Қыздар жиналысының хаттамасы

19 қаңтар, 2023 жыл.

Өткізілген орны: 27 кабинет

Сыныбы: 5 «А», «Ә»

Қатысқандар: 14

Қатыспағандар: 2

Мақсаты: Халықтық тәлім — тәрбие негізінде қазіргі қазақ қыздарының бойында жан сұлулығын қалыптастыру жолдарын көрсету, адамгершілікке үндеу

Күн тәртібінде қарастырылған мәселелер:

1. Қазіргі қыз балалардың тәртіпсіздігі туралы.

2. Қыз балалар гигиенасы.

3. Электронды темекінің зияны.

1-мәселе бойынша «Қыз балалар арасындағы тәртіпсіздік» туралы бейнеролик көрсетіліп, оқушылар өз ойымен бөлісті. «Қыз бала қандай болу керек?», «Қазіргі замандағы қыздар тәрбиесінің ақсап бара жатыр дегеніне келісесің бе? деген сұрақтарға, топтық, жұптық жұмыс жасап, постер қорғады. Қыз баланы қанаттыға қақтырмай, тұмсықтыға шоқыттырмай өсірген қазақ «қызға қырық үйден тыйым, қала берсе қара күңнен тыйым» дегенде, қыз баланың тәрбиесіне ата-анасы ғана емес, бүкіл ел жауапты екенін аңғартады.

2 – мәселе бойынша Қыз балалар гигиенасы туралы оқушыларға түсінік беріп, және де осы мәселе аясында оқушыларға түрлі жағдаятты талдау сұрақтары берілді. Бірінші жағдаятқа байланысты 5 «Ә» класының оқушысы: Бекманатқызы Райхан өз ойын ортаға салды.

• қыз балалар гигиенасы дегеніміз –ең бірінші тазалық, үнемі қыз бала тазалықты сақтай білу керек. Тырнақ алулы, шаш үлгісі мектепке сай болу керек.

3 – мәселе бойынша Қазіргі таңда белең алған жастардың арасында үлкен сұранысқа ие, қызығушылығы аса жоғары электронды темекі туралы мәліметтерге тоқталды. Электронды темекі адам ағзасына зиян. Ол түрлі-түсті дәмдермен болады. Оны пайдаланған адамның ағзасына үш есе зиян келтіреді. «Электронды темекі адамға не үшін зиянды» деген сұрақ айналасында жауап беріп, өз ойларын ортаға салып талқылады. Және де сол сұрақ негізінде постер қорғады.

Шешім:

1. Ата-аналармен тығыз жұмыс жасалсын.

2. Қыз балалар тазалығы күнделікті қадағалансын. (тырнақ, шаш үлгісі, мектеп формасы)

3. Оқушыларға зиянды заттар туралы ақпаратпен таныстырылсын.

5 «Ә» класс жетекшісі: Ильясова Б.Т

5 «А» класс жетекшісі: Қайназар Ж.Қ