Қысқа мерзімді жоспар

10-бөлім.

«Ғылым мен технология жетістіктері»

1-бөлімше: «Туған елге саяхат»

Мектеп: №11

Күні:

Мұғалімнің аты-жөні: Лекерова А.М.

Сынып: 5

Қатысқандар саны:

Қатыспағандар саны:

Осы сабақта қол жеткізілетін оқу мақсаттары (оқу бағдарламасына сілтеме)

5.Ж4. Эссенің кіріспе, негізгі, қорытынды бөлімдерін сақтай отырып, өзіне таныс адамды, белгілі бір мекен мен оқиғаны сипаттап не суреттеп жазу.

Сабақтың мақсаттары

Оқушылардың барлығы: Эссенің кіріспе, негізгі, қорытынды бөлімдерін сақтай отырып өзіне таныс адамды, белгілі бір мекен мен оқиғаны сипаттап не суреттеп жазады.

Оқушылардың көбі: Эссенің кіріспе, негізгі, қорытынды бөлімдерін сақтай отырып өзіне таныс адамды, белгілі бір мекен мен оқиғаны шынайы өмірмен байланыстыра сипаттап не суреттеп жазады.

Оқушылардың кейбірі: Эссенің кіріспе, негізгі, қорытынды бөлімдерін сақтай отырып, өзіне таныс адамды, белгілі бір мекен мен оқиғаны стилистикалық, пунктуациялық, грамматикалық заңдылықтарды дұрыс қолданып, шынайы өмірмен байланыстыра сипаттап не суреттеп жазады.

Тілдік мақсаттар

Оқушылар орындай алады: Эссенің кіріспе, негізгі, қорытынды бөлімдерін сақтай отырып өзіне таныс адамды, мекен мен оқиғаны сипаттап не суреттеп жазады.

Пәнге қатысты сөздік қор мен терминология: Сарыарқаның төсінде, аспанменен таласқан, табиғаты керемет, шежірелер өңірі, аңыздар мекені.

Диалог құруға (шығарма жазуға арналған пайдалы тіркестер): Менің ойымша..., себебі, т.б.

Талқылауға арналған сұрақтар: Суретте не бейнеленген? -Қазақстанның қандай қалаларына саяхаттап бардыңыздар?

-Павлодар өңірінің қай жерлеріне саяхаттадыңыздар?

Бағалау критерийлері

Тақырыпты болжайды.

Өзіне таныс адамды, белгілі бір мекен мен оқиғаны сипаттап не суреттеп жазады.

Кіріспе, негізгі, қорытынды бөлімдерін сақтай отырып, стилистикалық, пунктуациялық, грамматикалық заңдылықтарды дұрыс қолданып эссе жазады.

Құндылықтарды дарыту

Оқушыларды отансүйгіштікке тәрбиелеу.

Пәнаралық байланыс

Жаратылыстану

АКТ қолдану дағдылары

Интербелсенді тақта

Алдыңғы білім

Сюжетті суреттердің (фотосуреттер) желісі бойынша әңгіме құрастыра алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

3 м инут

Білу

Психологиялық ахуал тудыру : «Атамекен» әнінің музыкасын тыңдайды, интербелсенді тақтада ҚР-ның картасының суреті тұрады.

1-тапсырма.

Картаның суреті және жетекші сұрақтар негізінде тақырыпты болжайды, сабақтың мақсатын анықтайды.

Жетекші сұрақтар:

-Суретте не бейнеленген?

-Қазақстанның қандай қалаларына саяхаттап бардыңыздар?

-Павлодар өңірінің қай жерлеріне саяхаттадыңыздар?

Қалыптастырушы бағалау.

«Шапалақтау» әдісі арқылы бағаланады.

Сынып жеребеге «Солтүстік Қазақстан», «Оңтүстік Қазақстан», «Шығыс Қазақстан», «Батыс Қазақстан» сөздерін тарту арқылы топқа бөлінеді.

Музыка

Қазақстан Республикасы-ның картасы

Сабақтың ортасы

5 минут

Түсіну

13 минут

Қолдану

20 минут

Жинақтау

2-тапсырма.

Мәтінді түсініп оқыңыз. Сипаттамалық сызбаны толтырыңыз.

