Қысқа мерзімді жоспар Жануарлардың қандай түрлері болады? 1 сынып

Пән: Жаратылыстану

Ұзақ мерзімді жоспар бөлімі: Тірі табиғат Мектеп: № 211 мектеп

Күні : Пән мұғалімі: Еспенбетова Зағира

Сынып: 1 Қатысқандар саны:

Қатыспағандар саны:

Сабақ тақырыбы

Жануарлардың қандай түрлері болады?

Осы сабақта қол жеткізілетін оқу мақсаттары (оқу бағдарламасына сілтеме)

1.2.2.2 жабайы және үй жануарларын ажырату;

Сабақ мақсаттары

Барлық оқушылар орындайды:

• жануарларды тірі ағза ретінде таниды;

• өсімдіктер мен жануарлардың айырмашылығын біледі;

• кейбір жануарлардың тіршілігіне қажетті жағдайларды атайды;

Көптеген оқушылар орындайды:

• жабайы және үй жануарларын ажыратады;

• жануарларды атайды және ерекшеліктеріне қарай топтастырады;

• үй жануарларын қалай күтіп-баптау керектігін әңгімелейді;

Кейбір оқушылар орындайды:

• жабайы және үй жануарларын салыстырады, ұқсастығы мен айырмашылығын анықтайды;

• жануарлар туралы сөйлемдерді толықтырып жазады.

Бағалау критерийі

• жабайы жануарларды және үй жануарларын атайды;

• жануарларды жабайы және үй жануарларына топтайды.

Тілдік мақсаттар

Тірек сөздер: жабайы жануарлар, үй жануарлары, төл.

Талқылауға арналған сұрақтар:

• Қандай жануарларды білесіңдер?

• Жануарлар қалай көбейеді?

• Адам жануарларды не үшін асырайды?

• Жануар мен адамның арасында қандай өзара байланыс бар?

Құндылықтарды дарыту

тыңдай білу, ынтымақтастықта болу, көшбасшылыққа ынталандыру.

Пәнаралық байланыс

дүниетану, сауат ашу

АКТ-ны қолдану дағдылары

интерактивті тақтаны қолдану

Бастапқы білім

жануарлардың тірі ағза екенін біледі,кейбір жануарларды атай алады; үй жануарларын күтуді біледі.

Сабақтың жоспарлан

ған кезеңдері

Уақыты

35 мин

Сабақта жоспарланған іс-әрекет

ресурстар

Сабақтың басы

5 мин

3 мин

ҰЖ

МК

2 мин

Психологиялық дайындық

«Мен танисың ба?» ойыны

*Оқушылар шеңбер құрып тұрады. Жануарлардың суреті бар фишкалар таратылады. Музыка ырғағымен фишкалар қолдан-қолға өтеді. Музыка тоқтағанда қолындағы жануар туралы бар білетінін айтуы керек.

• Мен жабайы жануармын. Мен ұлимын.

• Сен қасқырсың.

*Осындай диалог бірнеше рет қайталанады.

• Жабайы жануарлар ішкі шеңберге кірсін.

• Ішкі шеңбердегілер сыртқы шеңбердегілермен таныссын.

• Мен қарлығашпын. Мен ұшамын. Ал сен ше?

• Мен тауықпын. Мені адам асырайды. т.с.с

Топқа бөліну

*Қолдарындағы фишкаларға қарап, 4 топқа бөлінеді.

Құстар Жәндіктер Малдар Аңдар

«В мире животных» mp3

*Оқушы жануар туралы айта алмаған жағдайда басқа оқушының көмектесуіне рұқсат беріледі.

Суреттер

Сабақтың ортасы

25 мин

Сабақтың соңы

5 мин

7 мин

ҰЖ

3 мин

6 мин

МК

3 мин

6мин

Топтық жұмыс

Әр топқа жануарлардың суреттері (ит, қасқыр, тауық, түлкі,арқар, ешкі, сиыр, құлан,құндыз, түйе, қарлығаш, мысық, кірпі, қой)таратылады. Суреттерді топтастыру үшін екі түрлі конвертке салады.

үй

орман

Кері байланыс

• Сиырды қай конвертке салдыңыздар?Неліктен?

• Адам жануарларды не үшін асырайды? Қалай асырайды?

• Орман суреті бар конверттегі жануарларды қалай атаймыз? Неліктен?

