1.«Ұлпа қарларды жинау» ойыны

Мақсаты: Балаларды ептілікке, шапшаңдыққа баулу.

Ойынға қажетті құралдар: Ұлпа қарлар, қолғаптар.

Ойын шарты: Ортаға ұлпа қарлар шашылады. Екі бала шығып, қолдарына қолғап киіп ұлпаларды себетке жинайды. Кім көп және тез жинаса сол жеңіске жетеді.

2. «Шаңғышылар» ойыны

Мақсаты: Балалардың қимыл-қозғалысын дамыту.

Ойынға қажетті құралдар: Қораптан жасалған шаңғылар.

Ойын шарты: Балалар аяқтарына қораптан жасалған шаңғыларды киіп, тез мәреге дейін жету керек. Кім орнына тез оралады сол жеңімпаз атанады.

3. «Қар атыспақ» ойыны

Мақсаты: Қимыл - қозғалыс белсенділігін дамыту. Жылдамдық, ептілік, төзімділікті шыңдау, көңіл – күй, қуаныш әсерін сыйлау.

Ойынға қажетті құралдар: Мақтадан жасалған қар түйіршіктері.

Ойын шарты: Балалар бір-біріне қар атысып ойнайды.

4. «Аққала құрастыру» ойыны

Мақсаты: Балалардың қысқы ойындарға деген қызығушылығын дамыту. Достыққа тәрбиелеу.

Ойынға қажетті құралдар: сәбіз, көмір тастары, қар.

Ойын шарты: Балаларды үш топқа бөлу. Әр топтың балалары қардан дөңгелектер жасайды. Соңында қардан жасалған дөңгелектерді бірінің үстіне бірін қойып, балалар аққала құрастырады. Сәбізден мұрынын, көмірден көздерін жасайды.

5. «Қолғаптың сыңарын тап» ойыны

Мақсаты:Балаларға оң мен солды ажыратуға,түстер бойынша топтастыруға үйрету.

Ойынға қажетті құралдар: Әр түрлі қолғаптар.

Ойын шарты: Бірдей қолғаптарды топтастыру.

6. «Қояндар» ойыны

Мақсаты: Қимыл - қозғалыс белсенділігін дамыту. Жылдамдық, ептілік, төзімділікті шыңдау, көңіл - күйге қуаныш әсерін сыйлау.
Ойынға қажетті құралдар: Себеттер, сәбіздер.

Ойын шарты:Аппақ қардың үстінде 2 топтан бір-бірден ойыншылар шығып, қоянша секіре отырып межеге жетеді.
Меже – үлкен қардан жасалған төбешік. Бұл төбешіктің тасасында себетке салынған сәбіздер жасырулы тұрады. (беті шөппен бүркелген). Осы сәбіздерден ауыздарына бір-бірден тістеп, қайтадан қоянша секіре отырып, кейін қайтады. Қай топтың жинаған сәбізі көп болса, сол топ жеңімпаз атанады.

7. «Кім жылдам?» ойыны
Мақсаты: Балалардың ойынға деген белсенділігін, қызығушылығын дамыту.

Ойынға қажетті құралдар: Себеттер, жұмсақ ойыншықтар.

Ойын шарты: 2 шанаға отырған екі баланы әр топтан бір - бір ойыншысы қар үстімен сырғаната отырып, межеге дейін жеткізіп, себеттегі жұмсақ ойыншықтардан біреуін алып, кейін қарай жарыса қайтады. Кім көп ойыншық жинаса, сол топ көп ұпайға ие болады.

8.«Шаңғымен жарыс» ойыны.

Мақсаты: Балаларды шапшаңдыққа, ептілікке тәрбиелеу.

Ойынға қажетті құралдар: таяқтар.

Ойынның шарты: Екі команданың балалары екі таяқтың көмегімен шаңғымен жүріп,межеден айналып,келесі балаға тапсыру.

9.«Қар лақтыру» ойыны

Мақсаты: Балаларды дәлдеп көздеуге дамыту.

Ойынға қажетті құралдар: Құрсаулар, қар.

Ойынның шарты:Екі құрсауды қоямыз.Бір құрсауға қарларды саламыз.Белгіленген сызықты басып кетпей қарды бір-бірлеп лақтырып құрсауға түсіру. Қай топ көп жинаса сол топ жеңіске жетеді.

«Көбелек» тобы