Қызыққа толы жылыжай тыныстары

Қызыққа толы жылыжай тыныстары

Оқу-тәрбие процесін ұйымдастырудың 2022-2023 оқу жылындағы басты ерекшеліктерінің бірі балалар жылына арналған іс-шаралар ұйымдастырып, жас жеткіншектерді жобалық зерттеу жұмыстарын жүргізуге баулу.

Жалпы, білім алушылардың рухани –адамгершілік, азаматтық-патриоттық, жалпы көркемдік-эстетикалық , еңбек және дене тәрбиесінің іске асырылуын қамтамасыз ететін сабақтан тыс іс-шараларды өткізудің маңызы өте зор.

Жас ұрпақтың сабақтан тыс кезінде ерте жастан экологиялық мәдениетті танып білу, өз тәжірибелерінде қоршаған ортаның өсімдіктерінің тыныс тіршілігін танып, зерделей білуге баулуда Жетісу облысы, Талдықорған қаласы К.Ушинский атындағы №7 орта мектебінің «Зерде» бастауыш әдістеме бірлестігі «Жылыжай тынысы» атты зерттеу жоба жұмысын жыл бойы жүргізіп шықты. Әрине, бұл жобаны іске асыруды ұйымдастыруда мектеп әкімшілігінің бағыт, нұсқаулары және зерттеу жүргізетін білім алушылар мен ата-аналарды өзара тығыз ынтымақтастықта жүргізген жұмыстары орасан зор пайдалы болды.

Жобамызды іске асыра отырып білім алушыларымыздың тәрбиелік, өмірлік, кеңістік әлеуетін кеңейте білдік, себебі, әр зерттеушілеріміз өсімдік өсірудегі бақылаулары, зерттеулері өздері үшін керемет жаңашылдыққа жеткізді. Жеке тұлғаның өзекті қажеттіліктері мен қабілеттерін іске асыруға мүмкіндік береді.

Тәжірибеміздің барысында жылдық жоспарымыз негізінде жылыжай көрмесін ұйымдастырып, әр зерттеушінің ізденісі мен қызықты күнделік жазбаларына, өнімдерін көріп, жұмыс істеудегі қызығушылықтарын тамашаладық.

Жыл бойы зерттеу жұмысымыздың әр кезеңдерін арнайы жасалған стенд тақтасына шығарып, нәтижесін нақты деректер толықтырып отырдық. Әр зерттеуші өз жұмыстарының нәтижесін көріп, қызығушылықтары мен еңбектенуге талаптарын білдіріп отырды.

Біз және біздің жас зерттеушілеріміз бұл жұмысымызды болашақты әрі қарай жан-жақты зерттеулермен толықтыру жүргізуді жоспарлап отырмыз.