Солтүстік Қазақстан облысы

Қызылжар ауданы

Бескөл ауылы

КММ «Парасат» мектеп-лицейі

«Қызықты грамматика»

Қазақ тілі 3-сынып

/Қазақ тілінен факультативтік курс бойынша орта мектептің 3-сынып оқушыларына арналған /

Авторлық бағдарламаны құрастырушы : Кабдулмажитова Бахыт Сайлауовна

Бастауыш сынып мұғалімі

2021жыл

Тақырыбы: «Қызықты грамматика»

Мақсаты:

-Оқушылардың ойлау, шығармашылық қабілеттерін дамыту

-сауатты және көркем жазуға үйрету.

Міндеттері:

-оқушыларды өмір талабына сай білімді етіп тәрбиелеу;

- дыбыстың айтылуы мен жазылуын меңгерту;

-өздіктерінен дұрыс шешім қабылдау дағдыларын қалыптастыру;

Күтілетін нәтиже:

-сауатты көркем жазуға дағдылану арқылы ізденімпаздыққа, шығармашылыққа үйренеді;

-оқушылардың қажетті шеберлік пен дағдылары қалыптасады және баланың жалпы тұлғалық дамуына,ойлау,есте сақтау,қиялдау,елестету сияқты жақсы қасиеттерінің үйлесімді дамуы қалыптасады;

«Қызықты грамматика» бағдарламасына

қойылатын талаптар:

- оқушылардың шығармашылық қабілеттерін арттыру;

- сауатты жазуға, мәтіннің мазмұнын өз ойымен толық аша білуіне мүмкіндік беру;

- ойлау, есте сақтау қабілеттерін дамыту;

- қызықты жаттығулар арқылы оқушылардың білімдерін жетілдіру.

Түсінік хат

«Қызықты грамматика» - факультатив курсы. Бұл курс арқылы оқушылар негізгі пән «Қазақ тілінде» меңгерген білім, білік, дағдыларын жетілдіре түседі .

Оқушылардың білімдерін пысықтау мен тексеруге арналған грамматикалық тапсырмалар, талдау жұмыстары, диктант жұмыстарының алатын орны ерекше.

Қазақ тілі пәніне қосымша сабақ ретінде «Қызықты грамматика» факультатив сабағын алу себебім: оқушыларға әрбір сабақты сапалы меңгерту үшін олармен қосымша ізденуге арналған тапсырмалар бере отырып, оқушылардың алған білімдерін пысықтап, сауатты әрі көркем жазу дағдыларын қалыптастырып , өз ойын нақты жеткізе алатын шығармашылық қабілеттерін ашу.

Сауатты жазу – дұрыс ойлаудың көрінісі. Ендеше бұл факультатив сабақ- оқушылардың дүниетанымын кеңейтіп, олардың ойлау, шығармашылық қабілеттерін арттыруға, жазу дағдыларын дамытуға көмегін тигізеді.

Осы курс арқылы оқушылардың дүниетанымы кеңіп, дұрыс, байланыстырып сөйлеуге үйренеді. Грамматикалық сауаттылықтары артады.

Қызықты грамматика (факультатив) 3-сынып 34 сағат

1 Сабақтың тақырыбы: Тіл және сөйлеу

Мақсаты: Адамдардың бір-бірімен қарым-қатынас  жасауында сөйлеудің  манызын,сөйлеудің тіл  арқылы жүзеге асатынын ұғындыру;

1-тапсырма.Сурет бойынша әңгіме құра .Әңгімелеу үшін сөйлеудің қай түрін қолданасың?

2- тапсырма. Жұмбақты оқып,шешуін тап.

Күндіз сөйлеп тынымсыз,
Түні бойы тұр үнсіз. (Радио)

Қабат-қабат қаттама,

Ақылың болса аттама. (Кітап)

Тілі бар, үні жоқ,

Өзін адам түсінген.

Жүктеу

ЖИ арқылы жасау

ЖИ арқылы жасау

Бөлісу