«Бекітемін»
Мектеп директоры:
Ш.Шәдіқожа

Келген
қонақтар:
«Отбасын қолдау орталығы»
мамандары – А.Баймаханова, Р.Мырзабекова
Аудандық білім бөлімінің
әдіскері – Ұ.Мұратбек
«MEDIKAL SENTER SHYBARSU»
қызметкері – Д.Ержанова
Саламатсыздар ма
құрметті қонақтар! Ұстаздар! Оқушылар! «Қыз тәрбиесі — ұлт
тәрбиесі» дейді халқымыз. Осы сөзді бала кезімнен естіп өстім.
Бірақ оның мағынасын уақыт өткен сайын тереңірек түсіне бастадым.
Қыз болу — тек әдемі көйлек кию немесе көптің назарында жүру емес.
Қыз болу — жүректе жауапкершілік ұстау, іс-әрекетінде нәзіктік пен
парасатты қатар алып жүру.
Мен кейде
ойланамын:
Қыздың күліп жүргені —
отбасының тыныштығы,
қыздың білім алғаны — ұлттың
болашағы,
қыздың дұрыс шешімі — өз
өмірінің тағдыры.
Қыз — бір үйдің үміті, бір
әулеттің шаңырағы. Ата-ананың сенімі, отбасының абыройы — бәрі оның
жүрегінде. Сол үшін әр қадамымды ойланып басуға тырысамын. Себебі
бүгінгі таңдаған жолым — ертеңгі болашағым. Мен өзімді бағалауды,
өзіме қамқор болуды үйреніп келемін. Өзімді сыйласам — өзгелерге де
сыйлы боламын. Болашағымды қорғасам — өмірім жарқын
болады.
Сөз кезегі қонақтарға
беріледі. «Отбасын қолдау орталығы» мамандары – А.Баймаханова,
Р.Мырзабекова отбасындағы зорлық – зомбылық, буллинг жайлы
жан-жақты түсіндірме жұмысы жүргізілді.
Аудандық білім бөлімінің
әдіскері – Ұ.Мұратбек қыздарды алданбай тек сабақ оқуға, білім
алуға шақырды.телефонды да дұрыс бағытта қолдана бңлу керектігі
айтылды.
Мен —
қызбын.
Жаным нәзік, жүрегім мейірімге
толы.
Бірақ өз тағдырыма жауап
беруге де қабілеттімін.
Менің арманым көп: білім алу,
биік мақсаттарға жету, ата-анамды қуанту. Осы армандарымды орындау
үшін өзімді сақтауым, өзімді құрметтеуім керек екенін
білемін.
Қыздың күші — оның ақылында,
мәдениетінде, тәрбиесінде.
Мен де сол күшті сақтап, өз
жолымды дұрыс таңдағым келеді.
Өйткені мен
білемін:
Қыздың абыройы — ұлттың
абыройы.
Қыздың болашағы — елдің
болашағы.
КӨРІНІС:
ӘЖЕ: Қызым, бүгін кешке үйде
болыңдар, екеуің де шаршағансыңдар.
АНА: Иә, далаға шықпай-ақ
қойсаңдар. Сабақтарыңды оқыңдар.
ҚЫЗ (күліп): Жарайды, мама...
Бүгін үйдеміз ғой.
ҚҰРБЫ (сыбырлап): Кешке бармай
қаламыз ба енді?
ҚЫЗ (сыбырлап): Жоқ, бәрі
жақсы. Біраздан соң шығып кетеміз.
Әже мен ана басқа бөлмеге
кетеді. Қыз бен құрбысы бір-біріне қарап жымиып, киімдерін алып
шығып кетеді.
КЕШ – ТҮН: Музыка, көңілді
орта.
Қыз бен құрбысы билеп, күліп,
жақсы уақыт өткізіп жүр.
ҚҰРБЫ: Әне, жігітің
келді!
ҚЫЗ (ұялып): Жәй ғана
сөйлесеміз.
Жігіт қызды шығарып салады.
