"Қысқы орманға саяхат" Ашық ҰОҚ

Тақырыбы: « Қысқы орманға саяхат»
Мақсаты: Қыс мезгілі туралы түсініктерін кеңейту. Өзіне тән ерекшеліктерін ажырата білуге, өз ойын толық жеткізе білуге үйрету. Қысқы ойындарға қажетті құралдарды атау. Табиғатты аялауға, әсемдікті сезініп, көре білуге тәрбиелеу.
Әдіс - тәсілдері: Әңгімелесу, түсіндіру, сұрақ – жауап, көрсету, ғажайып сәт, ойын, сергіту сәті.
Көрнекілігі: Проектор, Мазмұнды суреттер, аққала, ойынға қажетті заттар.
Тәрбиеші: Балалар, күн суық болса да, біздің жүрегіміз жылы. Жылуымызды жан - жағымызға беріп, жылулық шеңберін құрып, келген қонақтарымызбен амандасайық.
Мейірімділік жүрекпен,
Ақ пейілді тілекпен,
Амандасып алайық.
Бір жадырап қалайық!
Тәрбиеші: Балалар, мен сендерге өлең жолдарын оқып бергім келіп тұр.
Шанамен зырғып желетін,
Коньки, шаңғы тебетін,
Аққала жасап ойнайтын,
Қай мезгіл деп ойлайсыңдар балалар?
Балалар: Қыс мезгілі
Тәрбиеші: Жарайсыңдар балалар, қыс мезгілінің белгілерін білеміз бе?
Балалар: Қар жауады, аяз болып, боран соғады.
Тәрбиеші: Ендеше, боран соққанын қимылмен қалай көрсетеміз?
( Балалар қолдарын жоғары көтеріп, гуілдейді)
Тәрбиеші: Қатты аяз болып, тоңғанда не істейміз?
(Қолдарын қусырап, аяқтарын топырлатады)
Тәрбиеші: Ал, күн шыққанда не істейсіңдер?
(Алақай, деп қолдарын көтереді)
Тәрбиеші: Жарайсыңдар балалар! Енді қыс айларын атайықшы
Балалар: Желтоқсан, қаңтар, ақпан
Тәрбиеші: *Желтоқсан - жылдың аяғы, қыстың басы ол, суық, ызғарлы.
* Қаңтар - жыл басы, қыстың ортасы, ол ең қарлы ай, бұл айда қатты суық, үскірік аяз болады
*Ақпан - жел мен боранның айы. Бұл айда ең ауыр, әрі суық, дүлей боранды.
Тәрбиеші: Балалар, біз тоңбас үшін үстімізге қандай киімдер киеміз?
Қане, іс - қимылмен көрсетейікші (Балалар іс - қимылмен көрсетеді)
Балалар: Бас киім, үстімізге тон, аяғымызға етік, қолымызға қолғап киеміз!

Тәрбиеші: Қандай ойындар ойнайсыңдар?
Балалар: Қар лақтырып, аққала жасап, шанамен сырғанақ тебеміз.
Тәрбиеші: Балалар, қыста ауа таза болады. Сондықтан да сендер ауырмау үшін, денсаулықтарың мықты болу үшін таза ауада ойнауларың керек. Ойын арқылы денелерің шынығады.

Тәрбиеші: Балалар ну орманның дыбысы естіледі, балалар біз орманға барамыз ба?

Балалар: Иә

Тәрбиеші:Немен барамыз?

Балалар: Поездбен

Тәрбиеші: Балалар орманда нелер бар?

Не байқар тұрсыңдар?

Аю қыста не істейді?

Түстері қандай?

Қандай азық жейді?

Жан-жануарлар туралы кім жұмбақ біледі?

Асылару: «Қырда жүрер ол жортып,

Іні де жоқ бармайтын,

Құйрығымен бұлаңдап,

Қандай аң ол алдайтын? (Түлкі)

Артур: Қорыққанда желаяқ

Отырғанда томардай-ақ (Қоян)
Ғажайып сәт. Қоян келеді
Қоян: Сәлеметсіңдер ме балалар! Орманға қош келдіңдер!

Мен сендердің келетіндеріңді біліп, әр түрлі тапсырмалар дайындап қойдым, бұл тапсырмалар әр ағаштың бұтағында тұр

Тәрбиеші: Жақсы, қоян ендеше бізбен бірге бол
1 тапсырма: «Әңгіме құру»

Тіл ұстарту жаттығуы: кі-кі-кі, айлакер түлкі. Ян-ян-ян, ол қорқақ қоян. Ыс-ыс-ыс, келіп жетті қыс
Қыс мезгілінің ұнайтын және ұнамайтын жақтарын атаңдаршы?
Балалар: ұнайтын жағы: Жаңа жыл келеді, шаңғы, коньки тебеміз, шанамен сырғанаймыз, қар жауады, қар лақтырып ойнаймыз, аққала жасаймыз.
Ұнамайтын жағы: қатты аяз болады, суық жел тұрады, боран соғады.
Тәрбиеші: Жарайсыңдар, балалар. Енді барлығымыз бірге сергіту сәтін орындап, бір серігіп қалайық:
Шынығамыз бәріміз,
Иіліп, бүгіліп, денеміз.
Хоккейді де ойнаймыз,
Шаңғыны да тебеміз.
Әрлі - берлі жол салып,
Қар лақтырып, ойнаймыз.
Қорықпаймыз аяздан
Спортшы болмай қоймаймыз.
2. Тапсырма: Сөздерді көпше түрде айту және оны буынға бөлу

Аю-аюлар, түлкі-түлкілер, қоян-қояндар,тиін-тиіндер, ти-ін-дер, қо-ян-дар, түл-кі-лер

3 тапсырма: «Буынды жалғастыр»

(Түл...., ор....., қо...., ша..., шаң...., қас...., ти...., бұ.....,)

4 тапсырма: Дидактикалық ойын: «Артығын тап»

Тәрбиеші: Балалар кім маған қыс туралы тақпақ айтып береді

Артур:Қар жауғанда топ бала,
Аспаннан ақ қар төгілді.

Соқты қардан аққала.
Шанамен біз ойнаймыз,
Аружан: Ауыл сырты - биік жар,
Ақ мамыққа орайды

. Бізді күтіп, тұр қарап.
Мұз болады, қатады,

Биік жарға шығып - ап,
Жып - жылтыр боп жатады.
Қоян :Жарайсыңдар балалар, менің тапсырмаларымды орындадыңдар! Рахмет! Балалар, сендер өте ақылды, өнерлі, тапқыр екенсіңдер!. Өзіммен бірге алып келген сандықшамдағы сыйлықтарымды берейін. Жақсы балалар мен сендермен қоштасамын,

Тәрбиеші: Балалар қоянмен қоштасайық!

Ал ,енді балалар біз қайтадан поездқа мініп балабақшамызға қайтайық

Қорытынды: Балалар, бүгін біз жылдың қай мезгілі туралы әңгімелестік?
Балалар:Қыс мезгілі
Бүгін біз қайда саяхатқа бардық?
Нелерді көрдік?

Қандай тапсырмаларды орындадық?

Жан-жануарлар туралы не айттық?
Барлығымызға ұнады ма?

Балалар: Иә
Жарайсыңдар, балалар, енді келген қонақтарымызбен қоштасайық.