Туған елге саяхат

Қазақстан қалаларына саяхат жасауды сүйікті ісіңе айналдырғың келсе, Астанаға жол тарт. Астана саяхатшыларды Есіл өзенінен ескен қоңыр салқын самалмен, құшақ жайған кең даңғылдарымен қарсы алады. Бұл даңғылдар бойында жақында ғана салынған өте әсем ғимараттар – Президенттік мәдени орталық, Конгресс-холл, үлкен де жаңа тұрғынжайлық

ықшамаудандар сән түзеген. Саяхатшыларға, әсіресе, ұнайтыны – ертегі гүліне өте ұқсас биік Бәйтерек мұнарасы. Әрбір саяхатшы бір көруді армандайтын қала – Алматы. Іле сырты Алатауының етегіне салынған әдемі қала. Ақбас Алатау баурайында адамдар өте ертеден тұрып келеді. Оған қала аумағынан табылған сақ дәуірінің қоныстары мен обалар куә.

1929 жылдан 1998 жылға дейін Қазақстанның астанасы Алматы болған. Ол – біздің еліміздегі ең үлкен қала. Мұражайлардың, театрлар мен концерт залдарының, кітапханалардың, ғылыми- зерттеу институттарының, мектептер мен спорт кешендерінің ең көп шоғырланған қаласы – осы Алматы. Тау биігінен орын тепкен «Медеу» мұз айдынын Қазақстан аумағынан алыс жатқан ел-жұрттар да жақсы біледі. Қазақстандағы ең биік телемұнара . Ол Көктөбе төбесінен, аспанмен таласып, қаланың кез келген нүктесінен көз сүйіндіре көрініп да осында тұр.

Талас Алатауының етегінде еліміздің байырғы қорықтарының бірі – Ақсу Жабағылы бар. Бұл қорық 1926 жылы ұйымдастырылған. Мұнда тек аң-құстар ғана емес, шөптер де,гүлдер де қорғалады. Ақсу-Жабағылының эмблемасы ретінде гүл таңдап алынған. Өте сирек гүл, бұл – Грейг жауқазыны. Бұл қызғалдаққа өзін тұңғыш зерттеген ғалымның аты-жөні берілген. Қорықтың мақтанышы – алма ағаштар өскен тоғайлар. Мұнда оның 20 шақты сорты өседі. Олардың бәрі әйгілі Алматы апорты шығарылған Сиверс алма ағашының ең жақын туыстары болып табылады.

(«Қазақстан елімен сиқырлы саяхат» кітабынан)

Қабілеттілігі бар оқушылар: шынайы өмірмен байланыстырып Баянауыл өңірін сипаттап береді.

Қажеттілігі бар оқушылар: тірек сөздер негізінде өзіне таныс мекенді сипаттайды.

ТІРЕК СӨЗДЕР: Сарыарқаның төсінде, аспанменен таласқан, табиғаты керемет, шежірелер өңірі, аңыздар мекені.

Қалыптастырушы бағалау.

Қарама-қарсы отырған оқушылар өзара бағалайды.

3-тапсырма.

«Туған жерім – Баянауыл» тақырыбын әр топ 1қырын сипаттау әдісімен ашады. «ЖИГСО» әдісі арқылы бір-біріне түсіндіреді.

Т АБИҒАТ АҢЫЗДАР

Баянауыл

А ТАҚТЫ АДАМДАР ТУРИЗМ

САРАЛАУ.

Қабілеттілігі бар оқушылар: ғаламтордан өзіне керек мәліметті таба алады. Дәлелді түрде түсіндіреді. Тұжырым жасайды. Шынайы өмірмен байланыстырады.

Қажеттілігі бар оқушылар: жетекші сұрақтар арқылы тақырыпты ашады. Ғаламтордан өзіне керек мәліметті табады. Түсінеді, түсіндіреді.

Қалыптастырушы бағалау. «Сэндвич» әдісі арқылы жағымды пікір, ұсыныс, жағымды пікір білдіреді.

4-тапсырма.

« Шежірелі Баянауылға саяхат» тақырыбында эссе жазыңыз.

Жазылым құрылымдары:

САРАЛАУ.

Қажеттілігі бар оқушылар: тірек сөздер негізінде сипаттап немесе суреттеп жазады.

Қабілетті оқушылар: стилистикалық, пунктуациялық, грамматикалық заңдылықтарды дұрыс қолданып, шынайы өмірмен байланыстырады, дәлел келтіре сипаттап не суреттеп жазады.

