Тақырыбы: Дінмұхаммед Қонаев

Жоспар:

Кіріспе

1. Дінмұхаммед Қонаев – Қазақстанның ұлы тұлғасы.

2. Оның елге сіңірген еңбегінің маңыздылығы.

Негізгі бөлім

1. Өмір жолы

1.1 Ерте өмірі мен білімі.

1.2 Еңбек жолының басталуы.

1.3 Саяси және мемлекеттік қызметі.

2. Жұмысынан кету және Желтоқсан оқиғасы

2.1 Қызметтен алынуы және оның салдары.

2.2 Желтоқсан көтерілісінің тарихи орны.

3. Дінмұхаммед Қонаевтың еңбектері

3.1 Ғылыми еңбектері.

3.2 Мемлекеттік қызметтегі еңбектері.

3.3 Әдеби еңбектері.

3.4 Мәдениет пен ғылымды қолдау.

4. Қайтыс болуы және мұрасы.

4.1 Қайтыс болу себептері.

4.2 Қонаевтың есімімен аталған нысандар мен оның халық жадындағы орны.

Қорытынды

1. Қонаевтың Қазақстан тарихындағы рөлі.

2. Оның еңбекқорлығы мен отансүйгіштігінің үлгісі.

Дінмұхаммед Қонаевтың өмір жолы

1. Ерте өмірі мен білімі.

Дінмұхаммед Ахметұлы Қонаев 1912 жылы 12 қаңтарда Верный (қазіргі Алматы) қаласында қарапайым жұмысшы отбасында дүниеге келді. Бала кезінен білімге құштар болып өскен. Орта мектепті тәмамдаған соң, Мәскеу қаласындағы Түсті металл және алтын институтына түсіп, инженер-металлург мамандығын алды.

2. Еңбек жолының басталуы.

1936 жылы оқуын бітіргеннен кейін Қонаев Балқаш мыс балқыту зауытында жұмыс істей бастады. Ол өз ісіне жауапты және еңбекқор болғандықтан, аз уақыт ішінде инженерден бас инженер қызметіне дейін көтерілді. Екінші дүниежүзілік соғыс кезінде өнеркәсіпті дамытуда ерекше белсенділік танытты.

3. Саяси және мемлекеттік қызметі.

1. Қонаевтың саяси қызметі 1942 жылдан басталды. Сол жылы ол Лениногор полиметалл комбинатының директоры болып тағайындалды.

1952–1955 жылдары – Қазақстан Компартиясы Орталық Комитетінің хатшысы.

1955–1960 жылдары – Қазақ КСР Министрлер Кеңесінің төрағасы.

1960–1986 жылдары – Қазақстан Коммунистік партиясы Орталық Комитетінің бірінші хатшысы.

Бұл жылдары Қазақстан экономикасы қарқынды дамыды: зауыттар, фабрикалар, ауыл шаруашылығы нысандары мен жаңа қалалар салынды. Ол елдің мәдениеті мен ғылымына да зор үлес қосты.

2. Жұмысынан кету және Желтоқсан оқиғасы

1986 жылы Дінмұхаммед Қонаев қызметінен алынып, орнына Ресейден Геннадий Колбин тағайындалды. Бұл шешім халық арасында наразылық туғызып, Алматыда Желтоқсан көтерілісі болды. Бұл оқиға Қонаевтың да, елдің де тағдырында маңызды орын алды.

3. Қайтыс болуы

Дінмұхаммед Қонаев 1993 жылы 22 тамызда Алматы қаласында жүрек талмасынан қайтыс болды. Ол өзінің еңбекқорлығы, адамгершілігі және әділдігімен халықтың жүрегінде мәңгі сақталды.

Қорытынды

Дінмұхаммед Қонаев – Қазақстан тарихындағы ұлы тұлғалардың бірі. Оның өмір жолы – еңбекқорлықтың, патриотизмнің және адал қызметтің үлгісі. Қазіргі таңда оның есімімен көшелер, оқу орындары аталған, ал Алматы қаласында оған арналған музей жұмыс істейді.

Дінмұхаммед Қонаевтың еңбектері

Дінмұхаммед Ахметұлы Қонаев – тек саясаткер ғана емес, сонымен бірге ғылым мен қоғамның дамуына зор үлес қосқан тұлға. Ол техникалық ғылымдардың докторы, тау-кен саласының маманы ретінде көптеген ғылыми және практикалық еңбектер жазды.

1. Ғылыми еңбектері

Қонаев Қазақстандағы тау-кен өнеркәсібінің дамуына байланысты маңызды ғылыми зерттеулер жүргізді. Ол Қазақстанның табиғи ресурстарын игеру, түсті және қара металдарды өндіру технологиялары саласында бірқатар жұмыстар жасады. Оның еңбектері КСРО-да және шетелдерде жоғары бағаланды.

Қонаевтың жетекшілігімен Қазақстанның жер қойнауындағы қазба байлықтарын зерттеу мен игеру жүйелі түрде жүргізілді. Ол жаңа кен орындарын ашуға және олардың тиімді пайдаланылуына үлкен үлес қосты.

2. Мемлекеттік қызметтегі еңбектері

Дінмұхаммед Қонаев Қазақстанның экономикасы мен әлеуметтік жағдайын көтеру жолында аянбай еңбек етті. Оның басшылығымен Қазақстанда көптеген зауыттар мен фабрикалар салынды, жаңа қалалар мен кенттер бой көтерді.Тың игеру науқаны кезінде ауыл шаруашылығын дамытуға күш салды.

Білім беру мен мәдениет салаларын қолдап, мектептер, жоғары оқу орындары және мәдени нысандар салынды

3. Әдеби еңбектері

Дінмұхаммед Қонаев өзінің өмірі мен қызметі туралы естелік кітаптар жазып қалдырған. Оның ең танымал шығармалары:

«Өтті дәурен осылай», «Ақиқаттан аттауға болмайды»

Бұл еңбектерінде ол өзінің өмір жолын, саяси және қоғамдық қызметіндегі қиындықтары мен жетістіктерін баяндайды. Естелік кітаптары халық арасында үлкен танымалдыққа ие болып, кейінгі ұрпақ үшін маңызды тарихи дереккөзге айналды.

4. Мәдениет пен ғылымды қолдау

Қонаев ғалымдарды, жазушыларды және өнер қайраткерлерін әрдайым қолдап отырды. Ол Қазақстан ғылым академиясының президенті ретінде елдегі ғылымның дамуына үлкен ықпал етті. Оның басшылығымен Қазақстанда ғылымның көптеген жаңа салалары дамыды.

Қорытынды

Дінмұхаммед Қонаевтың еңбектері – елдің экономикасы, ғылымы мен мәдениеті үшін жасаған қызметінің жемісі. Ол өз ісіне адал болып, халқының болашағы үшін аянбай еңбек етті. Оның еңбектері Қазақстанның дамуына негіз болып, ұрпаққа мұра болып қалды.

Рефарат