Қыс мезгілі

МКҚК № 43 “Батыр” бөбекжайы

Ортаңғы топтағы психикалық дамуы тежелген (ПДТ) балаларды қоршаған ортамен таныстыру.

Ұйымдастырылған іс-әрекет тақырыбы: Кыс мезгілі

Дайындаған: Дефектолог Рахымова С.С

Ақтау қаласы 2025 ж

Тақырыбы: Кыс мезгілі

Ортаңғы топтағы психикалық дамуы тежелген (ПДТ) балаларды қыс мезгілімен таныстыру.

Мақсаты:

• Тақырып бойынша сөздік қорын қалыптастыру

• Кыс туралы түсінігін кеңейту

• Тәулік бөліктерін бекіту: Күн, түн

Дефектолог балалардан сұрайды:

• Жылдың қай мезгілі? (Қыс мезгілі)

• Неліктен қыс деп ойлайсыздар? (Өйткені далада қар)

• Қар ерімейді, демек, сыртта...(суық).

• Неліктен далада суық? (Күн қыздырмайды. – Егер балалар жауап беруге қиналса, күннің суреті көрсетіледі.)

Дефектолог терезелерді жауып, шамды сөндіріп, сұрайды:

• Қазір топта жарық па, әлде қараңғы ма? (Қараңғы.)

• Неліктен топта қараңғы болып кетті? (Шамды сөндірдік.)

• Жарық болу үшін не істеу керек? (Шамды жағу керек.)

• Бөлмені не жарықтандырады? (Шамдар.)

• Ал жерді не жарықтандырады? (Күн. – күннің суреті көрсетіледі.)

• Қазір сыртта жарық па, қараңғы ма? (Жарық.)

Дефектолог қорытынды жасайды: «Қыста күн жарық түсіреді, бірақ жылытпайды.»
Одан кейін екі жолақ көрсетеді: ұзын қара және қысқа сары жолақ.

• Бұл жолақтардың бірі түнді, екіншісі күнді білдіреді. Қалай ойлайсыңдар, қайсысы түнді білдіреді? (Қара жолақ.)

• Демек, сары жолақ... (Күнді білдіреді.)

• Күнді неге сары жолақпен белгіледік деп ойлайсыңдар? (оны күнге жақындатады.) Себебі жолақтың түсі күнмен бірдей.)

Дефектолог қорытынды жасайды:
«Қыста күн суық болады, өйткені күн жарық түсіргенімен, жылытпайды және аз уақыт қана көрінеді.»

• Осы жолақтардың ұзындығын салыстырыңдар. Қай жолақ ұзын (қысқа)?

Сергіту сәті

Шығады аспаннан – күн (күннің шашақтарын саусақтарымен көрсетеді)

Әдемі жұлдызды – түн (алақанын жоғары көтеріп, айналдыру)

Жауады қыста – қар (екі қолымен қарды жасау)

Балалар ойнап – мәз (қолындағы қарды бір-біріне лақтырады)

Әңгімені жалғастыру

• Өткен сабақта біз топқа әкелінген қарды бақыладық. Неліктен қар еріп кетті? (Топта жылы.)

• Ал неге сырттағы қар ерімейді? (Дала суық)

• Неліктен сыртта суық? (Күн жылытпайды.)

• Күн жылытпайды және аз... (жарық түсіреді.)

Ойын жаттығуы: «Сөйлемді аяқта»

Балаларға қыстың белгілері бейнеленген суреттерді көрсетіп, сөйлем құрастыруды ұсынады. Дефектолог сөйлемдерді бастайды, ал балалар оларды аяқтайды:

• Бұл суретте бейнеленген... (қыс).

• Барлық жерде... (қар жатыр).

• Қыста күн... (жылытпайды).

• Түн... (ұзақ), ал күн... (қысқа).

• Ағаштар... (жапырақсыз, жалаңаш).

Қорытынды бөлім

Ұйымдастырылған оқу қызметінде өтілген материалды жинақтап, қорытындылайды.