• Жабайы және үй жануарларының айырмашылығы неде деп ойлайсыздар?

* Табиғатта өз бетінше тіршілік ететін жануарларды жабайы жануарлар деп атайды. *Адамдар күтіп-баптайтын жануарлар үй жануарлары деп аталады деген қорытынды жасалады.

Бағалау

Жануарларды дұрыс топтастырғаны үшін жұлдызша беріледі.

Сен білесің бе?

• Суреттегі жануарлар туралы не айта аламыз?

• Ит жарақат алса, жарасын таңамыз немесе

дәрігерге апарамыз. Ал құндыз жарақатын өзі жалап жазады екен. Біліп жүріңіздер. Құндыз су жағасында тіршілік етеді. Ол не үшін суға ағашты құлататынын келесі сабақта біліп келіңіздер. Арқар, құлан туралы да зерттеп келіңіздер.

Сергіту сәті «Жұмбақ пазлдар»

Топтарға жануарлардың пазлдары таратылады. Музыка ойнап болғанша пазлдарды құрастырып, ақ параққа желімдейді. Әр топ өз жануарын басқа топқа жұмбақтап айтады.

Сиыр туралы

Мені адам асырайды.Мен бұзаулаймын. Мен сүт беремін. Шөп жеймін. Жылы қорада тұрамын.т.с.с

Жұптық жұмыс

*Суреттегі жануарларды төлдерімен сәйкестендіріңіз.

*Жұбыңызбен диалог орнатыңыз.

- Жылқыны не үшін асырайды?

- Жылқыны еті мен қымызы үшін асырайды.

- Сиырдың төлін не деп атайды?

- Сиырдың төлін бұзау дейді. т.с.с

Кері байланыс

• Бұл жануарларды бір сөзбен қалай атайды?

• Үй жануарлары мен адамдардың арасында қандай байланыс бар ?

Бағалау

Жақсы диалог орната білген жұптар «Жарайсың», «Бәрекелді», «Тамаша» деген сөздермен мадақталады.

ҰЖ Венн диаграммасы арқылы салыстыру (МК)

Ит Қасқыр

асыранды

жануар

жабайы

Жеке жұмыс

*Кестеге үй жануарлары мен жабайы жануарлардың нөмірлерін жазыңыз, біздің жерімізде мекендейтін жануарды қоршап сыз.Ол туралы не білетініңді айтып көр.
Үй жануарлары: 2, 4, 5, 9.

Жабайы жануарлар: 1, 3, 6, 7, 8.

ҚБ тапсырмасы

*Әр қатардағы жануарлар тобын анықтап, бос орынға сол топқа жататын жануардың суретін сал. Сол жануар туралы не білетініңді айтып көр.

Дескриптор
- суреттегі жануарлар тобын атайды;
- бірінші қатарға жабайы жануардың суретін салады;
- екінші қатарға үй жануарының суретін салады.

Рефлексия

• Бүгінгі сабақта қай тапсырма ұнады?

• Қай тапсырма қиын болды?

• Олай болса, өзімізді бағалайтын сәт те келді...

« Бағдаршам» әдісі бойынша оқушылар рефлексия жасайды.

Мен бәрін түсіндім.

Түсіндім, бірақ досымнан көмек сұрадым.

Қолымнан ештеңе келмеді.

№ 12 жұмыс парағы

Сараланған тапсырма

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Топтық жұмыс жұлдызшамен бағаланады. Жұлдызша жинау арқылы оқушылардың белсенділігі артады. Көбірек ұпай жинауға тырысады. «Бас бармақ» әдісі арқылы оқушылар бірін-бірі бағалап үйренеді, бағалауда оқушылардың ынтасы артады.

Сабақ бойынша рефлексия

Осы сабақта топтық, жұптық, жеке жұмыстар жүргізудің тиімді тұстары көп деп ойлаймын. Әр жұмыстан соң кері байланыс және бағалау жүргізіледі. Оқушы өз жұмысының нәтижесінен хабардар болып отырады. Сондай-ақ жұмысы бағаланған сайын оқуға деген ынтасы да артады. Топтық, жұптық жұмыс кезінде бала сыныптасымен диалог орнатады, қатесін түзетуге мүмкіндік алады. Оқушылар көшбасшы болуға ұмтылады.

Үй жануарлары

Жабайы жануарлар