• Қимыл-қозғалыс ойыны

«Кел ойнаймыз»

Мақсаты: Еңбектеу арқылы баланың жалпы психикалық дамуына және мидың жұмыс жасауына ықпал ету.

Барысы: Маман өзі бастап баланы еңбектеткізіп үйретеді. Еңбектеп бір-бірін қуалап ойнауға болады.

«Доп ойнайық»

Мақсаты: Доппен ойнау арқылы баланы сөйлеуге тарту, сөздерді атау арқылы сөздік қорын молайту.

Барысы: Балансирге баланы тұрғызып допты лақтыра отырып маман екеуі кезек тақырыпқа байланысты сөздерді атайды.

• Дамытушы ойыншықтармен және дамытушы

планшеттермен жұмыс.

ІV Нейропсихологиялық жаттығу

Мақсаты: Мидың екі жарты шарының дамуына ықпал ету.

Үлгі бойынша орындау қажет

V Сабақты қорытындылау:

• Сұрақ-жауап арқылы сабақты қорытындылау

- Қандай тапсырмалар орындадық?

- Бүгінгі сабақ саған ұнады ма?

• Баланы мадақтау

VІІ. Үйге тапсырма

• Дәптермен жұмыс

• Тақпақ жаттау

Көңілді қыс!

Балалар шықты далаға,

Ойнап, күліп жүр енді.

Шаналармен озады,

Аққаланы соғады.