«Қыз өссе – елдің көркі »

Атырау облысы Құрманғазы ауданы Нұржау ауылы «Гаухар» балабақшасы

Ертеңгілік- жарыс

Дайындаған «Ақ көгершін» тобының тәрбиешісі Г.Г. Куракова

2017 жыл

Мақсаты: ана жайлы тамаша сөздер, өлеңдер, мақал-мәтелдер арқылы анаға сүйіспеншілікпен қарау; ана мейірімін, махаббатын, жақсылығын түсіндіру. ананы сүю арқылы еліне, жеріне деген сүйіспеншілігін арттыру.

Әлемнің жарығын сыйлаған қымбатты ақ жаулықты әже- аналар , апа сіңілілер!

Сіздерді көктемнің көріктіде көркем мерекесі 8 – наурыз Халықаралық әйелдер күнімен шынайы ықылас ниетімізбен құттықтаймыз! Күн нұрындай жылуы мол жанды жадыратар сіздердің алақандарыңыздан тараған шапағат мейірім толастамай , әрбір жанұяға қуаныш пен береке сыйласын.

Балаларының амандығын тілеп , жанұяның алтын діңгегі болып отырған сіздерді тағы да мереке алдында шын жүректен құттықтай отырып бүгінгі «Ортаңғы» топта болғалы тұрған «Қыз өссе – елдің көркі » атты қыздар сайысына қош келдіңіздер! (Сайысқа қыздарды ер балалар залға алып кіреді.)

Сайысқа қатысушылар: Гүлсана – Ермұра

Альбина – Дияс

Гаухар – Асылжан

Ажар – Ермұра

Жібек – Жанарыс

Сайысқа әділ баға беретін қазылар алқасын тағайындау.

Сайыс 5 бөлімнен тұрады.

1. Таныстыру. Мен қазақтың қызымын (буклет жасап әкелу)

2.Өнер байқауы. Өнерліге өріс кең.

3. Қолөнер. Шебердің қолы ортақ (табиғи материалдан жасау)

4. Қыз өссе – елдің көркі (сән үлгісін көрсету)

5. Ас адамның арқауы (үйден дайындалған тағам түрімен таныстыру)

Әр тур арасында топ балаларының музыкалық сәлемі жолданады.

Дияс: Армысыздар , ару қыздар, абзал ана.

Анаға тең келетін бар ма дана

Мерекең бүгінгі күн құтты болсын

Қуанышпен құшақтарға гүлдер толсын

Аяулым: Ана деген – адамзаттың данасы,

Ана деген – сәбилердің панасы.

Ана деген – өмірдегі қамқорың

Ана деген – сүйенерің, жан құрбың.

Надир: Дүниедегі ең кемеңгер дананы

Ана табады, аялайды бағады.

Сол үшін де құдіретіңе бас иіп,

Құрметтейік қасиетті ананы.

Ән: «Құттықтаймын мама туған күніңмен!»

Сайысымыздың 1- турын бастайық. Таныстыру.

Нұрсәуле: Сезімің неткен ыстық балаңа тым,

Төрт бөліп түн ұйқыңды қарағансың.

Қаншама азап шектің сәби үшін

Мен саған қарыздармын жан анашым.

Айдана: Сен жалықпай жетелеп,

Мен жаттыға жетермін,

Айтқаныңды екі етпей

Ақ сүтіңді өтермін.

Жаннұр Т. : Сендерден өскен балалар

Сендерден өскен даналар.

Құттықтаймыз сіздерді

Құрметті апа – аналар

Ән: «Анамызға мың алғыс»

Даусың қандай сырлы еді.

Табиғатты тыңдатқан

Көркің қандай нұрлы еді

Таң шолпанмен астасқан

Өнеріңді қане бүгін көрсетші,

Мына жұртқа қошеметпен қол соққан – дей отырып аруларды өз өнерлерін көрсетуге шақырамыз.

2 – тур. Өнерліге өріс кең.

