«Рәміздерім - мақтанышым» оқырмандар сайысы

(ҚР-ның Мемлекеттік рәміздері күніне орай)

Мақсаты: ұлттық сана-езімі жоғары, рухани ойлауы терең, мәдениетті, парасатты, ар-ожданы мол, еңбекқор ұрпақтың бойына еліміздің рәміздері күніне орай патриоттық сезімді ұялату, кітапты сүйе білуге тәрбиелеу.

Көрнекілігі: «Ел бастаған Елбасы» кітап көрмесі, слаид, «Рәміздерім - рухым» тақырыптық сөре.

Кітапханашы: Халқымыз өнер мен білімді қадірлеген. Бүгінгі заманда барлық адамзат алдында тұрған басты мақсат- білімді ұрпақ тәрбиелеу. Тәуелсіздігіміздің арқасында ұлттық рәміздеріміз – елтаңбамыз елдік еншімізді ерекшелеп, көк байрағымыз биікке көтерілді. Әнұранымызды әлемдегі қауым тыңдап құрметтейді. Талай мемлекетте Қазақстан Республикасының Мемлекеттік Әнұраны орындалды. «Менің Қазақстаным!» Бұл сөзді жайбарақат айта салу қиын. Тіпті, мүмкін емес. Оны айтқанда бойыңды ерекше сезім билеп, санаңда әлдебір жарқын сәуле жалт еткендей әсерге бөленесің. Бүгінгі «Рәміздерім - мақтанышым» оқырмандар сайысына қош келдіңіздер!

Сайысымыздың кезеңдері:

1- кезең. Таныстыру. «Көк байрақты көтерген, ұрпағымыз асылдың»

2- кезең. «Тәуелсіз елдің ұланымын» Мәнерлеп оқу.

3- кезең. «Бір жерде, бірге жүрсең басын қосып, біріңнің бірің сөйле , сөзін тосып»

4- кезең. Сен білесің бе? (карточкаларды ашу арқылы сұрақтарға жауап)

5-кезең. Мақтанышым Қазақстан. Әңгіме құрау.

Барысы:

Әр салада барлайық,

Сынды сынға жалғайық.

Әділ баға беретін,

Әділқазы сайлайық.

Әділқазы мүшелерімен таныстырып өтейін.

Жүргізуші: Әділқазы мүшелерімен танысып болсақ, ендігі кезекті топтарға берсек.

1- кезең. «Көк байрақты көтерген, ұрпағымыз асылдың» топтардың өздерін таныстыруы.

Жүргізуші: Еліміз тәуелсіздік туын тігіп, егемендік алды!

Біз қазақпыз!

Есігі ашық, төрі кең,

Жылап өттік жылдар өмір өһрінен,

Жетер енді желпінейік, қарайық,

Мына өмірге иегердің көзімен.

Топтар «Тәуелсіз елдің ұланымын» тақырыбында тақпақтар оқиды.

3- кезеңіміз «сұрақ -жауап» Ұяшықтарды ашу арқылы сұрақтарға жауап береді. Қазақстанның мемлекеттік рәміздері туралы сұрақтар қойылады.

1. ҚР. Рәміздері қабылданған күн? 1992 жылы 4 маусымда.

2. Елтаңбаның авторы кім? Жандарбек Мәлібекұлы, Шот-Аман Ыдырысұлы

3. Қазақстан Республикасының Гимнінің авторларын ата? Сөзін жазғандар: Н.Назарбаев, Ж.Нәжімедтнов, Әні: Ш.Қалдаяқов.

4. Елтаңбаның жүрегі не? Шаңырақ.

5. Тудың түсі неге көк? Көк түс аспанды бейнелейді, Аспан – бейбітшілік пен молшылық белгісі.

6. Рәміздер дегеніміз не? Түрлі ұғымдардың бірлесуі, Ту, Елтаңба, Гимн.

7. ҚР.-ның астанасы – Астана қаласы болып қай жылы жарияланды? 1997 жылдың

10 желтоқсанында

8. ҚР. Туының авторы кім? Шәкен Оңласынұлы Ниязбеков

9. «Тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек. Әрбір азамат Қазақстанның Туын, Елтаңбасын, Әнұранын тұмардай қасиет тұтуы қажет. Елдігіміздің сыналатын бір тұсы-осы» – деп кім айтқан? Ел Басшысы Н.Ә. Назарбаев

10. Менің Қазақстаным» әні ең алғаш рет қай жылы Мемлекеттік Гимн ретінде орындалды?

10 қаңтарда 2006 жылы Елбасын ұлықтау рәсімінде орындалды.

Жүргізуші: 4-кезеңіміз «Бір жерде, бірге жүрсең басын қосып,

біріңнің бірің сөйле , сөзін тосып» әріптерді пайдалана отырып, сұрақтарға жауап береміз. І-топ сұрақтары:

1. Қазақтың ұлттық тағамдарын атаңыз?

2. Кімге еркелейсіз?

3. Әжелер тамақты қалай дайындайды?

4. Жыл бойы не істейсіз?

5. Тілек айтыңызшы?

6. Сергу үшін секіру керек пе?

7. Адамға не керек?

8. Спорт түрлерін атаңыз?

9. Адам аттарын атаңыз?

10. Басыңыз ауырса не істейсіз?

ІІ-топ сұрақтары:

1. Сенің сүйікті ертегің қандай?

2. Сен қандай түсті ұнатасың?

3. Жыл бойы не істейсіз?

4. Сүйікті пәніңіз?

5. Досыңның аты кім?

6. Қандай гүлді ұнатасың?

7. Спортпен шұғылданасың ба?

8. Сынып жетекшің ұнай ма?

9. Адам аттарын ата?

10. Қандай ұлттық ойындарды ұнатасың?

Жүргізуші: 5-кезеңіміз «Менің Қазақстаным» атты тақырыпта әңгіме қозғау. Оқушы пікірлерін тыңдау.

Жүргізуші: Құрметті ұстаздар мен оқушылар! Біздер үшін өте қуанышты да үлкен мереке. Мемлекеттік рәміздер күні! Осы мерекемен баршаңызды шын жүректен құттықтаймыз! Енді кешімізді қорытындылау үшін сөз кезегін әділқазы мүшелеріне береміз.

Юсупова Асем Нысанбайқызы

Қызылорда облысы

Жаңақорған ауданы

№163 орта мектеп кітапханашысы