Құрбысы алда кетіп қалады.
КӨШЕ – ТҮН: Қыз жігітпен бірге
күліп сөйлесіп келе жатқанда, қарсы алдан анасы
шығады
АНА (қатқыл): Не істеп
жүрсің?! Қайда болдың?!
ҚЫЗ (қорқып): Мама… біз
тек…
АНА: Әжеңе де, маған да өтірік
айттың! Жүр үйге!
Анасы қыздың қолынан ұстап,
үйге алып кетеді. Жігіт абдырап қалады.
ҮЙ – ТҮН: Қыз бен анасы
бөлмеге кіріп келеді. Әже де оянып тұрған.
АНА (ренжіген, бірақ дауысын
көтермей):
Қызым… өтірік айтқаның жанымды
ауыртты.
Қайда барсаң да — айтар ең.
Ешкім сені ұстап отырған жоқ.
ӘЖЕ: Қыз бала — көрсетер
сәулесі бар шырақ. “Қырық үйден тыйым” дегенді бекер
айтпаған.
Түнде жалғыз жүруге болмайды.
Жаман әңгіме желдей тарайды.
АНА: Қыздың қадірі — өз
қолында.
Өзімізге деген құрмет — ең
бірінші.
Бүгінгі қадамыңа қарап ертең
не айтады деп ойладың ба?
ҚЫЗ (көзінде жас): Кешіріңдер…
Енді бұлай жасамаймын және өтірік
айтпаймын.
ӘЖЕ (жұбатылып): Болды,
құлыным. Тек ақ жолдан адаспа.
АНА: Жарайды. Есіңде болсын:
біз саған жамандық ойламаймыз. Сенің болашағың үшін
уайымдаймыз.
ҚЫЗ (ана мен әженің алдында,
көзі жасаурап): Мен бүгін өзімнің қателескенімді анық
түсіндім.
Сендер мен үшін уайымдайтынын,
әр сөзіңнің артында мейірім жатқанын жаңа ғана
білдім.
Өтірік айту — өзіме жасаған
қиянат екен.
Түнде жүріп, қызық қуған
сәттік нәрселер ештеңе емес…
Ал сендердің сенімдерің —
менің ең үлкен байлығым.
Менің артымда — менің атым,
менің тәрбием, менің отбасым тұр.
Қыздың қадірі — өз қолында
екенін енді түсіндім.
Бүгінгі ісіммен сендерді
ренжіткеніме ұяламын.
Бұдан кейін қадамымды да,
сөзімді де ойланып басамын.
Маған тағы бір мүмкіндік
беріңдер… мен оны ақтаймын.».
Осымен «Қыз тәрбиесі — ұлт
тәрбиесі» атты кездесу кешіміз аяқталды.
«Medikal Center
Shubarsu»
ЖШС-нің бас дәрігері
м.а.
К.С.Алимкуловаға
Түркістан
облысы
Ордабасы
ауданы
білім бөлімінің
басшысы
Ш.Нурабаеваға
«Достық»
жалпы білім
беретін
мектеп»
коммуналдық
мемлекеттік
мекемесінен
Сұраныс
хат
Ордабасы ауданы білім
бөлімінің 04.11.2025 жылғы шығыс № 41-09/2135 санды хаты негізінде,
«Достық» жалпы білім беретін мектеп» коммуналдық мемлекеттік
мекемесінде білім алушылардың қауіпсіздігін қамтамассыз ету, ерте
және мәжбүрлі некеден қорғау, қыз балалар арасындағы ерте
жүктіліктің алдын – алу мақсатында 19.11.2025 жылы сағат 12:00 де
«Қыз тәрбиесі ұлт тәрбиесі» тақырыбында арнайы мамандармен кездесу
семинары өткізілуі жоспарлануда. Осы аталған іс – шараға Сіз
басқарып отырған емханадан маман дәрігердің семинарға келіп
қатысуын қамтамасыз етіп беруіңізді
сұраймыз.
Мектеп директоры:
Ш.Шәдіқожа