Мектепке дейінгі ұйымдарға арналған жаңа жылдық ертеңгілік сценарийі «Қызыл телпектің Жаңа жылға саяхаты»

Карашева Алтын Отызбековна

№81 «Әсемгүл балабақшасы» МКҚК

Аннотация

Бұл әдістемелік материал мектепке дейінгі ұйым тәрбиеленушілеріне арналған жаңа жылдық ертеңгілік өткізуге бағытталған. Сценарий ертегі желісімен құрылған, балалардың жас ерекшеліктеріне сай, қызықты әрі мазмұнды. Қойылым барысында балалардың сөйлеу мәдениеті, шығармашылық қабілеті, сахнада өзін-өзі ұстау дағдылары дамиды. Сонымен қатар, мерекелік көңіл күй қалыптасып, балаларға қуаныш сыйлайды.

Мақсаты:

Балаларға жаңа жыл мерекесінің маңызын түсіндіру, ертегі кейіпкерлері арқылы достыққа, мейірімділікке және бір-біріне көмектесе білуге тәрбиелеу.

Міндеттері:

Балалардың шығармашылық қабілеттерін дамыту;

Ән айту, би билеу, тақпақ оқу дағдыларын жетілдіру;

Ұжыммен бірлесе әрекет етуге үйрету;

Мерекелік көңіл күй қалыптастыру.

Қатысушылар:

Тәрбиеші, Қызыл телпек, Қасқыр, Аяз ата, Ақшақар, балалар.

Сахнаны безендіру:

Орман көрінісі, шырша, үйшік, себет, қар үлпектері, жаңа жылдық әшекейлер.

Кіріспе бөлім

Балалар шаттық шеңберіне тұрып, жаңа жыл туралы ән орындайды.

Тәрбиеші бүгінгі мерекенің ерекше екенін айтып, орманнан бір қонақ келе жатқанын хабарлайды. Осы сәтте Қызыл телпек сахнаға шығып, балалардан жаңа жылға бірге жетуге көмектесуін сұрайды. Балалар қуана келіседі.

Қасқырмен кездесу.

Орманнан Қасқыр шығып, Қызыл телпектің жолын бөгейді. Балалар ән айтып, тақпақтар оқып, Қасқырдың көңілін көтереді. Балалардың өнеріне риза болған Қасқыр жолдарын ашады.

Би бөлімі

Қызыл телпек ормандағы қар ұлпаларының би билеуге шақырып тұрғанын айтады. Балалар «Қар ұлпалары» биін орындайды.

Ақшақар мен Аяз атаны іздеу

Ақшақар сахнаға шығып, балалардан би билеуді сұрайды. Балалар «Қаршықтар биін» орындайды. Осыдан кейін барлығы бірігіп Аяз атаны шақырады.

Аяз атаның келуі

Аяз ата балаларды жаңа жыл мерекесімен құттықтайды. Балалар тақпақтарын айтып, ән орындайды. Аяз ата олардың өнеріне ризашылығын білдіреді.

Шырша жанындағы би

Балалар Аяз ата мен Ақшақармен бірге шырша айналасында көңілді би билейді.

Қорытынды

Аяз ата балаларға жылы лебізін білдіріп, сыйлықтарын таратады. Мереке шаттық пен қуанышқа толы әсермен аяқталады.

«Қызыл телпектің Жаңа жылға саяхаты» атты жаңа жылдық ертеңгілік сценарийі мектепке дейінгі ұйым тәрбиешілеріне тәжірибеде қолдануға өте қолайлы. Сценарий мазмұны балалардың жас ерекшеліктеріне сай құрылған және шығармашылық белсенділігін арттыруға бағытталған. Қойылым арқылы балалардың сахналық мәдениеті қалыптасып, өзіне деген сенімділігі артады. Бұл сценарий жаңа жыл мерекесін әсерлі, қызықты әрі есте қаларлықтай өткізуге мүмкіндік береді

Түйін сөздер:

жаңа жыл, жаңа жылдық сценарий, балабақша, мектепке дейінгі ұйым, ертеңгілік, мерекелік іс-шара, сахналық қойылым, ертегі желісі, Қызыл телпек, Аяз ата, Ақшақар, балалар мерекесі, шығармашылық жұмыс, тәрбиешіге көмек, мектепке дейінгі тәрбие