Эльнара: Бізді өсіріп баптаған

Жақсы болсаң шаттанған,

Алтыным деп мақтаған,

Айналайын, ақ мамам

Ермұра : Наурыздың сегізі

Сұлулықтың негізі

Әдемі сөз баланың

Анаға айтар лебізі.

Ән : қыздардың орындауында «Анамызға сыйлайық»

3 – тур. Шебердің қолы ортақ.

Шеберлерім өнер тамып қолынан,

Жаңылмаған ата баба жолынан.

Шебер қолдар өз өнерін көрсетсін,

Біз айтайық төрелігін соңынан.

Кезекті «Шебердің қолы ортақ» сайысына береміз.

Орынбасар: Достықты біз ойлаймыз,

Бірге күліп ойнаймыз.

Қыздарды да құттықтап,

Мерекесін тойлаймыз.

Нұрбек: Қыздар, қыздар кімсіңдер,

Күлімдеген гүлсіңдер

Шұғылалы шуақты

Таңғажайып дүрсіңдер.

Арсен: Қыздар, қыздар кімсіңдер,

Мына бізбен бірсіңдер

Осынау дархан өмірді,

думандатып жүрсіңдер.

Гаухардың орындауында өзбек биі

4 – тур. Қыз өссе елдің көркі.(сән үлгісі)

Сабина : Ана көркі көгімнің

Ана нұры жерімнің

Ана бағы даламның

Мақтанышы елімнің.

Аружан: Баланың да тілегі

Дананың да тілегі

Шайылмасын ешқашан

Аналардың жүрегі.

Гаухар У. :Әлпештеген баласын

Ана – бақыт, ана – күн,

Әркім сүйіп өзінің

Мақтан етер анасын.

Ерасыл: Ана біздің күніміз,

Ана біздің гүліміз,

Ұландарды қуантып,

Ұзақ өмір сүріңіз.

Топтың орындауында «әжелер» әні.

5 – тур. Ас – адамның арқауы.

Асылжан: Әжемді мейрамымен құттықтаймын,

Айтатын ән, беретін гүлім дайын.

Әжетай сені жақсы көремін деп

Жай ғана құлағыңа сыбырлаймын.

Асылжан М. : Мәпелейсің мені анам

Қолыңдағы құсыңдай

Құлпыра ұшып дем алам,

Құшағыңда қысылмай. Жаннұр: Еркелесем күлімдейтін,

Ұрысқаны білінбейтін.

Маңдайымнан иіскеп менің,

Құлыншағым, күнім дейтін.

Олжас: Әжем қандай әже еді,

Айтқандары наз еді.

Біздер үшін қашанда,

Жаны жайсаң жаз еді.

Жанарыс: Апатайым, анашым,

Айылы мол данасың.

Қамқоры сен сәбидің,

Гүлі де сен әр үйдің.

Әділқазылар алқасына сөз беру.

Альбина: Дүниедегі ең ардақты асыл жан

Анам менің мәпелеген жасымнан.

Мен қуансам қуанады ол бірге

Мен қиналсам табылады қасымнан.

Гүлсана: Ұрпақтарға бақыт жолын аңсаған,

Тілейтұғын сырттай жүріп бақ саған.

Тіршіліктің тынысы мен ажары,

Ана деген теңдесі жоқ жақсы адам.

Гауһар: Көзімді ашып өмірге,

Алып келген анашым.

Ақ періште көңілге

Жарық берген анашым.

Адамды дүниеге әкеліп, өмір сыйлайтын құдіретті АНА емеспе?!

Сол құдірет иесі алдында бәріміз бас июге тиіспіз.

ХОРМЕН: Ақ сүтінен нәр алған,

Ақ сүтінен жаралған,

Анаға бас иеміз.

Біз мәңгілік сіздерге борыштармыз, балалық жүректен мың да бір алғыс.

ӘН: «АНАЛАР- АЛТЫН» ер балалардың орындауында.

САЙЫСҚА қатысқан қыздарға жұптары атынан сыйлық ұсынылады.

Аналарына сый табыстау.

МЕРЕКЕЛЕРІҢІЗ ҚҰТТЫ БОЛСЫН!