Тақырыбы: «Қыз қылығымен сүйкімді»Мақсаты: қыздармен әңгімелесе отырып, ар – намысын, пәктігін, сұлулығын жоғары қоя біліп, жұрт алдында абройлы болуға тәрбиелеу. Салауатты өмір салтын қалыптастырудағы ой – өрісін дамыту, зиянды әректтерге еліктеудің, қызығудың өмірлеріне қауіп тудыратынын ескерту.Өтетін орны: Өзін – өзі тану кабинеті.Қатысушылар: 5-11 – сынып қыздары, сынып жетекшілері, педагог – психолог, аға тәлімгер.Жүргізуші:Құрметті ұстаздар мен қыздар! Сіздердің келгендеріңізге өте қуаныштымын. Бүгінгі «Қыз қылығымен сүйкімді» тақырыбындағы қыздар жиналысын ашық деп жариялайық. Жастықтың өз жастығымен, тазалығымен әдемі дегендей жас қыздардың өздері – ақ қыздың қызыл гүлінднй әсем ғой. Табиғат сыйлаған осы нәзік кезең өзінің әдемілігімен, жастығымен, албырт сезімімен ерекше. Намысын, сұлулығын жоғары ұстай білген қыз ғана жұрт алдында әрдайым, абройлы, сыйлы. Олай болса, бүгінгі әңгімемізді бастамас бұрын «Қазақ қызы қалай өзгерді?» тақырыбындағы бейнероликті көріп алайық. Жүргізуші:Қыз бала және оның тәрбиесі жөніндегі мақал – мәтелдер біздің өмірімізде елеулі орны бар. Енді сол мақал – мәтелдерге құлақ түрейік. «Қыз өссе, елдің көркі, гүл өссе, жердің көркі»« Қыз — өмірдің қызғалдағы»« Қызды асырай алмаған күң етеді, ұлды асырай алмаған құл етеді.»« Қыз қуыршақ, ұл – құлыншақ»« Ұлың өссе, ұлы жақсымен ауылдас бол,Қызың өссе, қызы жақсымен ауылдас бол.»« Қыз балаға қырық үйден тыйым»« Қызым — үйде , қылығы – түзде»« Қыз қылығымен әдемі»« Қыздың жиған жүгіндей»«Қарындасын сыйламағанның қары сынсын.»Оқушыларға сұрақ қойылады.1. Қазақ қызы қандай болу керек?2. Қыз өссе, елдің көркі... деген қалай түсінесіңдер?3. «Отан отбасынан басталады» деген ұғымды қалай түсінесіңдер?4. Үйде ата - аналар балаларын қалай тәрбиелейді?5. Қазіргі тәрбиемен бұрынғы тәрбиені салыстырғанда айырмашылық бар ма?Бейнематериал «Қазақ қызы, қайдасың?»Жүргізуші:Сұлу болу, сау болу - өз қолыңда! Адамның, соның ішінде қыз - келіншектердің реңді де сұлу болуы өздеріне байланысты. Себебі, сұлулықтың негізі - денсаулық. Бұл денсаулыққа жеке басты тазалық, гигиена және зиянды әрекеттердің аулақ болуы жатады. Қазіргі кезде қыздар зиянды заттарға елігіп, әуес болады. Ол болашақ ана. Темекі тарту, ішімдік ішу денсаулыққа үлкен қатер төндіреді. Құрметті қатысушылар жеке бас тазалық - гигиена және зияндыц әдеттер жайында толығырақ мәлімет алу үшін дәрігер Которина Гүлдар апайымыз келіп отыр. Қыз баланың денсаулық күтімі туралы толығырақ айтып берсеңіз.Сұрақтар:1. Жалпы қыз баланың табиғаты туралы айтып берсеңіз?2. Ағзадағы өзгерістер туралы айтсаңыз?3. Сырт келбеттегі өзгерістер4. Жыныс ағзаларындағы өзгерістер5. Алғашқы етеккір Бейнематериал: «Қазақ қызы. Бүгінгінің қандайсың?Сынып жетекшілерге сұрақ1. Қазақ қыздарының киімі тәрбиесіне көңіліңіз тола ма?2. Дөрекі сөйлейтін қыздар туралы ой - пікіріңіз?3. Сән мен сымбат туралы айтып берсеңіз?Бейнеролик «Қазақ қызы» Қорытынды. Ә. Нұршайықовтың « Автопортрет» еңбегіндегі «Қыздарға кеңес» Қыздар!—Әдемі болыңдар, әсем болыңдар, сонымен бірге ақылды болыңдар!—Сұлу болыңдар, сымбатты болыңдар, сонымен бірге саналы болыңдар!— Инабатты болыңдар, ілтипатты болыңдар, сонымен бірге ұйымшыл болыңда !—Ұйқышыл болмаңдар, ұмытшақ болмаңдар ұрысқақ болмаңдар! Қыз бала тәрбиесі баршаның ісі. Қыз бала мен ұл баланың бірін – бірі жақсы түсінуіне, бірін – бірі сыйлауына, бір –біріне қамқор бола білуіне, қыздарымызды –қылықты, ұлдарымызды – ұлағатты етіп тәрбиелеу біздің басты міндетіміз. Қыздарға айтарым « Қазақ қызы» деген қастерлі де қасиетті атқа лайық болыңдар. Білімді де тәрбиелі қырдың қызғалдағындай жайнап өсе беріңдер
02 Ақпан 2019
2529
5 рет жүктелген
