Қызықты математика

Білім беру саласы: «Таным»

Ұйымдастырылған оқу іс-әрекеті: Математика

Тақырыбы: «Қызықты математика»

Сабақтың мақсаты:

Білімділігі: Балалардың сан және санау, геометриялық пішіндер, кеңістікті бағдарлау, уақытты бағдарлау бөлімі бойынша өткен білімдерін бекіту.

Дамытушылығы: логикалық ойлау қабілеттіліктерін жетілдіру.

Тәрбиелігі: Ойындар арқылы математика сабағына деген қызығушылықтарын арттыру, шапшаңдыққа, тапқырлыққа уйрету.

Сабақтың әдіс-тәсілдері: сұрақ-жауап, түсіндіру, әңгімелеу.

Сабақтың көрнекілігі, сандар, әр-түрлі фигуралар, тақта, суреттер.

-сабақтың жүру барысы;

-ұйымдастыру кезеңі;

ШАТТЫҚ ШЕҢБЕР:

Армысың, мейірімді Аспан-Ата

Армысың, қайырымды Жер-Ана

Армысың, шұғылалы Алтын-күн

Армысың, балабақша дос-жаран.

Таңертең тұрған кезде аналарың қайырлы таң деп айта ма?

Кәне, бізде қайырлы таң тілейік.

-Қайырлы таң көздерім, сендер ояныңдар!!!

-Қайырлы таң құлақтарым, сендер ояныңдар!!!

-Қайырлы таң саусақтарым сендер ояныңдар!!!

Көздерін, құлақтарын уқалайды, қолдарын шапалақтайды.

-Жарайсыңдар балалар!

Жарайсыңдар, балалар, бүгінгі күніміз жақсы болсын, орнымызға отырайық.

-Бүгін бізде қарапайым математикалық ұғымдар туралы ашық оқу іс-әрекеті.

Қызықтыру сәті: әуенмен «Білім ханшайымы» келеді.

Білім ханшайымы: Сәлеметсыздер ме Балалар! Сәлеметсізбе балалар!

Білім ханшайымы: Балалар мен мектептен келген Білім ханшайымымын.

Сіздерді мектепке барады деп естіп келдім. Мектепке барғыларың келе ме?

Балалар: Иә.

Білім ханшайымы: Олай болса мен Сіздерге құр қол келген жоқпын.Өзіммен бірге Сіздерге тапсырмалар ала келдім. Тапсырманы дұрыс орындасаңдар мектепке қабылданасыңдар.

Тәрбиеші: Қош келдің Білім ханшайымы.

Біздің балалар ақылды және Сіздің берген тапсырмаларыңызды орындайды.

Сіз жайғасып балаларымыздың білімін тамашалап отырыңыз.

Ендеше балалар Білім ханшайымы қандай тапсырма әкелді екен, қарайық.

1-Тапсырма

1. Жылдың төрт мезгілін ата?

2. Қәзір жылдың қай мезгілі?

3. Бір жылда неше ай бар?

4. Бір аптада неше күн бар?

5. Бүгін аптаның нешінші күні?

6. Қәзір тәуліктің қай мезгілі?

2-тапсырма: «Қандай геометриялық пііндерді білесіңдер?»

Тәрбиеші: Балалар 2-тапсырмада былай делініпті: «Қандай геометриялық пішіндерді білесіңдер?» Ақ қағаз бетінің ортасына сопақша, сол жақ бұрышының жоғарысына үш бұрыш, төменгі бұрышына төртбұрышты орналастыр. Оң жағының жоғарғысына шаршыны, төменгі бұрышына шеңберді орналастыр.

Сергіту сәті:

Бойың сергек тік ұста

Емін-еркін тыныста

Деміңді ішке тез алда

Сол қалпыңды соз алға

Қол ұшына қара да

Ұшбұрыш сыз ауада

Оң қол да бос тұрмасын

Шеңбер жасап зырласын

Д/ойын «Қай пішінге ұқсайды?»

Балаларға жәшіктен әр түрлі геометриялық пішіндерді алу ұсынылады, әуенге қосылып билейді де, әуен тоқтағанда қолдарыңдағы геометриялық пішін бойынша үшбұрыш, төртбұрыш, шеңбер жасап тұрады.

3-тапсырма:

1-ден 10-ға дейін тура және кері санау

Д) ойын «Жоғалған сан»

Санардың көршісін табу

Аталған санның көршісін атау.

4-тапсырма: карточка берілген кеңістікті бағдарлау үйдің суреті.

Мен сендерге қайда не салатындарыңызды айтамын, сендер мұқият тыңдап айтылған суретті салыңдар жарайма балалар!

Б: Иә, жарайсыңдар.

Т:Енді балалар Білім ханшайымының әкелген соңғы тапсырмасын қарайық.

5-тапсырма: Логикалық есептер.

1. Дүкеннен анам дөңгелек 2 допты алып келді, оның біреуін ініме бердім

Менде неше доп қалды? (1)

2. Қолда қанша саусақ бар? (саусақтарын көрсету)

3. Ағашта 5 құс отыр, оның 2-уі ұшып кетті, ағашта қанша құс қалды?

4. Себетте 2 алма, табақта 3 алма, қосқанда барлығы болады неше алма?

Білім ханшайымы: Балалар сендер менің сұрағыма мүдірмей дұрыс жауап бердіңдер. Бір-бірлеріңе көмектесіп өз білімдеріңді көрсеттіңдер, енді Сіздерді мектепке қуана-қуана қабылдаймыз.

Енді мен басқа балабақшаға барамын, сау болыңыздар.

Әуенмен білім ханшайымы шығып кетеді.

Қортынды: Балалар, бүгін қандай тапсырмаларды орындадық, қане, есімізге түсірейік. Біз енді пішіндерді білеміз. (Бірге қайталау) 1-ден-10-ға дейін тура мен кері санаймыз. (Бірге қайталау) Жыл мезгілдерін білеміз, Апта күндерін білеміз.

-жарасыңдар балалар, бәріміз келген қонақтармен қоштасайық.

Көріскенше күн жақсы.

Сау саламат болайық.

№46 «Балбұлақ бөбекжайы» МКҚК Мектеп алды даярлық тобының тәрбиешісі:

Батырова Мөлдір Қарағұлқызы