Қысқы қызықтар.Аққала

Бірінші кіші «Айналайын» тобындағы ұйымдастырылған оқу қызметінің конспектісі.

Тәрбиеші: Муканова Д.Д.

Күні: 09.01.2019ж.

Білім беру саласы: Шығармашылық. Мүсіндеу.

Өтпелі тақырып: «Қысқы қызықтар»

Тақырыбы: «Аққала»

Мақсаты: Ақ түсті ермексаздың кесегін екі алақанмен домалақтау дағдысын осы оқу іс- әрекетінде пысықтау, дамыту; саусақтың ұсақ бұлшықеттері қимылын жетілдіру;

Тәрбиелік: ұқыптылық пен тазалыққа тәрбиелеу

Оқыту: екі бөліктен тұратын аққала сомдауды, аққаланың бейнесі айқындалу үшін қосымша заттарды пайдалануды үйрету

Дамытушылық : ойын арқылы мүсіндеу дағдыларын ұштау; баланың тілін дамыту;

Әдіс-тәсілдер: демонстрациялық материалдар

Ресурстармен қамтамасыз ету: демонстрациялық көрнекіліктер, ақ түсті ермексаз, ермексаз кесуге арналған құрал, тұғырық, үлестірмелі материалдар

Сөздік жұмысы: аққала

Ұйымдастырылған оқу қызметінің барысы:

1.Ұйымдастыру кезеңі.

2.Негізгі бөлім. М.Мақатаевтың «Аққалам» өлеңінен үзінді.

Ақ балам менің, ақ балам,

Аққала жаса, ақ балам.

Балаларға шар тәрізді екі бөліктен тұратын ойыншық аққала таратылады.

-Аққаламызқандай түсті? -Ол неге ақ? -Біздің аққаланың басы қандай? -Ал мынау не?

-Сұлбасы қандай? -Үлкендігі қандай? -Ермексаздан аққаланың домалақ денесін жасайтынымызды кім көрсетеді? Балаларға домалақ мүсін сомдау амалдарын пысықтау үшін пласмассадан жасалған шарларды таратып береді.

Қауіпсіздік ережесі: ермексазды киімдеріне жақпау, ауызға салмау.

Сергіту сәті: Аппақ қарды уыстап,

Алақанға салайық.

Оңға бір рет,

Солға бір рет,

Мойын бұрып алайық.

Домалақтап аппақ қармен,

Біз аққала жасайық!

-Балалар, ақ ермексаздан жасалған «Аққаланы» көрнекілік ретінде көрсетіп, жасау жолдарын түсіндіремін.

-Қолымызға ақ ермексаздың бір кішкене кесегін аламыз- бұл біздің аққаланың басы болады.

Енді осы кесекті екі алақанымызбен домалақтап, шар жасаймыз.

-Ал енді денесін сәл осылай етіп жасап, басы мен денесін бір- біріне жабыстырамыз. Ал енді біздің аққалаға не жетіспейді?

-Қолдарын сомдау үшін ақ түсті ермексаздың кішкене бөлшектері керек. Осы бөлшектерді де алақанымызбен домалақтап, екі жағына жабыстырып орналастырамыз.

Жеке жұмыс жүргізіледі.

Қорытынды: - Жарайсыңдар балалар!

Балалар мүсіндеген «аққаламызды» көрмеге қояйық.