"Қызықты математика" 1 сынып бағдарламас

«Малайсары жалпы орта білім беретін мектеп»

мемелекеттік мекемесі

Бағдарлама

«Қызықты математика»

1 сынып

2017-2018 оқу жылы

Бекітілді: Келісілді: Қаралды: Мектеп директоры Оқу ісінің меңгерушісі ӘБ жетекшісі

_____А.Жетыбаева _____Г.Жумабекова _____С.Казангапова

« » ________2017ж « » ________2017ж « » _______2017ж

Құрастырған: Р.М.Жакупова- «Малайсары жалпы орта білім беретін мектеп» мемлекеттік мекемесінің бастауыш сынып мұғалімі

Бұл бағдарлама бастауыш сынып мұғалімлерінің әдістемелік бірлестігінде қаралды, хаттама №1 28 тамыз 2017 жыл. Жалпы білім беретін мектептін 1-сыныбына арналған.

Алғы сөз

1-ші сынып оқушыларына арналған “Қызықты математика“ атты факультатив сабағының жоспарын ұсынып отырмыз. 12 жылдық білім беруге көшудегі білім беру жүйесін әлемдік білім кеңістігінде жетілдірудегі игі мақсаттардан туындап отыр.

Факультатив сабақтың негізгі мақсаты: оқушының ақыл ойын дамыту, ойлау қабілетін жетілдіру, пәнге деген қызығушылығын арттыру арқылы білімдерін қалыптастыру. Бағдарламада 10 көлеміндегі сандарды, кестелік қосу, азайту, теңдік, теңсіздік, сөз есеп шығару сияқты тақырыптар қамтылған. Берілген жаттығулар оқушының жас ерекшелігі мен қабілеттілігіне сәйкес құрылған. Ұсынылған тапсырмалар математика сабағынан алған білімдерін тексеруге, оны толықтыруға, оқушының оқуға деген жауапкершілігін арттыруға көмектеседі. Тапсырмадағы тірек сызбалар ұсынылып, оқушының өтілген тақырыпты игеруін, пысықтауын, ой қорытуын жеңілдетеді. Математика пәні шыдымдылықты, зеректілікті және еңбексүйгіштікті талап етеді. Бұл бағдарлма оқу материалын есепке алынып жасалынды. Ұсынылып отырған бағдарлама бастауыш сынып мұғалімдеріне қажетті, тиімді болатыны сөзсіз.

Бағдарламаның мақсаты мен міндеттері

Мақсаты: Математикалық ұғымдар мен іс - әрекет тәсілдерін оқып үйрету және білім, білік дағдыларын қалыптастыру.

Міндеттері:

- Оқушылардың есте сақтау қабілетін дамыту;

- Ауызша және жазбаша кестелік қосу, азайтуды үйрету;

- Кестелер, тірек сызбалар арқылы жұмыс істеуді меңгерту;

- Шығармашылық тапсырмалар арқылы балалардың логикалық ойын дамыту;

Бағдарламаны оқудағы білім, білік дағдылары

Білу:

- Заттарды санай білу;

- Қайсысы артық немесе кем екенін айта білу;

- Заттар тобын көз мөлшермен санау арқылы және сәйкестендіру арқылы салыстырту;

- Геометриялық фигуралардың атауларын білу;

- Есепті шеше білу;

- Логикалық тапсырмалармен жұмыс жасай алу;

Қолдана алу:

- ауызша және жазбаша есептеуді талдау ;

- өз бетінше есептің қысқаша шартын жазу;

- математикалық терминдерді қолдана алу;

- геометриялық фигураларды ажырату

Күтілетін нәтиже:

- Бағдарламаны оқыту барысында заттарды санауды игеру;

- Қосу, азайтуды, жазуды, оқуды, салыстыра отырып талдау;

- Геометриыялық фигураларды бір – бірінен ажырату;

- Қосу мен азайтудың қасиеттерін дәлелдеу;

- Логикалық есептерді шешудің жолын табу;

Бағдарламаның мазмұны

Қарапайым түсініктер (6 сағат) Математика курсының негізгі обьектісі сан және олармен орындалатын арифметикалық амалдарды оқытып үйретуге арнайы және жүйелі дайындық жұмысы жүргізіледі.

1 – 10 көлеміндегі сандар (2 сағат) Оқытып үйретудің маңызды міндеті – сан және цифр жайында түсінік қалыптастыру, осыған орай сандардың атауларын және олардың сәйкес цифрлармен белгіленетіндігін игерту, цифрларды жазу дағдысын қалыптастыру. Санның атауын оқушылар естиді және айтады, ал цифрды көреді және жазады. Жаңа санды бұрыннан белгілі сандармен салыстыру, ең кіші бір таңбалы және ең үлкен бір таңбалы санды анықтау;

Қайталау (1 сағат) Оқытудың негізгі нәтижелерін тиянақтап, бекіте түседі және олардың қай деңгейде игерілгендігін анықтауды жүзеге асырады;

Сандар әлемі туралы ертегі (2 сағат) Оқушылардың ой қиялын шығармашылығын дамыту; Өз қиялынан оқиғалар құрастыруға бейімдеу;

Санамақтар (1 сағат) Санамақтар арқылы оқушылардың тілдерін дамыту. Есте сақтау қабілеттерін арттыру;

Ойлан, тап (1 сағат) Баланың қызығушылығын, ынтасы мен ықыласын туғызып белсенділігін арттырады;

Қосу, азайтуға байланысты көңілді есептер (2 сағат) Ойын элементтері мен қызықты ізденіс сәттерін тиімді қолдану қажеттігін туғызу, өзіндік іс - әрекетке, ақыл ойының дамуына түрткі болады;

Қайталау сабағы (1 сағат) Қорытындыны нәтижесі - іс әрекет жасауға жаттығу;

Геометриялық фигуралар сыр шертеді (3 сағат) Заттың пішінін бағамдау геометриялық фигураларды ажыратуға, бөліктерге бөлу, бөліктерден фигура құрау, топтау көзделінеді;

Жұмбақ есептер (3 сағат) Жұмбақ есептер арқылы қызықтырып, зейінін қалыптастыру;

Өрнектер (3 сағат) Санды өрнектер мен әріпті өрнектерді ажырату, есептеуге машықтандыру;

Қайталау (1 сағат)

Логикалық есептер (3 сағат) Есеп ұғымының бір мәнді белгісін оқушыларға аңғартатын жұмыс түріне жатады. Сурет бойынша әңгіме құрастырып үйренеді;

Он көлеміндегі сандарды қосу, азайту (2 сағат) Ауызша қосып, азайтуға машықтандыру;

Геометриялық фигура (2 сағат) Әр алуан практикалық жұмыстарды орындауға негізделеді;

Қайталау (1 сағат)

Математика факультатив

«Математика әлемі»