Бақылау парағы

Қалыптастырушы бағалау: қалаған оқушы «Автор орындығына» отырып, өз эссесін оқиды. «Екі жұлдыз, 1 тілек» айтылады.

Сипаттамалық кесте

Кластер

https://massaget.kz˃sayahatty-syemin

https://bag.kz˃ Қоғам˃Туризм

Сабақтың соңы

4 минут

Бағалау

Кері байланыс:

Қ азақстанның оңтүстігіне « мен үшін жаңа ақпарат», солтүстігіне « мен үшін жаңа ақпарат емес», батысына «мені таңқалдырған ақпарат» , шығысына «зерттегісі келетін» тұстарын стикерге жазып іледі.

Мен үшін жаңа ақпарат емес

Мені таңқалдырған ақпарат Зерттегім келетін ақпарат

Мен үшін жаңа ақпарат

Қазақстан Республикасы-ның контурлы картасы.

Саралау қажеттілігі бар оқушыларға тірек сөздер мен жетекші сұрақтар беру арқылы іске асса, қабілеттілігі бар оқушыларға шынайы өмірмен байланыстырып, тұжырым жасауына материалдық ресурстар беру арқылы жағдай тудыруда іске асты.

Қалыптастырушы бағалау «Өзара бағалау», «Сэндвич», «Екі жұлдыз, бір тілек» , «Бақылау парағы» арқылы жүзеге асып, оқушыларды ынталандыру мақсатында пайдаланылды. Ал кері байланыс Қазақстан Республикасының контур картасының оңтүстігіне « мен үшін жаңа ақпарат», солтүстігіне « мен үшін жаңа ақпарат емес», батысына «мені таңқалдырған ақпарат» , шығысына «зерттегісі келетін» тұстарын стикерге жазып іледі. Кері байланыстың басты мақсаты оқушылардың тақырыпты қаншалықты меңгеруді тексеру болып табылады. Сабақтың басты жемісі – эссе. Эссені бақылау парағы арқылы сауаттылығы жағынан тексеру үшін қолданамын.

Денсаулық және қауіпсіздік техникасы сабақ барысында толық сақталған. Ақпараттық коммуникация технологиясымен жұмыс 5минуттан аспайды.

Сабақ бойынша рефлексия

Саббақ мақсаты «Эссенің кіріспе, негізгі, қорытынды бөлімдерін сақтай отырып, өзіне таныс адамды, белгілі бір мекен мен оқиғаны сипаттап не суреттеп жазу» болды, осы мақсаттың негізінде сабақ мақсаттары құрылды.

Оқушылардың барлығы: Эссенің кіріспе, негізгі, қорытынды бөлімдерін сақтай отырып өзіне таныс адамды, белгілі бір мекен мен оқиғаны сипаттап не суреттеп жазады.

Оқушылардың көбі: Эссенің кіріспе, негізгі, қорытынды бөлімдерін сақтай отырып өзіне таныс адамды, белгілі бір мекен мен оқиғаны шынайы өмірмен байланыстыра сипаттап не суреттеп жазады. Оқушылардың кейбірі: Эссенің кіріспе, негізгі, қорытынды бөлімдерін сақтай отырып, өзіне таныс адамды, белгілі бір мекен мен оқиғаны стилистикалық, пунктуациялық, грамматикалық заңдылықтарды дұрыс қолданып, шынайы өмірмен байланыстыра сипаттап не суреттеп жазады.

Жалпы мақсаттар қолжетімді. Қажеттілігі бар оқушылар оқу мақсатын толық меңгеру үшін саралау дұрыс жасалынды. Қабілеттілігі бар оқушылар оқу мақсатын меңгерумен ғана шектелмей, алған білімідерін шынайы өмірмен байланыстырып, тұжырым жасау үшін қосымша ресурстар берілді.

Жалпы бағалау

Сабақта ең жақсы өткен екі нəрсе (оқыту мен оқуға қатысты)?

1:

2:

Сабақтың бұдан да жақсы өтуіне не оң ықпал етер еді (оқыту мен оқуға қатысты)?

1:

2:

Осы сабақтың барысында мен сынып туралы немесе жекелеген оқушылардың

жетістіктері/ қиыншылықтары туралы нені анықтадым, келесі сабақтарда не нəрсеге

назар аудару қажет?